Eru mammonskútarnir fórnarlömb brenglaðra sadistaræfla ?

Hananú, eru ekki nema litlu íslensku mammonskútarnir, sem hafa tugi miljóna í laun á mánuði, búnir að finna út að ódámarnir í alþjóðlegu matsfyrirtækjunum séu illvíg sadistakvikindi sem hafi sérlegt dálæti á að finna brengluðum hvötum sínum útrás á íslenskum fármála- og bankaséníum.

Nú er ekki nema eðlilegt að spurt sé, hvort umræddur kvalalosti matsgripana sé af kynferðislegum rótum runninn eða hvort einskær illmennska ráði för. Þessari áleitnu spurningu verður að svara áður en lengra er haldið því heill og hamingja íslensku bankana er undir því komin eftir hvaða grein hegningarlaganna alþjóðlegu matsþrjótarnir verða meðhöndlaðir fyrir dómstólunum.

„Matsfyrirtæki pynta íslenska banka"

Athugasemdir

[Alfreð Símonarson, 6.8.2008 kl. 15:10]

Eru þeir ekki bara að feika það, þ.e. íslensku bankagreifarnir, svona til að hrista aðeins meira af peningum úr okkur sauðunum? Ég tel að allt þetta fjölmiðlafjas um bankanna sé keimlíkt og þegar fjölmiðlarnir voru að hampa íslensku erfðagreiningu.

kær kveðja og lifi byltingin Alli