Silfurverðlaunin orðin að vandamáli

Þær eru svo sem fallegar og hugnæmar blessaðar myndirnar af fagnaðarstemmningunni miklu í gær, sem prýða meðfylgjandi frétt. Þó vantar sárlega góðar myndir af brottför og heimkomu menntamálaráðherra frá ferð hennar á ólympísku leikana í Kína, en þar á ég auðvitað við ferð númer 2. sem kostaði 2 stífar milljónir króna. En það var áreiðanlega margt athyglisvert og guðsþakkarvert við þá ferð; meðal annars hjó ég eftir að sá vammlausi þingflokksformaður Sjálfstæðisflokksins, frú Arnbjörg að austan, fullyrti í Kastljósþætti áðan, að silfurdrengirnir frá Peking hefðu sagt að seinni koma Þorgerðar Katrínar á leikana hefði styrkt baráttuanda þeirra til mikilla muna. Þegar Arnbjörg að austan var spurð hvort hún hefð sjálf heyrt þá segja eitthvað þessu líkt, fór hún undan í flæmingi og fór að tauta um að einhver hefði sagt að strákarnir hefðu sagt þetta ... 

Ég er eiginlega komin á þá skoðun, að handboltalandsliðið og silfurverðlaunin séu orðin að hálfgerðu eða hábölvuðu vandræðamáli innan Flokksins góða, Sjálfstæðisflokksins; og ekki bætir herra Ólafur Ragnar Grímsson geð guma á Höfuðbólinu þessa dagana, nema síður sé.  

Landsliðið kemur heim - myndir

Athugasemdir

[Ingibjörg Friðriksdóttir, 28.8.2008 kl. 20:51]

Ekki er ég íhald, nema síður sé, en ég þakka Þorgerði Katrínu fyrir hennar aðkomu að handboltalandsliðinu.

Þeir fjármunir sem lagðir voru í þetta munu skila sér margfalt til baka.

Ég er hálf lasin eftir að sjá viðundrið  hann Jón Magnússon í Kastljósinu í kvöld.  Ef það er einhver sem fer í mínar fínustu (og þær eru fínar) þá er það hann.

Í stað þess að segja eða skrifa eitthvað ljótt, skrifa ég BÍBB.

[Jóhannes Ragnarsson, 28.8.2008 kl. 21:28]

Hvað segirðu eiginlega Ingibjörg, þú verður að útskýra hvernig það lýsir sér þegar maðurinn sem þú kallar viðundur fer í þessar fínustu. Og svo þakkar þú Þorgerði Kattrínu fyrir ... Ég á ekki eitt einasta andskotans orð.

[Hafsteinn Viðar Ásgeirsson, 28.8.2008 kl. 21:35]

Ja nú gengur hún Ingibjörg, sem ævinlega á samleið með okkur báðum hefur mér fundist, algerlega úr skaptinu, í hverju hefur hún lent...ég verð að segja BÍBB núna....

[Anna Dóra Gunnarsdóttir, 28.8.2008 kl. 21:49]

BÍÍÍBB

[Ingibjörg Friðriksdóttir, 28.8.2008 kl. 22:03]

Ég hef fíngerðar taugar Jóhannes, og ég þolli ekki svona helvítis uppsakfninga ein og Jón þennan Magnússon.  Get ekki útskýrt það nánar, ekki frekar en handboltafíknina.

[Hafsteinn Viðar Ásgeirsson, 29.8.2008 kl. 00:56]

Látum nú vera með Jón ræfilinn Ingibjörg, en hvernig geturðu þakkað Þorgerði þessari, þó ágæt sé, Íslenskan handbolta, nei andskotinn, ekki frekar en Hönnu Birnu...

[Ingibjörg Friðriksdóttir, 29.8.2008 kl. 13:29]

Jú, þú hefðir átt að sjá glottið á mér, þegar frenjurnar misstu af kossi hjá fyrirliðanum.

Þið þurfið að skilja buisness til að fatta hvað er á seiði.  Og munið, við þurfum fé til að búa við velferð.  Þessi ferð hennar Tobbu mun margfalt borga sig, og ekki orð um það meir.

Verum svo bara vinir áfram.