Drottinn hefnir sín á rólegheitafólki

Vesalings fólkið í rólegu götunni í Camden hverfinu að hafa fengið þennan hroðakvennmann, Amy Winehouse, í nágrenni við sig.

Það mætti ætla að hinir rólegu íbúar hafi fyrir misgáning syndgað á móti Guði og reitt hann til reiði. Og Drotinn hafi því ákveðið að hefna sín grimmilega camdenbúum með því að senda þeim sannkallað skaðræðisdýr í líki drykkfellrar og dópgjarnrar söngkonu, sem jafnast á við hvaða drepsótt sem er.

Nú skulum vér vona í þögulli bæn, að Drotinn bæti ekki um betur og láti vammlausa innbyggjara Camden hverfisins sogast eins og viljalaus verkfæri inn í djöfullegt svall og aðra Guði óþóknalega lífshætti Amyjar Winehouse.   

Nágrannar Amy Winehouse pirraðir

Hjólböruferð til Afganistan sérdeilis árangursrík

Ja, hver röndóttur. Það engu líkara en Samfylkingarmaddaman haldi í raun og sann að hún hafi bjargað heimsfriðnum með flakki sínu til Afganistan.

Það liggur við sjálft að maður fái a.m.k. væga velgju af því að lesa það sem haft er þessum fulltrúa borgarastéttarinnar og heimskapítalismans í meðfylgjandi frétt.

Og hvaða árangur er það sem Ingibjörg Sólrún er að fimbulfamba um? Að hún slapp lifandi heim frá Afganistan? Að hún át kvöldmat með afganskri yfirstétt í gærkvöldi? Að hún er enn jafn mikill Natodindill og þegar hún fór til Afganistan? Eða hvern andskotann er manneskjan eiginlega að tala um? 

,,Ferðin árangursrík!!!" Ekki nema það þó.  Ætli hún sé ekki álíka árangursrík og þegar blessuð frúin ók fram og aftur með brennivín í hjólbörunum heima hjá sér á fimmtugs afmælinu sínu. Það er satt að segja alveg makalaust hvernig sumir geta komið orðum að innantómum hégóma og pólitískum vindgangi á einkar óskammfeilinn hátt.  

„Ferðin árangursrík"

Yngstu hjón íslandssögunnar

Hérumbil nákvæmlega það sama gerðist hér á landi í hitteðfyrra. En þá voru 10 ára piltur og 11 ára stúlka gefin saman á laun af valinkunnum og ábyrgum þjóðkirkjupresti.

Ekki er að orðlegnja, að ungu hjónin hófu þegar í stað búskap í 56 fermetra leiguíbúð í Laugarneshverfinu. Ekki mun hjónaband þeirra hafa með öllu gengið snurðulaust fyrir sig og hafa þau stuttu þurft að leita nokkrum sinnum á náðir hjónabandsráðgjafa. Hjónabandsvandamálið á, smamkvæmt bestu heimildum, eiga rót sína að rekja til óreglu húsbóndans unga, en hann mun vera býsna vínhneigður, a.m.k. á köflum, og mikið uppá kvenhöndina þegar hann er við skál.  

11 ára strákur kvæntist 10 ára frænku sinni

Íraksveisla í kvöld ?

Ég geri fastlega ráð fyrir að okkar ástsæli seðlabankastjóri, Davíðoddsson, og Halldór Ásgrímsson, ef hann er ekki endanlega týndur, blási til veislu í kvöld til að halda uppá að fimm ár eru liðin frá því þeir héldu í eftirminnilegan herleiðangur sinn til Írak. Geri þeir það ekki eru þeir mörgumsinnum aumari en haldið hefur verið fram að þessu; sannir stríðsmenn halda ávallt með sæmd uppá vel heppnuð stríð sem hafa orðið mörgum að fjörtjóni. Ég vænti þess að fyrrnefndir kumpánar séu sannir stríðsmenn og viljugir og gleymi ekki skyldum sínum þegar þeim ber að fagna hernaðarafrekum sínum.

Fimm ár frá byrjun stríðsins

Nútímaútgáfa af Brennu-Njálssögu

Tímarnir breytast og mennirnir með. Og öllu fer aftur, hvert sem litið er.

Áður fyrr voru menn brenndir inni á Berþórshváli en nú til dags er látið nægja að fleygja þeim út. Heldur hefði Njálssaga orðið snautleg ef brennumenn hefðu gleymt eldspýtunum heima en í staðinn rekið Njál, Bergþóru og syni þeirra eins og lambfé úr húsi og látið þar við sitja.  

