Vitfirringahæli fyrir úrbrædd FramsóknarÍhöld

Ég held að félagi Steigrímur J. hafi lög að mæla þegar hann segir, að fólk verði að fara að horfast í augu við hversu alvarleg staða ríkissjóðs er. Eins og við var að búast, hitti helstefna nýfrjálshyggjukapítalisma Sjálfstæðisflokks og Framsóknar þjóðina fyrir með óhugnarlegu brauki og bramli. Hinsvegar láta helvísk framsóknaríhöldin eins og lítið sem ekkert hafi í skorist, vandinn sé smár og hann sé hægt að leysa með einföldu sjónhverfingartrixi. Svo kóróna þessir boðberar fjálshyggjukapítalismans heimskuna í sér með því að eyða dýrmætum tíma Alþingis í argaþras og þref um þingflokksherbergi og til að verja kvótaránsmafíu LÍÚ. Þetta kallar maður nú að ganga hreint til verks.

Það sér hver heilbrigður maður að ekki verður lengur undan því vikist að koma á laggirnar vitfirringahæli fyrir veruleikafirrta og úrbrædda stjórnmálamenn.

Framsóknarmenn í afneitun

Athugasemdir

[Ellert Júlíusson, 22.5.2009 kl. 14:53]

Velkominn til Íslands. Svona hefur þetta verið síðustu 20 ár, fólk var bara of upptekið við að kaupa einbýlishús og innbú úr Casa.

[Ingibjörg Friðriksdóttir, 22.5.2009 kl. 15:14]

Er ekkert Framsóknargen í þér Jóhannes?

[Jóhannes Ragnarsson, 22.5.2009 kl. 15:31]

Svo er Guði fyrir að þakka að ekki er svo mikið sem ein einasta arða af framsóknargeni í mér. Það er vísindalega sannað.  Ef svo væri teldist ég öryrki andlegur öryrki.

[Ingibjörg Friðriksdóttir, 22.5.2009 kl. 15:35]

Jæja, góurinn.  Ég er Framsókn í móðurætt og Kommúnisti í móðurföðurætt og íhald í föðurföðurætt.  Heldur þú að ég lendi inn á hælinu?

[Jóhannes Ragnarsson, 22.5.2009 kl. 15:54]

Það eina sem gæti bjargað þér er kommúnisminn í móðurföðurættina. En ekki trúi ég að gamla konan móðir þín sé framsóknaristi.

[Ingibjörg Friðriksdóttir, 22.5.2009 kl. 16:09]

Nei, hún móðir mín hefur sagt skilið við flokkinn, en móðurforeldrar mínir voru tryggustu og jafnframt dyggustu stuðningsmenn SÍS frænda.

En, það skyldi þó ekki vera að hún Þurðiður Friðriksdóttir frá Óspakstöðum bjargaði mér frá hælinu.  Hún fór til að mynda til Rússlands og tók í spaðann á Krúsa gamla.  Já, hún var líka grýtt eggjum af ungum Sjálfstæðismönnum áður en ég fæddist.

Kommagenið hlýtur að vera ríkjandi, enda er ég meira inn á þeirri línu, þótt móðuramma mín hafi nú verið í meira uppáhaldi hjá mér en kommakonan (vil ekki segja kerling) hún Þuríður.

[Sigurjón, 23.5.2009 kl. 01:05]

Hver er munurinn á frjálshyggjukapítalisma og nýfrjálshyggjukapítalisma?  Hver er þín skilgreining á hvoru fyrir sig?

[Jóhannes Ragnarsson, 23.5.2009 kl. 01:29]

Það er enginn munur Sigurjón minn.

[Sigurjón, 23.5.2009 kl. 16:04]

Gott og vel, en skilgreiningin er?