Fávitaskapur af talíbönskum frjálshyggjutoga

Samkvæmt fréttum heimtar Alþjóða gjaldeyrissjóðurinn ekki að Íbúðarlánasjóður verði einkavæddur. Enn fremur, að ekki séu sett fram tímamörk um einkavæðingu á bönkunum þremur: Landsbanka, Glitni og Kaupþingi!!!

Ekki nema það þó. Íslendingar ættu varla annað eftir en að einkavæða bankana uppá nýtt. Mér skilst að jafnvel ólíklegasta fólk sé farið að taka sér í munn frasakenndar bjargráðssetningar eins og: ,,við skulum læra af reynslunni," og eitthvað fleira í þeim dúr. Ef stjórnvöld ætla að fara að brasa við að einkavæða (einkavinavæða, því það getur aldrei orðið annað en einkavinavæðing) bankana, hafa þau hin sömu stjórnvöld ekkert lært af neinni reynslu.

Að sjálfsögðu eiga bankarnir, eftir það sem á undan er gengið, að vera áfram í eigu ríkisins, og reknir á forsendum alþýðunnar. Allt annað er hreinn og klár fávitaskapur af talíbönskum frjálshyggjutoga.

Óska eftir 6 milljörðum dala

Athugasemdir

[Auðun Gíslason, 20.10.2008 kl. 17:03]

Mér líst nú vel á að fram fari ítarleg rannsókn á bankahruninu.  Það verður fróðlegt að sjá, hvað útlendir rannsakendur myndu finna útúr því dæmi!  Stjórnmálamennirnir og seðalbankamafían er rúin trausti innað beini.  Og hvað er þá til ráða annað en að fá einhverja utanaðkomandi til að greiða úr spaghettíinu?

[Björn Birgisson, 20.10.2008 kl. 17:17]

Breytt landslag?

Þjóðarsálin hefur verið döpur að undanförnu, eftir hraklegt fall kapítalismans bæði hér heima og vítt og breytt um heiminn. Nú verðum við að taka fagnandi öllum útréttum höndum sem vilja leggja okkur lið, hvort sem okkur líkar það betur eða verr.

Kreppan hlýtur að breyta flestu í þjóðlífinu til langs tíma. Í breytingum felast tækifæri. Til dæmis í pólitíkinni. Kommúnisminn er löngu dauður, kapítalisminn í andarslitrunum. Hvað er þá eftir? Millistigið, jafnaðarmennskan, til dæmis að hætti frænda vorra á Norðurlöndum.

Nú er líklega besta lag sem leiðtogar flokkanna hér heima hafa fengið til breytinga. Sameina Samfylkingu, Vinstri græna og jafnaðarsinna í Framsókn og hjá Frjálslyndum. Takist það breytist landslagið heldur betur. Slíkur jafnaðarmannaflokkur yrði yfirburðaafl og leiðandi í landsmálunum.

Við þurfum að skapa nýtt þjóðfélag. Viljum við bara blása eld að glæðum hins hrunda samfélags, eða viljum við byggja upp á nýtt - og þá hvernig?

Nú er lag - eða hvað?

[Jóhannes Ragnarsson, 20.10.2008 kl. 17:40]

Það ætti að vera lag - til einhvers.

Að sameina Samfylkingu, VG og jafnaðarsinna í Framsókn og Frjálslyndum er tæknilega hægt en trúlega mjög erfitt í framkæmd.

Í annan stað væri hægt að reyna að sameina sósíalistana, verkalýðssinnana, í VG, Samfylkingu, og þá sem standa utan þessara flokka. Það gæti orðið stór og öflugur flokkur. Það er nefnilega þannig, að þrátt fyrir að VG og Samfylking kenni sig við vinstri stefnu, eru þetta fyrst og fremst flokkar menntamanna sem hafa lítin sem engan áhuga á vejulegu verkafólki og miða enda pólitík sína ekki út frá verkalýð eða stéttarbaráttu.

Það er mesti misskilningur, Björn, að kommúnisminn sé dauður. Hann lifir góðu lífi mun víðar en margan grunar. 

[Björn Birgisson, 20.10.2008 kl. 18:02]

Sameining flokka er alltaf erfið í framkvæmd, en alls ekki óframkvæmanleg. Nú er þörf sem aldrei fyrr.

En er ekki erfiðara að horfa upp einkavinavæðingu frjálshyggjunnar?

Er ekki erfitt að vita af Hannesi Hólmsteini (margdæmdum) og Halldóri Blöndal í bankaráði Seðlabankans? Miklir fjármálasnillingar þar á ferð - eða hvað? ................ eins og Birgir Ísleifur, Steingrímur Hermannsson, Tómas Árnason og hvað þeir hétu nú allir sem vantaði létta vinnu fyrir gott kaup? Reyndar fyrir eftirlaunalögin margrómuðu!

Ef kommúnisminn er ekki dauður - þá er hann í besta falli afturgenginn!

[Jóhannes Ragnarsson, 20.10.2008 kl. 18:25]

Skrifræðis,,kommúnisminn" sem stundaður var í Austur Evrópu er trúlega dauður. En kommúnismi er mikið víðtækara hugtak en skrifræðisbröltið í Sovétríkjunum sálugu.

Ég er sammála þér, að nú er meiri þörf en oftast áður, vinstrimenn, sósalistar, verkalýðssinnar skipuleggi sig til sóknar gegn klíkuveldi borgarastéttarinnar og hennar pólitík.

Það er nauðsynlegt að brjóta allar frjálshyggjutilfæringar hægrimanna á bak aftur fyrir fullt og allt og koma Sjálfstæðisflokknum í langa pólitíska útlegð. Að því verkefni verða vinstrisinnar að ganga skipulagðir til verks.   

[Björn Birgisson, 20.10.2008 kl. 20:08]

Var að horfa á Kompás. Trúi að mikið hafi veri' svindlað. Þannig er það alltaf þegar menn hafa tækifæri til. Bankakerfismenn hvetja menn til afbrota, til að upphefja sjálfa sig, koma sér í mjúkinn hjá "meintum auðmönnum" sleikja svo upp molana sem hrökkva af borðum þeirra, þess vegna æluna, fullvitandi um gagnvirkni afbrota þeirra.

Hvað gerum við nú?

1. Frystum alla reikninga sem nokkur leið er að koma höndum yfir.

2. Bjóðum þessum topp 30 "auðmönnum"  að gera allt sitt upp og koma með allt sitt að uppbyggingu Nýja Íslands.

3. Ef þeir sinna því á engan hátt, tjá sig engan veginn um sinn þátt í vandræðum þjóðarinnar, telja sig stikkfrí vegna utanaðkomandi kreppu - þá er bara eitt eftir.

4. Að selja veiðileyfi á þá.

[Jóhannes Ragnarsson, 20.10.2008 kl. 21:39]

Sammála Björn.

En ég er ansi hræddur um að niðurstaðan verði á endanum sú, að það verði að virkja lið 4. í tillögum þínum.