Hressingarlyf ríka fólksins: hvítvín og kókaín

Það eru víst fleiri en terroristar og vígamenn sem nota kókaín til að efla með sér kjark og kraft. Kókaín hefur hefur um langan aldur gengt því gagnmerka hlutverki að vera ,,hressingarlyf" ríka fólksins. Þá er haft fyrir satt, að miklir viðskiptamógúar snússi sig rækilega á hvíta duftinu dýra áður en þeir ganga til stórra samninga um verslun og viðskipti af ýmsu tagi. Á upptendruðum spennu- og eyðslutímum halda glansnúmer borgarastéttarinnar æsileg samkvæmi þar sem aðaleldsneytið eru hvítvín og kókaín. Þá er talið góðæri í landi.

Hryðjuverkamenn á kókaíni

Athugasemdir

[Þórbergur Torfason, 4.12.2008 kl. 02:32]

Já sæll Jói minn. Eftir að hafa látið þær systur Báru, Hrönn, Unni og Öldu vagga mér í svefn í hartnær viku og ekki þurft að glíma við bróður þeirra Brotsjó, er alltaf gaman að rýna í ræðuhöld fólks á þessum vettvangi. Ég sé að þú ýjar að því að útrásarterroristarnir íslensku hafi haft um nef kókaín, sem oft er tilgreint sem dóp þeirra ríku.

Til að leyfa ímyndunaraflinu að leika ofurlítið lausum hala (ekki með stórum) hugsar maður til kaupanna á t.d. West Ham eða, ég bara kann ekki nöfnin á þessum pjötlubúðum þarna í Útlandinu. Hugsa sér þessa þefara með nefið undir pjötlunum (sbr: sagan af litla Jóni og Jóni???) Hm, hvaða fnykur er þetta? Er þetta hm: Sniff:: Nei andsk. þetta er eitthvað notað stöff. Svo komu þessir eðalvíkingar hlandbrunnir á nefinu heim á klakann, strauuðu nokkur kort, tóku eldsneyti og svo aftur undir svuntuna og þefuðu uppi fleiri fórnardýr.

Við borgum aldrei.