Samansafn höfuðveikra skammarkvikinda eða glæpasamtök?

Bjarni Ben II og aðrir hottinteglar og skoffín í Sjálfstæðisflokknum ættu að láta ógert að tala opnberlega um að ríkisstjórnin eigi að segja af sér. Þessháttar ósmekklegur kjaftháttur hljómar eins og þegar brennuvargar hafa á orði að nauðsynlegt sé að reka slökkvilið burt frá brennandi húsi. En svokallaðir ,,sjálfstæðismenn" kunna ekki að skammast sín og eiga víst aldrei eftir að læra þá list, vegna þess að fluga nokkur hefur komið því inn í heilabú þeirra lítil, að þeir eigi allt og megi allt.

Látum nú vera ef Sjálfstæðisflokkurinn væri einugnis samansafn höfuðveikra skammarkvikinda. Þá væri óþarfi að hafa nokkrar áhyggjur. Staðreyndin er hinsvegar sú, að Sjálfstæðisflokkurinn er fyrst og fremst slóttug glæpasamtök, sem tekist hefur að gera Ísland að einu alsherjar ræningjabæli og hórdólga, sem komið hefur þjóðinni á vonarvöl fátæktar og landflótta.

Í ljósi ofangreindrar staðreyndar er algjör óþarfi að láta dragast úr hömlu að ganga hreint til verks og banna þessi skugglegu samtök ódáma og óyndismanna með lögum frá Alþingi. Það varðar nefnilega við þjóðarhag og þjóðaröryggi að láta illræmd mafíusamtök, jafnvel þó þau sigli undir fölsku flaggi stjórnmálaflokks, fá að athafna sig að vild eins og ekkert hafi í skorist. Tómlæti réttkjörinna stjórnvalda gagnvart slíkri vá flokkast hiklaust undir glæp gegn fólkinu í landinu.   

Víki verði fyrirvörum hafnað

Athugasemdir

[Anna Sigríður Guðmundsdóttir, 29.8.2009 kl. 23:30]

Ég er sammála þér Jóhannes. Ég heyrði ávæning af tali Bjarna Ben og Sigmundar Davíðs um moruninn þegar atkvæðagriðslan fór fram um icesave, og ég velti fyrir mér hvort þeir, og þá sérstaklega Sigmundur Davíð hefði ruglast og teldi sig vera á framboðsfundi . Mér finnst margt gott fólk í  í þessum flokkum, en það virðist sem það ágæta fólk viti ekki fyrir hvaða glæpasamtök þau eru í raun að vinna.