Eitt gleymdist

Það virðist sem Steingrími J. og Jóhönnu hafi orðið örlítið á í messunni varðandi skattkerfisbreytingarnar. Svo er að sjá, að þau hafi gleymt, vonandi ekki af yfirlögðu ráði, að leggja sérstakan aukaskatt á sjálfstæðismenn. Það er ekki nema eðlilegt réttlæti, að þeir sem stóðu fyrir hruninu mikla, leggi meira að mörkum í sameiginlega sjóði landsmanna en þeir sem litla eða enga ábyrgð bera á afhroðinu. Réttast væri, þegar alls er gætt, að sá þriðjungur þjóðarinnar sem kosið hefur Sjálfstæðisflokkinn og ætlar að gera það áfram, borgi hrunadansinn alfarið án aðstoðar frá okkur hinum. En vonadi verður þessu kippt í liðinn í þegar málið kemur til kasta Alþingis.

Og svo leyfa sjálfstæðisflokkseignirnar sér að grenja og góla opinberlega útaf fyrirhuguðum skattabreytingum þegar staðreyndin er sú, að öllum almennigi er gert að hlaupa undir bagga með þeim við að borga óráðsíuna. Þvílík bölvuð kríp atarna.

50 milljarða skattahækkanir

Athugasemdir

[Sigurður Þorsteinsson, 19.11.2009 kl. 08:43]

Hrunaskattur? Góð hugmynd að vestan. Þá verðum hins vegar að taka fleiri með en Sjálfstæðismenn. Samfylkingin verður nú ekki skorin úr snörunni, því þeir sátu við stýrið þegar hrunið var Framsóknarflokkurinn getur ekki neitað sínum stóra þætti í hruninu. Það þýðir að það verða bara Vinstri Grænir sem verða skattlausir. Hugmynd sem verður að skoða.

[Jóhannes Ragnarsson, 19.11.2009 kl. 08:59]

Jú, ætli kratakindurnar og synir og dætur Gömlu Framsóknarmaddömunnar verði ekki að greið sinn hlut í fyrirtækinu.

Á sama hátt ættu kjósendur VG að fá veglegan skattaafslátt vegna baráttu sinnar gegn þeirri harðvítugu hrunapólitík, sem að lokum reið þjóðfélaginu á slig.