Með smárakka og aðra hælbíta aftaní buxnaskálmunum

Hvernig getur nokkrum manni dottið í hug að Díletto Tott geti rannsakað eitthvað viðvíkjandi Gunnar borgarstjóra í Kópavogi? Ekki einusinni ögustu hottintottar í Skrælingjadal myndu samþykkja aðra eins reginfirru. Eins og nafnið bendir til, þá er Díletto þessi sérfræðingur í totti en ekki samskiptum borgarstjóra og fyrirtækja. Þess utan þarf ekki að rannsaka neitt hjá Gunnari I. Birgissyni; hann stendur ætíð klár gegnvart smárökkum og öðrum blauðum hælbítum. Enda hefur hann ekkert annað gert en að rífa Kópavog uppí hæstu hæðir. Á fáum árum hefur honum tekist uppá sitt eindæmi að breyta þessum stað úr voluðu þorpi í glæsilega borg, rétt eins og frelsarinn breytti vatni í vín. Það er því ekki að undra þó liðleskjur og vanmetakindur úr Samfylkingunni geti ekki á heilum sér tekið af minnimáttarkennd gagnvart hinum mikla manni og reyni í örvæntingu sinni að glefsa aftaní buxnaskálmar hans. 

Deloitte rannsakar viðskiptin

Athugasemdir

[Ingibjörg Friðriksdóttir, 27.5.2009 kl. 00:15]

Æi mér er svo illt að ég ætla að fara að sofa, góða nótt!

[Ingibjörg Friðriksdóttir, 27.5.2009 kl. 15:45]

Ertu ekki að grína í mér, er hann virkilega orðinn 65 ára?? 

Ég vissi að við ættum eitthvað mikilvægt sameiginlegt við Jóhannes, en ekki að við værum tvíburar, nei, það vissi ég hreint ekki.

Ég á afmæli á morgun.

Til hamingju Jóhannes, þú hefur rúmlega bóndaárið yfir mig ef það er rétt að þú sért orðinn svona gamall....

[Ásdís Helga Jóhannesdóttir, 27.5.2009 kl. 20:00]

Maðurinn er ekki nema 55 ára úngur!

[Ingibjörg Friðriksdóttir, 27.5.2009 kl. 21:57]

54 módelið er algjörlega mitt módel. 

[Jóhannes Ragnarsson, 28.5.2009 kl. 00:21]

Hann lýgur því, drengfjandinn, að ég sé 65 ára. Ég veit ekki betur en ég sé fæddur 1954.

Guð blessi borgarstjórann í Kópavogi.

[Sigurður Sveinsson, 28.5.2009 kl. 07:36]

Hælbítarnir eru alveg voðalegt fyrirbæri. Sérstaklega þegar borgarstjórar eiga í hlut. Þeir voru síglefsandi í næstmerkasta borgarstjórann, Ólaf F. Magnússon. Og jafnvel enn skeinuhættari þeim allra merkasta, Gunnari Gullputta, borgarstjóra Kópavogs.  Skítalyktina leggur langar leiðir af andstæðingum þess gulldrengs. Þeir leggja dóttur hans í einelti vegna smámuna. Doktor Gullputti ætti að fá fálkaorðuna ekki seinna en strax. Áfram Gunnar, við styðjum þig og dáum.

[Ásdís Helga Jóhannesdóttir, 29.5.2009 kl. 10:32]

Við höfum allan daginn í dag og á morgun til að fylla geymsluna af bjór og brennivíni því það hækkar ekki fyrr en um mánaðamótin:)

[Þórdís Bára Hannesdóttir, 29.5.2009 kl. 17:06]