Andlegir öreigar hrunsins

En mestu mistökin hjá þessum andlega öreiga var að bjóða sig fram til áframhaldandi setu á Alþingi eftir það sem á undan var gengið. Og enn meiri mistök voru það hjá háttvirtum kjósendum að kjósa þennan dreng aftur á þing. Ég dauðsé eftir hverjum einasta eyri af skattpeningunum mínum sem fer í að hafa Björgvin G. Sigurðsson og hans líka á fóðrum, en hans líkar eru því miður helst til margir á Alþingi íslendinga. 

Hinsvegar var ekki við öðru að búast en að Össurinn reyndi að koma í veg fyrir að Björgvin segði af sér. Það segir allt sem segja þarf um Össur og Samfylkinguna.

 

Björgvin íhugaði tvisvar afsögn

Athugasemdir

[Rúnar Þór Þórarinsson, 18.11.2009 kl. 18:09]

Það eru frekar margir þingmenn sem ég vil alls ekki borga krónu í laun, nema kannski fyrir það að yfirgefa Alþingishúsið fyrir fullt og allt.

[Gunnlaugur I., 18.11.2009 kl. 18:20]

Hnitmiðuð og beitt fyrirsögn hjá þér, "Andlegir öreigar hrunsins"

Stráknum er samt eiginlega alger vorkunn að hafa verið settur í þetta embætti með þessu algerlega óhæfa og óheiðarlega fólki Össuri og ISG.

En þessar upplýsingar og það sem áður hefur komið fram ætti að nægja til þess að draga Ingibjörgu Sólrúnu Gísladóttur fyrir Landsdóm og dæma hana fyrir að halda grafalvarlegum upplýsingum leyndum, þ.e. leynd og pukur gagnvart réttbærum ábyrgðarmanni bankamála í landinu.

[Rúnar Þór Þórarinsson, 18.11.2009 kl. 18:42]

Hvað hafði ISG með pukur Geirs H. Haarde, Árna Matt - Sjálfstæðisflokksins m.ö.o. - að gera? Hrunið var þeirra einleikur um árabil, það veit hvert mannsbarn.

Það verður snúnara að róta yfir það en svo en áorka má með einni hlutdrægri skáldsögu eftir Styrmi.

[Gunnlaugur I., 18.11.2009 kl. 19:45]

Ræunar Þór. ISG var sjálf í slagtogi með þessum gaurum og hin roggnasta og sat marga fundi með bankastjórn Seðlabankans sem formaður Samfylkingarinnar allt frá því í febrúar 2008 og fram á sumar, jú ásamt Geir Haarde og Árna Matt líka í einhverjum tilvikum, þar sem fram komu grafalvarlegar skýrslur erlendra sérfræðinga um gríðarlea hættu um veikburði íslensku einkabankanna og yfirvofandi hættur. Þessum upplýsingum öllum hélt hún vandlega leyndum fyrir þjóðinni og líka sjálfum viðskipta- og bankamálaráðherranum. Slíkt er ekkert annað en "leynd og pukur" af verstu sort og flokkast undir að vera stjórnsýslulegur glæpur gagnvart landi og þjóð og réttsettum yfirvöldum í þessu tilviki veslings Björgvini G. Sigurðsson sem hafður var að algjöru atlægi og fífli af eigin flokksformanni !

Fyrir þetta aðgerðarleysi og hryllilega ábyrgðarleysi og axarsköft og fleiri vitleysur á að draga þau Geir H. Haarde og Ingibjörgu Sólrúnu Gísladóttur fyrir Landsdóm og dæma þau fyrir vanrækslu og stórfelld afglöp gagnvart þjóðinni !

En hrokagikkurinn ISG tilheyrir náttúrlega ekki þessari þjóð að eigin áliti !

[Rúnar Þór Þórarinsson, 18.11.2009 kl. 21:43]

Þetta líkar mér betur við - Hafa leikarana af alþingi með í upptalningunni. Maður skrifar frekar undir það!

stórkostleg vanræksla að upplýsa ekki ráðherra banka- og viðskiptamála (hugsið ykkur að þetta sé sama ráðuneyti!) en hverra var að upplýsa? Þetta er ekki innanflokksmál, ISG er utanríkisráðherra og flokksformaður. Þetta er stjórnsýslulegt atriði. Það sér hver maður að forsætis og fjármálaráðuneytið voru með ráðuneyti viðskipta- og bankamála á fjarstýringu með dyggri að stoð t.d. Seðlabanka. Það er skylda forsætisráðherra að fá ráðuneyti banka og viðskipta inn í þessi mál, ekki mál flokksformanns eða utanríkisráðherra. Það drepur málinu á dreif. Skyldan lá víðar en svo.

Og ég árétta - Ég er alls ekki að fría Björgvin eða ISG frá neinu, en mér finnst umræðan vera allt of einstrengingsleg. Hún á ekki einusinni að vera í hlutföllunum 50/50 - Málið er mun eldra og flóknara.

[Þórbergur Torfason, 19.11.2009 kl. 03:04]

Jæja Jói minn. Sem betur fer er hann ekki á launaskrá hjá okkur í Suðurkjördæmi, heldur hjá Ríkinu. Við báðir þekkjum launataxtana þar. Hvernig e annars lífið á Nesinu?

[Jóhannes Ragnarsson, 19.11.2009 kl. 08:33]

Lífið gengur sinn vanagang hér á Nesinu, að því undanteknu, að vesalings sjálfstæðismennirnir okkar eru ekki með sjálfum sér lengur; þeirra framganga þessa dagana einkennist af ólænandi sorg og fáti, hvernig sem á því stendur.