Herra byskubinn ætti að bannfæra kvikindin

Nær hefði herra byskubinum yfir guðskristni á Íslandi verið að bannfæra, og vísa í verri staðinn, í hátíðamessu sinni í Hallgrímskirkju, þeim leiðindaskepnum sem leitt hafa meiri hörmungar yfir landið en hafís, byljir og gjörningaveður samanlagt frá landnámstíð.

En byskubinn getur þó gert bragarbót á mistökum sínum í morgun í sjónvarpsmessunni á aðfangadagskvöld. En þá ætlast ég líka til að hann láti misyndiskvikindin hafa það óþvegið á tyrknesku og leitast við með kröftugri bæn að kveða niður til Vítis alla Mammons drýsildjöfla.

Ef herra Karl Sigurbjörnsson hræðist að leggja til atlögu við ófénaðinn, skal honum bent á, að hann á vísann stuðning til verksins hjá þúsundum meðhjálpara, sem ekki munu telja eftir sér að aðstoða hans herradóm við verkið. 

Von í viðjum skuldanna

Athugasemdir

[Jón Steinar Ragnarsson, 30.11.2008 kl. 17:11]

Ja hérna hér.  Og þú telur að tuldrið í biskupnum breyti einhverju þar um? Þú ert kannski fylgjandi því að taka upp rannsóknarrétt og galdrabrennur aftur?

Ég myndi heldur fagna því ef biskupsómyndin lýsti því yfir að þjóðkirkjan tæki á sig 10% flatan niðurskurð eins og heilbrigðiskerfið þarf að taka á sig. Það eru hvorki meira né minna en 700 milljónir, sem farið gætu í þarfari málefni en hjátrú manna á ímyndaða vini.

[Ólafur Ingi Hrólfsson, 30.11.2008 kl. 17:26]

Biskupinn ætti kanski að bannfæra bruðlið í kirkjunni fyrst - og fara svo í hin málin -

það er þetta með bjálkann og flísina

[Björn Birgisson, 30.11.2008 kl. 18:09]

Það virðast enginn takmörk vera fyrir hræsninni frá bæði biskum og bubbum

[Jóhannes Ragnarsson, 30.11.2008 kl. 22:55]

Taka upp rannsóknarrétt og galdrabrennur, segir þú Jón Steinar. Það má athuga það.

Nú, er ekki byskubinn löngu búinn að bannafæra bruðlið í kirkjunni?

Frá mínum bæjardyrum séð, er það hið argasta guðlast að nefna greyskarnið hann Bubb í sömu andrá og byskubinn yfir Íslandi.