Tómleikarnir á Klambratúni boða þrengingar og harðindi

Það var víst heldur fátt um fína drætti á tómleikunum á Klambratúni í kvöld ef frá er talinn söngflokkurinn Fjallabæður, sem tókst á eftirtektarverðan hátt að flæma hlaupandi á brott með sönglist sinni þær fáu hræður sem eftir voru á túninu. En áður en Fjallabræður stigu á svið höfðu Mángi og Jóan og liðsmenn Ný-Danskrar hálfdrepið áheyrendur úr leiðindum með þeim afleiðingum að bróðurparturinn af múgnum, sem komið hafði á Klambratún til að skemmta sér, ráfaði geyspandi eitthvert útí buskann. Það kom því aldrei til kasta Jet Black Joe og Hjaltalíns að láta ljós sitt skína þar eð allir voru farnir þegar kom að þeim. Þetta kallar maður nú fammistöðu á fyrsta degi nýs borgarstjóra í embætti! Ef framhaldið verður með þessum hætti má búast við að nýafturgengnum íhaldsframsóknarmeirihluta takist að tæma borgina af fólki áður en kjörtímabilinu lýkur. Það hefur aldrei borgað sig að efna til draugagangs að yfirlögðu ráði, þessháttar starfsemi hefur ætíð endað með ósköpum eins og dæmin sanna.

Meðfylgjandi mynd var tekin af óánægðum tómleikagesti forða sér á brott af Klambratúni í kvöld.

Tónleikar á Miklatúni

Athugasemdir

[Ingibjörg Friðriksdóttir, 24.8.2008 kl. 10:49]

aðhald og leiðindi.  Ég bý í næsta nágrenni, en var bara heima og bjó mig undir daginn í dag.  Heyrði tónleikana í útvarpi og fannst lítil gleði í þeim.

Takk fyrir þig sem ert svo jákvæður að undrun sætir.

[Jóhannes Ragnarsson, 24.8.2008 kl. 10:54]

Það er víst orð að sönnu, að ég sé jákvæður; ég er meira að segja talinn svo jákvæður, að fyrir skömmu var farið fram á tæki að mér að kennslu á jákvæðninámskeiði og nú er ég að hugsa málið ,hvort ég eigi að taka verkefnið að mér.

[Edda Agnarsdóttir, 24.8.2008 kl. 11:09]

Bros - en var þetta sv ekki ágætt?