Vanþakklát kerlingarbora, kraftaverk og skömm

Kolbrún Halldórsdóttir Guttormsson er stolt og keik þrátt fyrir skúffelsi með árangur sinn í prófkjörsforvalinu í gær. Það er náttúrulega algjört vanþakklæti hjá kerlingarborunni að vera hundóánægð með að lenda í sjötta sæti því það gengur kraftaverki næst að hún skuli yfirleitt fá eitt einasta atkvæði í svona kosningu. Kolbrún, Katrín, Álfheiður í fiskeldinu, Sendiherradóttirin og vandræðablókin Árni Þór mega mega þakka sínum framagosaguði fyrir hve félagsmenn VG í Reykjavík eru illa haldnir af dómgreindarskorti og pólitískri alblindu. Það er algjör skömm að því að hreyfing sem skreytir sig með ,,vinstri" nafnbót skuli vera jafn ofurseld tækifærissinnum og pólitískum náttúruleysingjum og raun ber vitni. Ég legg til að VG breyti nafni flokksins, fjarlægi orðið ,,vinstri" úr nafninu og kalli sig eftirleiðis Hjörleifshreyfinguna grænt framboð, Svavarvædduhreyfinguna eða Steingrimsjhreyfinguna. ,,Ríkisstjórnarhreyfingin mislitt framboð" væri líka ágætt nafn á fyrirbærið því VG er ríkisstjórnarsjúkur flokkur, boðinn og búinn að selja æru sína fyrir ráðherrastól undir rassinn á formanninum.

Keik og stolt í sjötta sætinu

Athugasemdir

[Steingrímur Helgason, 8.3.2009 kl. 13:10]

Um þennann umritaða 'hippókratakomma' er ég þér alveg sammála & tek einnig undir áhyggjur Einars.

[corvus corax, 8.3.2009 kl. 15:20]

Það er umhverfisvæn landhreinsun að losna við Kolbrúnu af þingi annars eins tækifærissinni og ofstækisbjáni hún er. Nú færist ég skrefi nær VG þótt ég berjist á móti því en allt hitt flokkadraslið er gjörsamlega ónýtt fyrir mér ...og hefur lengi verið.

[Árni Þór Sigurðsson, 15.3.2009 kl. 20:52]

Ég er ánægður með það, frændi, að þú hefur amk. getað notað myndina mína af vinkonum þínum Kolbrúnu og Svandísi.

[halkatla, 17.3.2009 kl. 11:20]

ég fíla hana í botn og vil sjá fleiri brjálæðinga einsog hana á þingi, amk skárra en rotnandi zombís