Þokkaleg frammistaða atarna

Það er þrifalegur andskoti, eða hitt þá heldur, ef það er rétt að Bandaríkjamenn hafi enga hugmynd um hvar fjölskylduvinur þeirra, Ósama bin Laden, er niðurkominn og hafi ekki vitað það í fjölda ára. Svona skítlega frammistaða er náttúrulega ekki boðleg umheiminum, hvað þá kaldastríðshrjáðum móhíkönum á Íslandi, sem hafa um áratugaskeið verið amrískari en allt sem amerískt er, svo sem sjá má á þjökuðum andlitssvip Björns okkar hérna Bjarnasonar.

En líklega er bölvaður þrjóturinn hann Ósami dauður fyrir löngu og sestur að í hymmnaríki með Allah vini sínum, Múhameð spámanni og Rónaldi Reagan. En þó má vera að kallskrattinn tóri einhversstaðar við íllt atlæti og og enn verri heilsu eins og Framsóknarmaddaman hér uppá hrundu Íslandi.

Ekkert vitað um Bin Laden

Athugasemdir

[el-Toro, 6.12.2009 kl. 13:01]

"Bandaríkjastjórn hefur engar öruggar upplýsingar um hvar leiðtogi al-Qaeda, osama bin laden, heldur sig"

gaman að minnast á það, að þeir hafa heldur ekki hugmynd um hvort hann eða samtök hans hafi staðið á bakvið 9/11

en það er kannski ekki fréttnæmt í dag býst ég við.  samkvæmt most wanted hjá FBI, er bin laden ekki ákærður fyrir 9/11

bandaríkin vilja heldur ekki handsama bin laden því þeim hefur tekist að búa til svo góða grýlu úr honum að sovétríkin sálugu kikna í fótunum í samanburðinum.

ef þú tekur eftir því að næst þegar eitthvað hræðilegt gerist á kostnað bandaríkjanna.  athugaðu þá hverjum er kennt um.....jú al-Qaeda eða talibönum.....