Munum líka eftir framsóknarþuklinu í Reykjavík

Á meðan Strandamenn undirbúa kynferðislegt áreiti við hrúta heima hjá sér á Ströndum bauka Sjálfstæðismenn við framsóknarþukl í Reykjavík. Þessa stundina er framsóknarhrúturinn Óskar Bergsson mældur og vegin, þreifaður og strokinn frá toppi til táar af Hönnu Birnu og Vilhjálmi stjórnmálaskörungi. Þá ku Guðni Ágústsson vera að fara í gegnum samskonar meðhöndlun. Af þessu sést, að það á að vanda til verka við undirbúning væntanlegrar kistulagningar Framsóknarflokksins. Og brátt munum við heyra svohjóðandi tilkynningu í dánarfregnum útvarpsins: ,,Athöfnin hefst með húskveðju að heimili hinnar látnu, jarðarförin fer fram frá KB-banka og jarðsett verður í heimagrafreit Sambands Íslenskra Samvinnufélaga. Séra Finnur Ingólfsson mun annast útförina og flytja líkræðu, en séra Halldór Ásgrímsson þjóna fyrir altari. Í sameiningu munu þeir félagar síðan moka yfir hina látnu." 

Keppt í hrútaþukli

Athugasemdir

[Níels A. Ársælsson., 14.8.2008 kl. 18:24]

Blóm og kransar afþakkaðir en þeim sem vilja minnast hinnar látnu er bent á minningarsjóð "Ólafsingólfsson-Ásgrímssonhúsein", til styrktar munaðarlausum börnum í Írak og fátæklingum í sveitum og sjávarþorpum Íslands.

[Eggert Hjelm Herbertsson, 15.8.2008 kl. 17:31]

Óborganlegur pistill

[Sigurður Sigurðsson, 15.8.2008 kl. 17:48]

Nú líst mér á þig félagi. Þú hefur þó varla náð að skrifa þetta ófullur?

[Hafsteinn Viðar Ásgeirsson, 15.8.2008 kl. 22:27]

Magnaður, ekkert minna... ..og örugglega bláedrú....