Stálu öllu sem þeir komu höndum yfir

Einusinni voru svona stofutónleikar haldnir heima hjá Kolbeini kunningja mínum Kolbeinssyni og frú Ingveldi eiginkonu hans. Sex manna hópur með hávaðatól í eftirdragi kom glamraði í um það bil klukkutíma, öllum áheyrendum til leiðinda og óþæginda. En þar með var ekki öll sagan sögð: Tónlistarmennirnir í stofusextettinum notuðu tímann vel heima hjá Kolbeini og stálu öllu sem þeir komu höndum yfir á heimilinu og höfðu á brott með sér; maturinn sem geymdur var í kæliskápnum, áfengið í vínskápnum, snyrtivörur þeirra hjóna á baðherberginu ásamt einu og öðru lauslegu hvarf eins og jörðin hefði gleypt það. Kolbeinn og frú Ingveldur kærðu þjófnaðinn því þau eru ekkert uppá það komin að láta stela frá sér. En það hafði nú lítið uppá sig: Meðlimir sextettsins sneru samstundis vörn í sókn og kærðu Kolbein og frú Ingveldi til baka fyrir ærumeiðingar og upplognar sakir og fengu þau dæmd til allhárra fébóta. Af framansögðu má auðveldlega draga þá ályktun að stórhættulegt sé fyrir húsráðendur að hleypa hljóðfærafólki inn til sín til stofutónleikahalds. Ég skora því á saklaust fjölskyldufólk að varst vítin og reka alla stofutónleikahaldara af höndum sér um leið og þeir knýja dyra.

Stofutónleikar hefjast í dag

Athugasemdir

[Ásgeir Rúnar Helgason, 22.5.2009 kl. 12:16]

Sorglegt að heyra. Þó get ég gengið í ábyrgð fyrir þennan hóp sem umrædd frétt fjallar um. Þetta eru mikil ljúfmenni og höfðingjar.

[Ingibjörg Friðriksdóttir, 22.5.2009 kl. 12:41]

Ásgeir R.  Þarfu endilega að vera svona jákvæður?

[Ásgeir Rúnar Helgason, 22.5.2009 kl. 14:35]

Nei, nei Ingibjörg, ég get alveg verið neikvæður á köflum:(

Lifi fjalldrapinn!

[Hallur Magnússon, 22.5.2009 kl. 21:25]

Áfall fyrir Samfylkinguna - en eins og fram hefur komið þá var Ólafur Ólafsson einn af helstu styrktaraðiljum Samfylingarinnar árið 2006.

[Jóhannes Ragnarsson, 22.5.2009 kl. 21:35]

Já, enda er sorg í Samfylkingarkoti í dag. Fari sem horfir getur Samfylkingin ekki boðið fram næst sökum fjárskorts og skulda. En það verður þá bara að hafa það.

[Hafsteinn Viðar Ásgeirsson, 22.5.2009 kl. 23:45]

Hvað hafa stofutónleikar þessir að gera með hann Samskipa Óla Hallur? Er hann í hljómsveitinni eða umræddu ofbeldisliði telurðu, eða ert þú bara með karlinn á heilanum?