Hahahahaha ... með tremma eftir stöðugleikafylliríið

Það er engu líkara en blessaður atvinnulífsverkalýðsforstjórinn Vilhjálmurgylfi hafi loks uppgötvað í svefnrofunum í morgun að ríkisstjórnin hafi sagt honum og stöðugleikasáttmálanum hans að fara til fjandans eða lengra í gærkvöldi. Ekki er að efa að það geti verið full hráslagalegt að vakna upp með andfælum eftir óralangt stöðugleikafyllirí. Það er víst allt annað en gaman ganga í gegnum deleríum tremens og önnur óhrjáleg fráhvarfseinkenni eftir þessháttar jörvagleði.

Það verður fróðlegt að sjá til Vilhjálmsgylfa þegar hann þegar hann flytur verkalýðnum barátturæðu á næsta 1. maí. Síðast var karlskepnan bauluð niður þegar hann lét til sín taka á þeim vettvangi. Næst má búast við að hann verði borinn niður og kastað útí Reykjavíkurtjörn. Það væri góður endir á farsælum verkalýðsforstjóraferli hjá Vilhjálmigylfa og sérlega vel við hæfi.  

Yfirlýsingin kom ASÍ á óvart

Athugasemdir

[Sigurjón Þórðarson, 28.10.2009 kl. 19:40]

Það virðist vera sem fleiri en Vilhjálmur Birgisson hafi fengið nóg af ASÍ sjá http://www.vh.is/frett.asp?fID=2499

[Jóhannes Ragnarsson, 28.10.2009 kl. 20:21]

Það kæmi mér ekki á óvar þó um eða yfir 90% félagsmanna sem heyra undir ASÍ seú búnir að fá nóg af vandræðaskáldinu Gylfa Arnbjörnssyni. Það sama á eflaust við náhirðina hans, sem saman stendur af giljagaurum eins og Kristjáni í Keflavík, Skúla Thoroddsen, frí Ingibjörgu Err og Guðmundi Gunnarssyni Bjarkarpabba, svo helstu stórstjörnunar í þeim söfnuði séu nefndar.