Leita í fréttum mbl.is

Bloggfærslur mánaðarins, janúar 2009

Hannes Hólmstein af launaskrá ríkisins strax

Hannes og miltonEitt af fyrstu smáverkum næstu ríkisstjórnar verður, fyrir utan að fjarlægja Davíð Oddsson úr Seðlabankanum, að sjálfsögðu að taka nýfrjálshyggjupödduna Hannes Hólmstein Gissurarson af launaskrá ríkissins. Þessi sérkennilegi, en stórhættulegi, hugsuður er búinn að vera helst til lengi á framfærslu skattborgrana og það væri fullkomin móðgun við þjóðina ef slíkur kóni fær krónu meir úr ríkiskassanum.

Burt með ójafnaðar og spillingardraslið - út í hafsauga með það eins fljótt og auðið er.

Lifi byltingin !!!!!


mbl.is Ásaka hvert annað um hroka
Tilkynna um óviðeigandi tengingu við frétt

Bylting fólksins sigraði - Ríkisstjórnin féll.

flaggútÞað skiptir engu máli hvort málefnaágreiningur milli Sjálfstæðisflokksins og Samfylkingarinnar var meiri eða minni. Það sem skipti máli var að almenningur í landinu vildi hvorki sjá né heyra ríkisstjórn þessara flokka stundinni lengur. En það mikilvægasta og gleðilegasta í öllu ferlinu var, að það var þessi sami almenningur kvað ríkisstjórnina niður með samtakamætti sínum og sparkaði íhaldinu út.

Dagurinn í dag er sannarlega gleðidagur. Bylting fólksins sigraði og  ríkisstjórnin féll. 

En baráttunni er þar með ekki lokið. Næsta verkefni er að koma í veg fyrir að Sjálfstæðisflokkurinn komi nærri nokkurri ríkisstjórn í framtíðinni. Syndalisti þessara óþurftarsamtaka er langur og ljótur og það mun taka sinn tíma að laga til á öllum sviðum þjóðlífins eftir djöfulgang og óhugnarlega spillingu síðustu tvo áratugna.

Til hamingju Íslendingar.

Fylgjum byltingunni eftir af fullri einurð.

Lifi byltingin !!!!! 


mbl.is Ekki málefnaágreiningur
Tilkynna um óviðeigandi tengingu við frétt

Hún lýgur því að afsögnin hafi komið henni á óvart.

Miklir andskotans lygamerðir eru þessi vesalings stjórnmálamenn. Hvernig dettur frú Ingibjörgu Sólrúnu að ljúga því blákalt uppí opið geðið á þjóðinni að henni komi afsögn Björgvins á óvart? Svona hlutir eru gerðir af yfirveguðu ráði af fleiri en einum.

Afsögn Björgvins er millileikur samfylkingarforystunnar til að reyna bjarga eigin skinni. Hvort Samfylkingunni verður kápan úr því klæðinu er ólíklegt. Samfylkingin hefur frá upphafi verið ónýtur stjórnmálaflokkur þó svo að almenningur hafi ekki gert sér grein fyrir því fyrr en á síðustu vikum.


mbl.is Ingibjörg Sólrún: Afsögn Björgvins kom á óvart
Tilkynna um óviðeigandi tengingu við frétt

Björn ætti að biðjast afsökunar á ummælum sínum

polÞað má Björn Bjarnason eiga, að maður velkist ekki neinum vafa hvar maður hefur hann. Í þeim efnum mættu aðrir stjónmálamenn taka hann sér til fyrirmyndar, burtséð frá skoðunum karlsins yfirleitt.

Hinsvegar er það rangt hjá Birni að gagnrýni á einstök atriði í framgöngu lögreglunnar sé það sama og að veitast að lögreglunni. Eiginlega er það dóms- og kirkjumálaráðherra til heilmikillar skammar stilla hlutunum svona upp, og ber dómgreind hans ekki beinlínis fagurt vitni. Sannast sagna ætti Björn Bjarnason að biðja hlutaðeigandi alþingismenn afsökunar á ruglinu í sér.

Nú er um að gera að reka flótta auðvaldsaflanna af skynsemi og festu.

Fullnaðarsigur er í sjónmáli.

Byltingin lifi !!!!!

 


mbl.is Segir þingmenn VG hafa veist að lögreglu
Tilkynna um óviðeigandi tengingu við frétt

Of seint fyrir ríkisstjórnina að skjóta þúfutittlinga

fugl.jpgÞað er heldur seint fyrir ríkisstjórnina að grípa til þess að fórna þúfutittlingum til að bjarga sjálfri sér. Krafan um að ríkisstjórn Sjálfstæðisflokks og Samfylkingar segi af sér er skýr og frá henni verður ekki kvikað. Það er ekki annað en stórhlægilegt hjá Björgvini að halda því fram að hann sé að axla ábyrg með því að segja af sér núna þegar tæpir fjórir mánuðir eru liðnir síðan bakarnir hrundu.

Og þó að frú Ingbjörg Sólrún og Gjeir Haaarde hafi tekið sig til og skotið fáeina þúfutittlinga þá bjargar það engu fyrir þau úr því sem komið er. Almenningur mun halda áfram að reka flótta gjörspilltra stjórnmálamanna og fjárglæpamanna og það verður ekki staðar numið fyrr en búið verður að aftengja þetta lið algjörlega. Byltingin er komin til að vera!

