Vitlausustu menn þjóðarinnar

Einhverntímann sagði ágætur fiskverkandi austur á landi í útvarpsviðtali, að hagfræðingar væru vitlausustu menn þjóðarinnar. Það er ekki að ófyrirsynju þó að þessi orð fiskverkandans komi upp í hugann þegar sprenglærðir auðvaldshagfræðingar koma trekk í trekk fram fyrir alþjóð eins og álfar útúr hól og taka til við að útlista eftiráspeki sína. Það broslegasta við malið í Zoega og Daníelsyni er að þeir lýsa því umbúðalaust yfir, sennilega óvart, að auðvaldsklíkan á Íslandi hafi framið svo stórbrotin afglöp að engann þurfi að undra hvernig komið sé. En auðvitað dettur boðberum eftiráhagspekinnar ekki til hugar að segja fólki sannleikann um úrkynjunareðli kapítalismans og óhjákvæmilega fylgifiska hans eins og kreppur og efnahagshrun með reglulegu millibili. Ónei, slík helgispjöll forðast auðvaldshagfræðingarnir eins og heitan eldinn, heldur kjósa þeir að vera áfram vitlausustu menn þjóðarinnar.

Vítahringur í peningamálum

Athugasemdir

[Inga Lára Helgadóttir, 9.2.2009 kl. 21:51]

Mér fannst þeir virka bara mjög heiðarlegir og mjög skýrir þarna í Kastljósinu, svo ég held að þeir hafi ekki sagt neitt "óvart".

En mér fannst þeir virka mjög vel á mig og var mjög hrifin af þeim. 

Kveðja,

Inga Lára

[Jóhannes Ragnarsson, 9.2.2009 kl. 21:56]

Hvað segirðu Inga Lára, sástu virkilega ekkert spaugilegt við þessa labbakúta?

Ég skal fúslega viðurkenna að góðir loddarar eru ævinlega afar traustvekjandi, en það getur verið varasamt að verða hrifin af þeim.

[Sigurveig Eysteins, 10.2.2009 kl. 08:20]

Fiskverkanda í næsta stól Seðlabankastjóra það bjargar öllu, hvernig stendur á því að engum hafi dottið það í hug fyrr. Það vantar ekkert á heilasellurnar hjá þér, viltu ekki bara taka sjálfur við stjórn.

[Jóhannes Ragnarsson, 10.2.2009 kl. 10:49]

Ég er nú kominn á þá skoðun, Sigurveig mín, að sæmilegur fiskverkandi eða fiskverkakona hefðu með engu móti getað klúðrað efnahagsmálum þjóðarinnar jafn rækilega og þeir sem hafa ráðið gangi mála á Íslandi síðustu ár.

[Sigurveig Eysteins, 10.2.2009 kl. 17:20]

Ég er ansi hrædd um að Sjálfstæðið komist í stjórn eftir næstu kosningar Ágúst,,, jú því að þeir sem kjósa Sjálfstæðið eru (að virðist) með gullfiskaminni. Annars heyrði ég ein góðan um daginn, sonur vinkonu minnar var með barmmerki allan menntaskólann á úlpunni sinni og á því stóð. 

Notaðu smokk því það fæðast Sjálfstæðismenn á hverri mínútu.