Útglennt og klæðalaus

Henni var nær, stelpuandskotanum, að láta ekki fyrrum unnusta sinn taka af sér soramyndir, útglenntri og klæðalausri. Það er annars makalaust hvað fólki dettur í hug, nú til dags, til að gera sé til ævarandi forsmánar. Og leki fyrrum unnustinn berrassínumyndum af Önnu inná netið getur hún sjálfri sér um kennt - varla hefur hún verið neydd til að sitja fyrir hjá honum í dónalegu ástandi. Svo virðist sem þessi fyrrum unnustanefna sé bölvuð glæpakind að upplagi fyrst hann tók þátt í fjármálahneyksli. Hann er sennilega uppfullur af afbrotagenum og munar eflaust ekki um að dæla klámfengnum myndum af fyrrverandi unnustu sinni inná netið. En hvernig ætli það sé: Á Anna þá ekki í fórum sínum samsvarandi myndefni af sínum gamla kunningja, Raffaelló, og svarað honum með þeim í sömu mynt á netinu?

Óttast að djarfar myndir af sér leki á netið

Athugasemdir

[Sigurður Sigurðsson, 6.8.2008 kl. 10:21]

Þú ert alvöru maður greinilega. Við kommúnísku klámkjaftarnir verðum að vernda rétt okkar til að taka þetta íhalds- og framsóknarspillta auðvaldsþjóðfélag í þverrifuna af og til.

[Jóhannes Ragnarsson, 6.8.2008 kl. 10:40]

Ójá, Sigurður minn, það kemur ekki til greina af hálfu okkar kommúnistana að láta deigan síga þrátt fyrir þennan sífellda og bölvaða framsóknar- og íhaldsstorm í fangið.

[Sigurður Sigurðsson, 6.8.2008 kl. 14:11]

Þetta hlýtur að jaðra við almenn hegningarlög að svívirða svona fólk fyrir skoðanir þess, og ofan í hýruna kemur það úr fasistatúla.

En Stalín er dauður hann er ekki hér. Ég kaus nú Samfylku sósíalista síðast og geri næst vegna hennar Ingibjargar. Hún ein getur hreinsað framsóknarfjósið og vonandi með dyggri hjálp Steingríms og Ögmundar.

Hvaða réttlæti er í því að þessir bankarockenfellarar séu með 60 milljónir á mánuði meðan aldraðir og öryrkjar eiga hvorki fyrir almennilegu fylleríi né góðum drætti? Svo ekki sé talað um salti í graut eða sár.

Og þessi Hippókrates er greinilega auðmaður. Meira pakkið.