Frjálshyggjupútnastofninn í útrýmingarhættu

Það eru fleiri fuglar en lundinn í útrýmingarhættu um þessar mundir. Miklar fréttir berast nú í stríðum straumum um að frjálshyggjupútnastofninn sé á undra skömmum tíma kominn að fótum fram. Engar líkur eru þó á frjálshyggjufuglarnir verði settir á válista þar sem ótvíræð hreinsun væri að aldauða þeirra. Talið er að hrun stofnsins eigi rætur að rekja til ofáts á peningum sem engin innistaða var fyrir.

Til gamans má geta, að frjálshyggjupútur eru af ættkvísl vargfugla og lifa aðlega á arðráni. Þær eru útsmognar í að fara í kringum lagabókstafi og kunna öðrum betur að beita fyrir sig lygum, fagurgala, hótunum, hroka og prettum. Einnig eru frjálshyggjupúturnar alræmdar fyrir áhuga sinn á ræna samfélagslegum eignum og koma þeim í hendurnar á vildarvinum sínum.

Sem betur fer hyllir nú undir að síðustu frjálshyggjupútnaskjáturnar geyspi golunni og verður þá þungu fargi létt af mörgum. 

Lundinn settur á alþjóðlegan gátlista

Athugasemdir

[Árni Gunnarsson, 2.10.2008 kl. 17:12]

Mikið andskoti er þetta góður pistill hjá þér og myndhverfingin snjöll!

Alkunna er að púturnar fljúga fyrst eftir að hausinn er höggvinn af þeim. Nú er spurning hvort frjálshyggjupútan flýgur líka ef einhverjum tekst að höggva af henni hausinn?