Vinstriarmurinn er við að yfirgefa VG

Það er nákvæmlega sama hvort Ásmundur Einar greiðir atkvæði með eða móti Icesave-óþverra Sjálfstæðisflokksins, það breytir engu um sundrungina innan VG. Staðreyndin er sú, að VG hefur verið klofin flokkur lengi, í nokkur ár. Að vísu sér ekki enn fyrir endann á þessum klofningi, en víst er að fleiri en nokkurn grunar eru þess fýsandi að vinstri armur flokksins gangi hreinlega út og stofni raunverulegan vinstriflokk. Fari svo að vinstrisinnarnir, sósíalistarnir, yfirgefi samkvæmið er Vinstrihreyfingin grænt framboð búin að vera og þá er um fátt annað að ræða fyrir Steingrím J., Álfheiði og hitt svarsdótið en að stimpla sig útúr Íslenskum stjórnmálum eða skríða með skottið á milli lappana inní Samfylkinguna eða Framsóknarflokkinn.

Það er ljóst, að mikið veltur á hvað Ögmundur Jónasson gerir í framtíðinni, en hann er eins og kunnugt er ókrýndur leiðtogi vinstri armsins í VG, en vitað er að hann er orðinn mjög þreyttur á hinum spillta svavarsarmi sem ræður lögum og lofum í flokknum og hefur haldið honum í gíslingu til margra ára.  

Átök innan Vinstri grænna

Athugasemdir

[Fannar frá Rifi, 29.12.2009 kl. 20:08]

þú kaust þetta lið til þess að semja um Icesave. ekki voru það sjálfstæðismenn sem sendu menn út að semja og skrifuðu undir í nafni ríkisstjórnarinnar með loforð um að alþingi samþykkti þetta. eina sem þú hefur og aðrir er að einhverjir embættismenn skrifuðu undir einhverja óbindandi vilja yfirlýsingu um að semja ætti um málið. meira er það nú ekki.

annars finnst mér það alveg merkilegt hvað menn haldast lengi inn í þessum flokki. eina stefnumálið sem komist hefur í gegn af loforða lista VG fyrir kosningar er að koma í veg fyrir álver á bakka og jú halda íhaldinu frá völdum. allt annað hefur verið kastað á bál esb kratana. 

ég held að það yrði reyndar meiri vinstristjórn ef það væri vg og íhaldið heldur en þetta. enda er samfylkingin nýfrjálshyggjuflokkur í anda Tony Blairs. 

[Árni Gunnarsson, 29.12.2009 kl. 20:39]

Við skulum bara gleyma því þegar hlandið hljóp fyrir hjartað á ráðherrum ykkar sjallanna eftir bankahrunið og þeir skrifuðu undir allt það sem fulltrúar Hollendinga réttu að þeim. Svo þegar kom að því að gera fullnusta samning um málið milli allra þriggja ríkjanna þá segið þið sjallabjálfarnir að þetta hafi verið merkingarlaust plagg og "alltíganni!" En þetta sem "einhverjir embættismenn" skrifuðu undir treystu Hollendingar á og greiddu innstæðueigendum í trausti þess að íslenskir ráðherrar væru menn orða sinna og undirritana. Þeir þekktu greinilega ekki klúbbinn.

[Fannar frá Rifi, 29.12.2009 kl. 20:48]

Árni áttu við að útaf því að það voru lélegir ráðherrar hérna í síðustu ríkisstjórn þá réttlætir það að núverandi ríkisstjórn sé skipu hundlélegum ráðherrum? núverandi ríkisstjórn var ekki bundin af neinu öðru en vilja Samfylkingarinnar um að ganga í ESB. Geir H. bakkaði í öllum málum til að þóknast Samfó og núna leggst Steingrímur og Vg á magan til þess að sleikja skítin undan skóm samfó.

allar viðræður hafa ekkert gildi fyrr en alþingi hefur samþykkt þær. nema þú hafir nýjar fréttir Árni um breytingar á stjórnarskrá lýðveldisins sem komið var í gegn nýlega sem ég veit ekki um, þá stendur það ennþá að þessi samningur er afkvæmi og á ábyrgð vinstriflokkanna. þeir sömdu, skrifuðu undir og eru núna að ríkisvæða skuldir einkafyrirtækis sem var bannað með lögum frá ESB að veitt yrði ríkisábyrgð og við tókum upp í gegnum EES samningin á sínum tíma. 

[Auðun Gíslason, 29.12.2009 kl. 21:16]

Árni minn!  Það þýðir ekkert að fást um þetta fólk, sem Jónas kallar "innræktaða aumingja."  Fólkið sem kýs Sjálfgræðisflokkinn af ávanabundinni hundstryggð við Oddjob og aðra gosa.  Og neitar nú að axla ábyrgð á þeim gerðum sínum.

Ekki vil ég fara að taka þátt í tali þínu, Jóhannes, um meintan klofning VinstriGrænna, en það er kannski kominn tími til að slá grasið!  Það hefur ansi lengi vaxið vinstrinu yfir höfuð.  Ekki vænti ég, að þú sjáir það sem lausn fyrir oss að reka "flokkseigendaklanið" úr flokknum?

[Jóhannes Ragnarsson, 29.12.2009 kl. 22:16]

Ég vildi nú helst selja Framsóknarflokknum ,,flokkseigendaklanið" fyrir slikk.

[Níels A. Ársælsson., 30.12.2009 kl. 00:43]

Fannar frá Rifi breimar til okkar Jói !

Mjáááááááááá...........

[Ágúst Valves Jóhannesson (IP-tala skráð) 30.12.2009 kl. 02:35]

Fannar, við bakið á Geir Haarde stóðu eftirfarandi þingmenn: Bjarni Benediktsson, Illugi Gunnarsson, Birgir Ármannsson, Þorgerður Katrín Gunnarsdóttir, Ólöf Nordal, Árni Johnsen, Pétur Blöndal, Ragnheiður Elín Árnadóttir, Guðlaugur Þórðarson og Einar Kristinn Guðfinnsson. Af þessum voru þrír ráðherrar. Tryggvi Þór Herbertsson var svo sérstakt fjármálaséní Geirs.

Þú bullar og bullar og bullar og bullar. Hættu því!