Vinstriarmur VG er á leiðinni út

Nú syrtir aldeilis í álinn hjá Svavarsarminum í VG. Ef rétt reynist, að herra Gestsson hafi staðið fyrir því að viss atriði hafi verið strokuð útúr skýrslu lögmannastofunnar Mishcon de Reya verða félagar í VG, að gjöra svo vel að stokka ærlega upp í forystusveit sinni. Að mínu mati, sem almenns félaga í VG, er algjörlega óásættanlegt að höfuðpaurarnir í Svavarsarminum, liðið sem svarsvæddi VG og tók flokkinn í gíslingu, sitji í sínum sætum áfram eins og ekkert hafi í skorist. Annaðhvort stíga þessar óheillakrákur til hliðar, helst af sjálfsdáðum, eða það verður fjöldaflótti úr VG.

Ef Steingrímur J., Álfheiður Inga, Swandees Svavars, Katrín Jack, Árni Þór og þeirra klíkulið, skilur ekki hvað til þeirra friðar heyrir, er svo sem sjálfsagt að tilkynna þeim hér og nú, að innan VG er fólk farið að ferðbúast og stofnun nýs flokks komin á dagskrá af fullum þunga og í fullri alvöru.

Svavar neitaði að mæta á fundinn

Athugasemdir

[Baldur Hermannsson, 30.12.2009 kl. 14:53]

Má ég vera mem?

[Jóhannes Ragnarsson, 30.12.2009 kl. 15:52]

Gjörðu svo vel Baldir minn, alveg sjálfsagt ... en, hvort viltu vera mem mér eða Svavarselítunni?

[Guðmundur Ásgeirsson, 30.12.2009 kl. 16:21]

Almenn hegningarlög, X. Kafli, Landráð:

91. gr. Hver, sem kunngerir, skýrir frá eða lætur á annan hátt uppi við óviðkomandi menn leynilega samninga, ráðagerðir eða ályktanir ríkisins um málefni, sem heill þess eða réttindi gagnvart öðrum ríkjum eru undir komin, eða hafa mikilvæga fjárhagsþýðingu eða viðskipta fyrir íslensku þjóðina gagnvart útlöndum, skal sæta fangelsi allt að 16 árum.
Sömu refsingu skal hver sá sæta, sem falsar, ónýtir eða kemur undan skjali eða öðrum munum, sem heill ríkisins eða réttindi gagnvart öðrum ríkjum eru undir komin.

---

Við umræddum glæpum liggur þyngsta refsing sem heimiluð er í landslögum.

Og Svavar þorir ekki að láta sjá sig...

---

P.S. Vek athygli á því að allir þjóðhollir Íslendingar eru velkomnir í Samtök Fullveldissinna.