Þá stórvirki líkt Njálsbrennu skal unnið ...

Svo langt sem það nær, er svosem góðra gjalda vert að hafa með sér söngbækur, potta, pönnur, hrossabresti, þokulúðra og púkablístrur þegar alþingismenn verða heimsóttir á vinnustað þeirra á morgun. En ég hef samt enga trú á að hávaðaframleiðsla með slíku dóti nái innfyrir leðurhlustirnar í eyrum óforskammaðra alþingismanna og ráðherra.

Nær væri að múgurinn væddist að minnsta kosti þeim tólum og tækjum sem forfeður vórir notuðu þá þeir hugðu á stórviki eins og Njálsbrennu eða annað þvíumlíkt. Það þarf varla þróaðri vopnabúnað til að svæla önnur eins lítilmenni og heybrækur út úr spillingarbælum sínum. Ég sé herra Gjeir Haaarde fyrir mér á harðaspretti úti í Reykjavíkurtjörn, viti sínu fjær af hugleysi, með sannan afkomanda Egils Skallagrímssonar, sveiflandi beittum brandi, á hælunum.

Þá bylting skal gjörr dugar ekkert hálfkák. 

Hvetja til mótmælastöðu við Alþingi

Athugasemdir

[Sverrir Einarsson, 20.1.2009 kl. 08:18]

Ég sé þig í anda setjast upp í Rússajeppann og aka til Alþingis.

Rífandi kjaft við tölvuna og gera ekki neitt.

Þá hetjur riðu um héruð eru þér hugleikin orð...........en hvað gerir þú?

Leggur allt á þig í að hvetja aðra til að mæta og horfir svo á úr hæfilegri fjarlægð svo ekki falli kusk á Rauða kverið sem þú ert örugglega með í vinstri hendinni.

Ja svei láttu sjá þig ég mæti (aldrei þessu vant er ég ekki að vinna) ég skal labba með þér inn í Þingið og reka þessa kóna út ( í tjörnina þessveggna).

[Jóhannes Ragnarsson, 20.1.2009 kl. 09:52]

Því miður á ég ekki heimangengt í dag, annars myndi ég mæta á staðinn. Reyndar hef ég í tvígang tekið mig upp og farið til Reykjavíkur til að mótmæla, með Kommúnistaávarpið og Rauða kverið í vinstri hendinni.  En frekar en ekki neitt þá nota ég netið til að rífa kjaft.

[Sverrir Einarsson, 20.1.2009 kl. 17:29]

Ég mætti tvöfaldur í staðinn, ekki með Rauðakverið heldur kaffibolla í vinstri og sígó í þeirri hægri og rölti um, sýndi mig og sá aðra, heilsaði uppá suma, aðra ekki, sá hund gera það sem ég hefði verið sektaður fyrir, hann meig utan í þinghúsið, lögreglan leit í hina áttina á meðan, kom heim ómeisaður, enda fór ég þegar unglingarnir voru að metast um það hver gæti gert mesta uslann áður en löggan meisaði þá.

Fékk mér svo gott kaffi á Horninu hjá Kobba og sjávarréttasúpu á eftir, mæli sérstaklega með henni.

Kominn heim og heill heilsu en reynslunni ríkari.

Þú átt ekki að vera svona hundfúll þegar ég er að reyna að ná þér upp á almennilegt rifrildislevel.