Ég syrgi þá ekki, fari þeir vel

Að losna við þessa tvo auðvaldsklepra úr forsvari fyrir Nýja Kaupþing og Nýja Glitni er mjög gleðilegt, láti sem flestir þeirra líkar sig hverfa á braut. 

Nú er nauðsynlegt að hefja samfélagsvæðingu svo um munar. Bankana þrjá á að sameina strax í einn alþýðlegan ríkisbanka; Síminn verði aftur gerður að ríkisfyrirtæki; olíufélögin verði þjóðnýtt hið snarasta; núverandi fiskveiðistjórnunarkerfi verði leyst upp og fiskveiðiauðlindinni skilað til þjóðarinnar; tekið verði duglega í rassgatið á læknamafíunni og einkastofur peningalæknanna bannaðar; svokallaðir einkaskólar verði lagðir niður; ríkisfyrirtæki sem færð voru einkaaðilum síustu 20 árin verði samfélagsvædd; skipaútgerð ríkisins verði endurreist; öll tryggingafélög verði færð undir hið opinbera. Og þannig má áfram telja, en ég læt hér staðar numið að sinni.

Standa við afsagnir sínar

Athugasemdir

[Magnús Sigurðsson, 11.2.2009 kl. 17:12]

Góð upptalning, mætti við hana bæta að reka IMF úr landi með talnaverkið sitt.  Verst að hafa engan Castro í sjónmáli til að hughreysta þjóðina.

[Liberal, 11.2.2009 kl. 17:24]

Það eru til blábjánar sem virkilega trúa þessu og að þetta sé lausnin. Vonandi ekki þú. En skoffínin í ríkisstjórninni eru að sigla hraðbyr að þessu "módeli".

Það er sem sagt til fólk sem óskar þess heitar en nokkuð annað að hér verði reist Norður Kórea norðursins.

[Árni Gunnarsson, 11.2.2009 kl. 17:50]

Nú máttu vara þig Liberal! Ég var að keyra upp Rauðarárstíginn áðan og sá þar skuggalegan mann. Hann var dimmur á svip, dökkur í andliti og með sveip í hnakkanum. Hann var óöruggur í fasi, hvimaði augum í kringum sig, var í dökkri hettuúlpu og bar hvolpana líkt og Ión Hreggviðsson samkvæmt lýsingu nákunnugra manna. Ef þessi maður hefur ekki verið djöfulsins kommúnisti og haft illt í hyggju þá,- ja þá heiti ég nú bara Björn Bjarnason og er af Engeyjarætt.

Ég hef haft það mér til afþreyingar um nokkurt skeið að aka um borgina og svipast um eftir kommúnistum en þeir eru auðþekktir fyrir sauðglögga menn eins og mig. Af stuttri samantekt um þessar skoðunarferðir sýnist mér að þess verði skammt að bíða að kommar nái hér völdum og að þá muni blóð renna.

[Níels A. Ársælsson., 11.2.2009 kl. 18:04]

Halelúla !

[Níels A. Ársælsson., 11.2.2009 kl. 18:05]

Eigi skal velja frið ef ófriður er í boði !

Þér að segja.

[Björgvin R. Leifsson, 12.2.2009 kl. 08:27]

Sammála þér Jóhannes eins og stundum áður ;-)

Liberal hinn ófrjálslyndi er náttúrlega tröll, sem ekki á að fæða í athugasemdakerfinu.

[Þórbergur Torfason, 12.2.2009 kl. 23:35]

Ránfugl sómir sér vel utan á Valhöll.

[Björn Jónsson, 15.2.2009 kl. 19:51]

Veistu Jóhannes, þú ert nauðsinlegur hérna!!!!

Virkar á mig eins og bólusetning gegn KOMMÚNISMA, gott mál.

Eins og einn trúbróðir þinn sagði í útvarpsviðtali þegar hann var spurður út í hreinsanir Stalíns ,, Hvaða máli skiptir það hvort þetta fólk drepist nokkrum mánuðum fyrr en seinna "

Og gerðu eins og Björgvin R félagi þinn bendir á, ekki hleypa svona skítaplebbum eins og mér og Liberal inná commentið hjá þér.

Þrátt fyrir það ætla ég að óska ykkur alls hins besta.