Byltingin lifi !!!!!


mbl.is Björgvin segir af sér
Tilkynna um óviðeigandi tengingu við frétt

Ógeðfelld hræsni óumdeildra sökudólga

Ætli þingflokki og miðstjórn Sjálfstæðisflokksins væri ekki nær að biðja þjóðina fyrirgefningar á þeirri gereyðingarpólitík sem flokkurinn hefur staðið fyrir síðustu tvo áratugina en að senda út ógeðfellda og hræsnisfulla yfirlýsingu varðandi mótmælaðgerðir sem hafa beins fyrst og fremst að Sjálfstæðisflokknum og flestu því sem hann hefur staðið fyrir á umliðnum árum.

En sumt fólk kann aldrei að sjá sóma sinn og því síður kann það að iðrast.


mbl.is Sjálfstæðisflokkur harmar ofbeldi í mótmælum
Tilkynna um óviðeigandi tengingu við frétt

Skelkaðir samfylkingarhestar og fólkið sem ekki er þjóðin

cap2Sko bara, Ingibjörg Sólrún farin að taka örlítið mark á fólkin sem hún sagði, sællar minningar, að væri ekki þjóðin. Batnandi konum er best að lifa, myndi margur segja.

En það svosem ekki undarlegt að forvígishestar Samfylkingarinnar séu farnir að skelkast, ekki síst í ljósi þess að samkvæmt skoðannakönnun í gær er fylgið á harðahlaupum burt frá Samfylkingunni, meira að segja í stórum stíl yfir á dauðvona Framsóknarmaddömuna.  


mbl.is „Allt kemur til greina"
Tilkynna um óviðeigandi tengingu við frétt

Stóðu heimdellingar og SÚS fyrir grjótkastinu í lögregluna?

flokkurinnAuðvaldskrakkiMér er næst að halda að fylliraftarnir og sóðasvínin, sem grýttu lögregluna síðastliðna nótt með gangstéttarhellum, glerflöskum og mannaskít, sé fénaður úr einhverjum undiheimaafkima Ungra Sjálfstæðismanna og aðgerðir þessara þokkagemlinga sé ætluð til að koma óorði á heiðarlega mótmælendur og byltingarsinna.

Heimdallur, en svo heitir félagsskapur öfgafullra unglinga af auðvaldsheimilum, hefur löngum verið gróðrastía fyrir fjandsamlegar skoðanir í garð alþýðufólks, því heimdellingar líta á alþýðufólk eins og hver önnur vinnudýr af þrælastandi og það eigi að halda kjafti og vinna fyrir auðvaldið steinþegjandi og hljóðalaust.

Vonandi verða illkynja meinsemdir eins og Heimdallur, já og sjálfur móðurflokkurinn, leystur upp eins og gert er með samtök stigamanna og bannaður með lögum. 


mbl.is Munu hafa uppi á ofbeldismönnum
Tilkynna um óviðeigandi tengingu við frétt

Afvelta yfirstéttarfjölskylda

Það hefur ekki legið í láginni, hve mikla dáleika formaður Samfylkingarinnar hefur á Sjálfstæðisflokknum og öllu því er honum við kemur. Þessi dáindis formaður jabbnaðarmanna er meira en reiðubúinn að standa meðan stætt er með sínu íhaldi.

Nú vill hinsvegar svo sorglega til, að ríkisstjórninni er ekki stætt lengur, enda stendur hún ekki einusinni á löppunum; hún liggur afvelta í forinni eins og útúrdrukkinn yfirstéttarfjölskylda. Þetta sjá allir nema formaður samfylkingarinnar og helsta venslaliðið þarumkring. 


mbl.is Ingibjörg vill kosningar í vor
Tilkynna um óviðeigandi tengingu við frétt

Í hjarta sínu, lifur og nýrum er hann gegn sjálfstæðismanni

Blessaður trallinn hann Össör; svo vænt þykirir honum um frillulífið með íhaldinu að hann vill ekki stjórnarkreppu í landinu. Þessi merka hugsjón Össörar er ekkert kynleg: Hann er mikill sjálfstæðismaður í hjarta sínu, lifur og nýrum, rétt eins og svelkona hans Ingibjörg Sólrún, sem vann sér til frægðar að aka áfengi um gólf í hjólbörum þá hún varð 50 ára gömul. Það var eftirminnileg sjón og fögur ollum þeim er á horfðu.

Þá er líklegra en nótt kemur á eftir degi, að kvótasnáðinn, Ágúst Ólávur, kjósi fremur jóðlíf í auðvaldsbelg Sjálfstæðisflokksins en stjórnarkreppu í 15 mínútur, hvað þá lengur. Það vill víst svo skemmtilega til að í Samfylkingunni er allt stúrfullt af stjórnmálavillingum og landsslumönnum, vel hægri sinnuðum loddurum og væmnum pissudúkkum.

Vissulega er stjónmálavillingum og stjórnkrepptum tækifærissinnum í Samfylkingunni vandi á höndum þegar fjarað hefur undan Sjálfstæðisflokknum þeirra.


mbl.is Viljum ekki stjórnarkreppu
Tilkynna um óviðeigandi tengingu við frétt

« Fyrri síða | Næsta síða »

Höfundur

Jóhannes Ragnarsson
Jóhannes Ragnarsson

Höfundur er búsettur í Ólafsvík.

netfang: joiragg@visir.is  Sími:436-1438 og 895-1438

Bloggvinir

Innskráning

Ath. Vinsamlegast kveikið á Javascript til að hefja innskráningu.

Hafðu samband