Gerðu illilega í bólið sitt

Nú held ég þeir hafi gert illilega í bólið sitt hjá Þjóðkirkunni að hafa gengið jafn purkunarlaust framhjá Bub Morteins og Stöðmönnum og raun ber vitni við veitingu tónlistarverðlaunanna sem kennd er við Lilju, þrátt fyrir að ofangreindir heiðursmenn hafi fyrir löngu ort þá Lilju sem alli vildu kveðið hafa. Það má útaf fyrir sig vel vera, að Haukur Guðlaugsson og Marteinn H. Friðriksson séu þokkalegir mússiksprellarar og geti trallað gömlu dansana á eldriborgaraböllum, en við hliðina á Bub og Kobba Magg eru þessir verðlaunahafar eins og hverjir aðrir dvergar í lægri kantinum. Það er augljóst að tónsérfræðingar Þjóðkirkjunnar verða að vanda sig betur og velja fullvaxna tónlistarmenn næst þegar þeir útnefna liljuhafa. 

Tónlistarverðlaun Þjóðkirkjunnar afhent

Athugasemdir

[Eyþór Eðvarðsson í Vilnius, 23.8.2008 kl. 18:10]

ég hlýt að hafa misst af einhverju, en hvað hafa Bubbi Mortens og Stuðmenn gert í listsköpun í þágu kirkjunnar?
Þessir listamenn sem þarna eru heiðraðir eiga svo sannarlega skilið þá viðurkenningu sem þeim hlotnast þarna.

Ég velti því þó fyrir mér hvort Liljan verði veitt árlega, þeir verða þá fljótt uppiskroppa með þá sem heiðraðir skulu með þessum hætti. Þarna taka þeir þrjá af okkar fremstu kirkjutónlistarmönnum á einu bretti..

[Jóhannes Ragnarsson, 23.8.2008 kl. 19:18]

Nú, Bubur og Stöðmenn hafa hljóðritað býsnin öll af háandlegri trúarvissutónlist og nægir þar að nefna ,,Fjöllin hafa vokað" og ,,Það er gott að elska" eftir Bub og ,,Draumur okkar beggja" og ,,Manst´ekki eftir mér?" eftir Stöðmenn. En þessi tónverk eru iðulega flutt við nútíma messur og útfarir í betri guðshúsum landsins.

[Heidi Strand, 23.8.2008 kl. 20:16]

Ég samgleðst verðlaunahööfunum og óska þeim innilega til hamingju.

[Ingibjörg Friðriksdóttir, 23.8.2008 kl. 21:57]

Skyldi Atli Heimir vita afesssu?

Bubburinn og Kobbi Maggadonn hafa fengið nóg, allavega Miðborgarfulltrúinn, hann ætti nú bara að sjá sóma sinn í því að flytja norður, eða þangað sem hann tilheyrir 

[Jóhannes Ragnarsson, 23.8.2008 kl. 22:28]

Eftir að Atli Heimir fór til sjós fylgist hann ekkert með svona tildri. En Bubur og Kobbi ... það eru skohh menn ...

[Ingibjörg Friðriksdóttir, 23.8.2008 kl. 23:19]

Nei Jóhannes, þeir míga ekki einu sinni standandi! 

[Heiða Þórðar, 23.8.2008 kl. 23:52]

Skammastu þín

[Sigurður Þór Guðjónsson, 24.8.2008 kl. 01:23]

Ég skil nú ekki svona hótfyndi því hótfyndni verður alltaf að meika sans þó í hálfkæringi sé. Þarna er verið að verðlauna fagmenn sem hafa lagt rækt við kirkjulega tónlist en ekki popplistamenn sem kunna að hafa gert lög sem sungin eru við jarðarfarir. Einn þessara manna, Haukur Guðlaugsson, var kennari minn og hann er ekki aðeins fínn músikant heldur einhver mesti öðlingur sem um getur.