Við viljum alvörubyltingu - ekki hálfkák og útúrsnúninga

Ég geri fastlega ráð fyrir að Steingrímur J. og Jóhanna viti uppá hár hvað til þeirra friðar heyrir. Ef svo óhönduglega hefur til tekist, að þau viti ekki í hverju þeirra friður er fólginn, munu þau fá að finna fyrir eldhúsamboðum á borð við steikarapönnur og kökukefli svo um munar og það við fyrsta tækifæri.

Og það skulu Steingrímur og Jóhanna hafa hugfast, að bylting fólksins á götunni var ekki til þess eins að koma þeim í forsætis- og fjármálaráðuneytið. Öðru nær.

Byltingunni lauk ekki með ríkisstjórnarskiptum á Bessastöðum í dag.

Byltingin er ferskt lifandi afl sem stöðvast ekki við einfaldar pólitískar hrókeringar; hún halda ótrauð áfram, og ekki taka tillit til þröngra hagsmuna og samtryggingar flokkseigendafélaga stjórnmálaflokkanna.

Við viljum nefnilega alvörubyltingu - ekki hálfkák, eða platbyltingu, í útúrsnúningastíl. 

 

 

Slá skjaldborg um heimilin

Athugasemdir

[Björgvin Gunnarsson, 1.2.2009 kl. 21:14]

Amen!

Þetta er þó klárlega skref í rétta átt :)

[Jóhannes Ragnarsson, 1.2.2009 kl. 21:36]

Skref er skref, ekki ætla ég að forsmá það. Og skrefið í dag er líklega í rétta átt. En mikilvægast er að hvert fótmál þar á eftir verður að vera hnitmiðað.

[Jóhannes Ragnarsson, 2.2.2009 kl. 00:39]

Ég læt mér nú nægja að ,,hitta naglann á höfuðið" í stað þess að skjóta hann á hausin.