!0 svartir fánar við Valhöll í dag

Í dag ríkir sorg í salarkynnum Sjálfstæðisflokksins í Valhöll. Angist og ráðaleysi hefur sest að í hjörtum sem áður slógu gráðugan góðæristakt. Þegar það varð síðan heyrinkunnugt í dag að það vonda fólk, Jóhanna og Steigrímur J., hefðu ráðið til sín norska kerlingu sem er alræmd fyrir að hundelta góða sjálfstæðismenn víða um lönd, skall á grafarþögn, ískaldur eins og kjarnorkuvetur, í herbúðum íslenskra sjálfstæðismanna. Rétt áðan sagði kunningi minn, sem ók framhjá Valhöll fyrir stundu, mér, að þar fyrir dyrum drjúpi 10 svartir fánar í hálfa stöng. Og þessi ágæti kunningi minn bætti við, að af þessu mætti ráða að forystusveit Sjálfstæðisflokksins ætti von á að a.m.k. helmingur flokksmanna væri á leið í fangelsi. 

Eva Joly sérstakur ráðgjafi

Athugasemdir

[Arinbjörn Kúld, 10.3.2009 kl. 15:23]

Flottur, frábær frétt.

[Ingibjörg Friðriksdóttir, 10.3.2009 kl. 15:46]

þennan pistil mun ég auglýsa grimmt.

[Sigurður Sigurðsson, 10.3.2009 kl. 15:58]

Ætli það séu nú ekki einhverjir stuðningsmenn Samfylkingarinnar sem fara beina leið í grjótið, það þýðir ekki að hvítþvo sig af spillingunni.

Baugsflokkurinn (Samfylkingin) er óumdeilanlega mesti spillingarflokkur landsins, örlítið stærri en gamli Framsóknarflokkurinn og það verður gaman að sjá þegar helstu stuðningsmenn flokksins drattast á bak við lás og slá.

[Ingibjörg Friðriksdóttir, 10.3.2009 kl. 16:29]

Alveg er mér sama hverjir það eru og hvaðan þeir eru, bræður og systur synir og dætur.  Ég vil alla bak við lás og slá sem tekið hafa þátt í að svívirða þjóðina og þegnana.

[Þórbergur Torfason, 11.3.2009 kl. 23:24]

Sæll Jói. Ég legg hart að sjálfgræðgismönnum að leggjast í dróma eitt kjörtímabil og vera ekki mikið á sveimi og alls ekki í framboði. Það hefur verið stefna okkar náttúruverndarsinna (teljum ekki með hvalina, enda þeir ekki á válista) að halda hlífiskildi yfir stofnum í útrýmingarhættu. Þess vegna segi ég við þá, dragið ykkur í hlé í þessum kosningum, það er ykkar eina lífsvon.