Verri sjúkdómur herjar á varnarlausa íslendinga

Þó að bölvuð svínaflensan sé að sönnu vondur sjúkdómur er ekki fyrir það að synja, að hér uppi á Íslandi hefur önnur plága sýnu verri, evrópusambandsveikin, fengið að grassera án afskipta læknavísindana og leikið þjóðina grátt. Talið er að um þriðjungur þjóðarinnar hafi smitast af umræddri plágu og ótrúlegur fjöldi þeirra sem sóttina hafa tekið hafa ýmist látist eða lent inni á geðveikrahæli. Einkenni evrópusambandsveikinnar er þrálátur svimi, iðrakvef og ranghugmyndir. Mjög erfitt er að halda uppi samræðum við sjúklingana; þeir svara einatt út í hött eins og páfagaukar og virðast utan gátta eins og þeir séu staddir í öðrum heimi. Sé t.d. sagt við evrópusambandssjúkling, að nú sé gott veður, svara þeir undantekingarlaust, að veðrið væri miklu betra ef við værum í ESB. Og ef maður býður þessum vesalingum góðan daginn, taka þeir undir kveðjuna með því að segja að dagurinn væri mun betri ef Ísland væri í ESB.  Það er ljóst að þessi alvarlegi sjúkdómur á eftir að valda gífurlegum búsifjum hér á landi verði ekkert að gert, jafnvel landauðn ef allt fer á versta veg. Ein von þjóðarinnar gagnvart þessari skelfilegu vá er að taka smitberana úr umferð og hafa þá í einangrun í langan langan tíma.

Fréttaflutningur af H1N1 gagnrýndur

Athugasemdir

[Anna Sigríður Guðmundsdóttir, 18.7.2009 kl. 11:01]

Jóhannes. Ég er sammála. Ég er með hugmynd! Sendum þá til ESB lands sem hefur verið illa leikið af ESB! þá fara þeir kanski að átta sig á hvernig þeir eru að láta plata sig.

[Hafsteinn Viðar Ásgeirsson, 19.7.2009 kl. 13:45]

...Góður...Anna, hefurðu eitthvað fyrir þér, geturðu nefnt mér það land, eða ertu bara að þvaðra eins og við hinir?

[Hafsteinn Viðar Ásgeirsson, 20.7.2009 kl. 08:08]

Er þaað tifellið heldurðu Ágúst, að ESB hafi ráðgert vandræðin í Lettlandi. Ég held nú að það megi nú teygja þá hugmynd og vel gæti það nú orðið  ESB sem hjálpuðu til við að koma skikk á hlutina þar?

[Hafsteinn Viðar Ásgeirsson, 20.7.2009 kl. 19:54]

Þú virðist ekki gera ráð fyrir að það hafi fylgt þessu neinir kostir, en klárlega voru ekki bara ókostir í pakkanum, var það? Auðvitað verður einhver samkeppni um hlutina og það er ekki bara ókostur???

[Hafsteinn Viðar Ásgeirsson, 21.7.2009 kl. 00:23]

Algerlega sammála þér um landbúnaðinn, ég er bara ekki sannfærður um að hann færi svona illa útúr aðild?