Sjúklegt einelti af geðkrabbategund

Djöfull er nú alltaf nöturlegt þegar einstaklingar, sem eiga að heita fullorðið fólk, verða fullkomlega helteknir af einni alsherjar þráhyggjustarblindu. En þegar þráhyggjustarblindan brýst út í eineltistilburðum og fúllyndi gagnvart góðu fólki má segja að sjúkdómurinn sé kominn á alvarlegt stig. Á fagmáli er svona kvilli kallaður ,,sálarmyrkvi" og er hvimleitt afbrigði af geðkrabba, sem lýsir sér eitthvað á þá leið að sjúklingurinn fer að líkjast blóðgrimmum rakka sem situr um að bíta húsbónda sinn hvenær sem færi gefst á.

Og nú er semsé orðið lýðum ljóst að Grasa-Gudda Samfylkingarinnar í Kópavogi hefir komið sér upp áunnum sálarmyrkva í garð Gunnars I. Birgissonar borgarstjóra í Kópavogi; hún er með manninn gjörsamlega á heilanum bæði að nótt sem degi. Allt það góða sem Gunnar borgarstjóri gerir, en allt sem hann gerir er gott, lítur Grasa-Gudda á sem spillingu af verstu tegund. Nú síðast gerir hún atlögu að Gunnari vegna viðskipta Kópavogsborgar við fyrirtæki í eigu dóttur Gunnars. Sveimérþá ef hægt er að sökkva dýpra í forarvilpu lágkúrunnar. Ef fram heldur sem horfir verða heilbrigðisyfirvöld í Kópavogi að skerast í leikinn og stöðva einelti hinnar heilsulausu samfylkingarmaddömu á hendur Gunnari I. Birgissyni; maðurinn er hættur að geta um frjálst höfuð strokið fyrir ómálefnalegum svarragangi kerlingarinnar og ofstopa.

Við skulum biðja algóðan Guð um að þessum ósköpum linni.

„Kom verulega á óvart“

Athugasemdir

[Magnús Helgi Björgvinsson, 7.5.2009 kl. 22:25]

Heyrðu nú mig. Ert þú eitthvað ruglaður. Gunnar Birgirsson hefur verið að útdeila verkefnum til dóttur sinnar!!!!!!! Og þér finnst það bara allt í lagi? Við erum að tala um fyrirtæki dóttur Bæjarstjóra Kópavogs hefur veirð falið að gera bæklinga og blöð fyrir yfir 50 milljónir og þér finnst það bara allt í lagi? Er nema von að Ísland sé orðið svona? Ef að þetta er almennt viðhorf.

Svo spyr ég hvað er svona sérstaklega gott sem Gunnar gerir?

[Jóhannes Ragnarsson, 7.5.2009 kl. 22:27]

Það er allt gott sem Gunnar gerir, enda er gott að búa í Kópavogi.

[Ragnheiður Ólafía Davíðsdóttir, 7.5.2009 kl. 22:34]

Það er hin mesta firra að Gunnar Birgisson sé spilltur stjórnmálamaður. Það sjá allir að hann er einungis að gæta hagsmuna bæjarins. Það hlýtur að vera hagstætt að leita ekki út fyrir fjölskylduna eftir tilboðum í verk sem eru aðeins nokkurra milljóna virði. Ég dáist að mönnum eins og þér að verja jafn heiðarlegan stjórnmálamann og Gunnar Birgisson. Það er beinlinis ljótt að efast um heilindi hans. Þetta er sannarlega ekki spilling og aðrir bæjarfulltrúar ættu að fagna slíkti ráðdeildarsemi sem hinn heiðarlegi og óspillti bæjarsjóri viðhefur.

[Gísli Baldvinsson (IP-tala skráð) 7.5.2009 kl. 23:25]

Það er ekki bara Samylkingin sem gagnrýnir bæjarstjórann...

[Svala Jónsdóttir, 7.5.2009 kl. 23:26]

Finnst þér sem sagt eðlilegt að ættingjar bæjarstjóra sitji að tugmilljóna verkefnum frá bænum?

[Elfur Logadóttir, 7.5.2009 kl. 23:56]

Svei mér þá, ég held að ég sé hætt að fatta kaldhæðni fólks. Ég næ ekki brandörum af þessu tagi.

[Svala Jónsdóttir, 8.5.2009 kl. 00:58]

Já, ég er greinilega með jafn langan fattara og Elfur... :)

[Sigurður Sveinsson, 8.5.2009 kl. 06:51]

Það eru ekki allir með jafngóðan fattara. En það ætti nú að vera flestum ljóst að borgarstjórinn í Kópavogi er mikilmenni sem ekki fer í manngreinarálit. Á ekki dóttir hans sama rétt og aðrir? Hvaða læti eru þetta í Samhryllingunni? Svo lengi sem Gunnar ræður verður voða notalegt að búa í Kópavogi.

[Guðmundur Benediktsson, 8.5.2009 kl. 09:08]

       Það segir reyndar í kvæðinu: "En síst er hægt að segja frá í kvæði/ svarragangi kerlingar og bræði./ Gvend (Gunnar) hún barði og bauðst að taka völdin..."