Fallist á útburð á Bergþórshvoli

Í áti með hershöfðingja og framakonum

Svo að frú Ingibjörg Sólrún ætlar að éta í kvöld með afganskum þingkonum, framakonum, athafnakonum, forsvarsmönnum frjálsra félagasamtaka og hershöfðingja. Dálagleg samkoma það! Og áreiðanlega í besta lagi brosleg. Og hvaða hlutverki ætli þessi hershöfðingi þjóni við borðhaldið? Ef til vill sama hlutverki og hani í hænsnakofa? Og auðvitað verða engar afganskar alþýðukonur í mat og drykk hjá íslenska utanríkisráðherranum. Má vera að ráðherrann óttist að það sé vond lykt af þesskonar kvenpeningi?

Ojá, það er engin smáræðisgella Ingibjörg Sólrún utanríkisráðherra í ríkisstjórn Sjálfstæðisflokksins.  

Ræddi við afganskan héraðsstjóra

ASÍ - skrípalingur kvakar

Það held ég færi best á að skrípalingurinn Gylfi gráskeggur Arnbjörnsson hefði vit á að láta sem minnst fyrir sér fara. Það fitnar aunginn á að láta svoleiðis speking reikna ofaní sig eitt eða neitt, allra síst laun eða lifibrauð.

Á Gylfa og hans nótum sannast hið fornkveðna að: Ráðlegt er að hafa í hakk / hagfræðinga og skítapakk.

Fyrirtækin fullsnögg að hækka

Og verður loks að manna

Mikill maður er þjóðskáldið Bubbur Marteins. Nú hefir hann látið tattúa nokkrar unglingsskjátur listagyðjunni og sjálfum sér til dýrðar. Það var mjög við hæfi að ein unglingsskjátan lét festa í húð sína mynd af sama vargfugli og Sjálfstæðisflokkurinn hefir sér fyrir einkennismerki. Og Bubbur sjálfur lét sitt ekki eftir liggja og söng við raust, meðan unglingsskjáturnar vóru leiddar undir nál myndaskrautsmeistarans: ,,Vargfuglinn valur er mérki mitt, mérki péníngaelskandi manna. Þitt er mitt og mitt er mitt (fokkíng sjitt) og verður loks að manna." 

Bubbabörnum boðið upp á tattú

Stórfelld hryðjuverkaárás

Nú er ljóst að Sjálfstæðisflokkurinn, með svipu frjálshyggjunnar a vopni, hefur hafið stórfellda hryðjuverkaárás á heilbrigiskerfi, með einkavæðingu einkavæðingarinnar vegna að leiðarljósi. Og það er ekki laust við að það setji hroll að fólki enda varla hægt að flokka einkavæðingarstyrjöld Sjálfstæðisflokkins undir annað en stigamennsku af grófri tegund.

Oft var þörf en nú er nauðsyn á að almenningu rísi upp, heilbrigðiskerfinu til varnar, og stöðvi fyrirætlanir ólánsgemlingana, Guðlaugs Þórs, sem kaldhæðni örlaganna hefur gert að heilbrigðisráðherra!, og þeirra frjálshyggjueðjóta sem stjórna því auma mannkerti. Ef ekki verður hægt að koma vitinu fyrir ríkistjórnina í þessum efnum á þigræðislegan hátt verður Alþingi götunnar að koma til skjalanna og afvopna frjálhyggjulýðinn með öllum tiltækum vopnum.

Áfram VG þið eruð að standa vaktina af ábyrgð.  

VG segir heilbrigðisstofnanir í spennitreyju

Yndislegur sóknarprestur

Þó það nú, að Óbama-strákurinn afneiti ekki sálusorgara sínum eins og hvurju öðru ómerkilegu hundsspotti. Auk þess er óhætt að fullyrða að sæmdarklerkurinn Jeremías Wrigh yngri veit nokk hvað hann tónar. Hann gerir sér sem sé grein fyrir að ógnarstjórn Gorgs Bush er til alls trúandi, sem er all nokkru meira en hægt er að segja um íslenskar stjórnmálafríkur sem nota hvurt tækifæri sem gefst til að smjaðra fyrir og sleikja sér uppvið vitsmunaveruna Bush og hans dágóða slekti.

Megi séra Jeremíasi Wrigth auðnast að verða þeirrar gæfu aðjótandi að fá að jarðsyngja einhverja úr hryðjuverkahópi Hvíta Hússins, jafnevel Gorg sjálfan, utangarðs með aungri virðingu. 

Sóknarprestur Obama veldur uppnámi