Það á að sparka atvinnurekendunum út - strax

Það er löngu tímabært að atvinnurekendur hverfi, eða verði sparkað ef ekki vill betur, útúr stjórnum lífeyrisjóða launþega, þar eiga þeir ekkert erindi.

Það væri gleðilegt ef samtök launafólks um allt land sýndu þann manndóm, að taka undir ályktun aðalfundar Sjómannadeildar Framsýnar hvað þetta varðar.

Þá ættu stjórnmálaflokkarnir að lýsa yfir vilja til að breyta lögum um lífeyrissjóði í þá veru að einungis fullgildir félagar í sjóðunum eigi rétt á að sitja í stjórn þeirra.

Vilja atvinnurekendur úr stjórnum lífeyrissjóða

Athugasemdir

[Björgvin R. Leifsson, 23.12.2008 kl. 13:51]

Launþegar eiga að fá að kjósa í stjórnir lífeyrissjóðanna líkt og þeir kjósa í stjórnir stéttarfélaganna. Þá sætu stjórnirnar í umboði sjóðfélaga og yrðu að axla ábyrgð á gjörðum sínum.

[Jóhannes Ragnarsson, 23.12.2008 kl. 13:58]

Að sjálfsögðu Björgvin. Annað er ekki boðlegt.

[Marinó G. Njálsson, 23.12.2008 kl. 15:48]

Það er öllum frjálst að bjóða sig fram í stjórnir lífeyrissjóðanna.  Það er gert á ársfundum sjóðanna.  Á þá mæta yfirleitt milli 20 - 50 manns.  Hvernig væri bara að mæta næst á fund síns sjóðs?

[Jóhannes Ragnarsson, 23.12.2008 kl. 16:15]

Það er ekki nóg fyrir launafólk að mæta á aðalfundi lífeyrissjóða þar sem því stendur ekki til boða að kjósa nema helming stjórnarmanna, hinn helmingurinn er frátekinn fyrir atvinnurekendur.

Það verður að breyta lögum um lífeyrissjóði á þá leið að atvinnurekendum verði endanlega úthýst úr stjórnum lífeyrissjóða. Það er ótækt að fulltrúar braskaralýðsins stjórni lífeyrissparnaði launafólks. Það er nefnilega nóg komið af slíkum óþrifnaði.