Stóðu heimdellingar og SÚS fyrir grjótkastinu í lögregluna?

Mér er næst að halda að fylliraftarnir og sóðasvínin, sem grýttu lögregluna síðastliðna nótt með gangstéttarhellum, glerflöskum og mannaskít, sé fénaður úr einhverjum undiheimaafkima Ungra Sjálfstæðismanna og aðgerðir þessara þokkagemlinga sé ætluð til að koma óorði á heiðarlega mótmælendur og byltingarsinna.

Heimdallur, en svo heitir félagsskapur öfgafullra unglinga af auðvaldsheimilum, hefur löngum verið gróðrastía fyrir fjandsamlegar skoðanir í garð alþýðufólks, því heimdellingar líta á alþýðufólk eins og hver önnur vinnudýr af þrælastandi og það eigi að halda kjafti og vinna fyrir auðvaldið steinþegjandi og hljóðalaust.

Vonandi verða illkynja meinsemdir eins og Heimdallur, já og sjálfur móðurflokkurinn, leystur upp eins og gert er með samtök stigamanna og bannaður með lögum. 

Munu hafa uppi á ofbeldismönnum

Athugasemdir

[hilmar jónsson, 22.1.2009 kl. 21:25]

Að undirdjúp Hannesar Hólmsteins hafi opnast ? Þaðs skyldi þó ekki vera.

[Jóhannes Ragnarsson, 22.1.2009 kl. 21:30]

Því ekki það, Hilmar. Annað eins hefur nú gerst.

[Flosi Kristjánsson, 22.1.2009 kl. 21:31]

Drengir! Kalda stríðinu er lokið, það er núna árið 2009.

[Björgvin R. Leifsson, 22.1.2009 kl. 21:36]

Flosi, segðu íhaldinu það frekar.

[Óskar Þór Hallgrímsson, 22.1.2009 kl. 21:47]

Þú ert ekki lagi, rugludallur

[Jóhannes Ragnarsson, 22.1.2009 kl. 22:15]

Heyrðu nú, Skari minn Þór Hallgrímsson, það vantar ljósmynd af trýninu á þér á bloggið, svo maður hafi einhverja hugmynd um hvernig þú lítur út. Mér geðjast ekki að mótmælendum með grímu inni á mínu bloggi.

Það lifa ennþá kuldaglæður, býsna skærar meira að segja, innan veggja Sjálfstæðisflokksins, þrátt fyrir að árið sé 2009 samkvæmt okkar tímatali.

[Guðmundur Ásgeirsson, 22.1.2009 kl. 23:23]

Agents Provacateurs? Það skyldi þó aldrei vera...

[Eyjólfur Jónsson, 22.1.2009 kl. 23:35]

Það eru margar góðar skoðanir á þessu, en bara fáir vita af reynslu hvað svona pólitískar klíkur geta gert og komist upp með það. Það er alltaf til lítill flokkur manna sem eru tilbúnir til að gera skítaverkin fyrir valdhafa. Og menn ættu að fara varlega, þetta eru atvinnumenn sem venjulegt fólk ræður ekki við.

Wolfang (áður Eyjólfur Jónsson)

[Þórbergur Torfason, 23.1.2009 kl. 00:02]

Jói ég sé að ég verð að drífa mig á ljósmyndastofu svo mér verði ekki úthýst.

[Páll Jónsson, 23.1.2009 kl. 00:36]

Ah, enn einn maðurinn að segja sig úr almennri umræðu. Það er gott að vita að ég get sniðgengið þitt blogg samviskulaust héðan í frá Jóhannes.

[Ólafur Ingi Hrólfsson, 23.1.2009 kl. 03:24]

Jóhannes - margt hefur þú látið frá þér sem með góðum vilja má kalla heimskulegt - það eru líka til sterkari orð yfir þap.

Þessar vangaveltur þínar eru svo sjúklegar að ég ráðlegg þér að leita aðstoðar. Það er hinsvegar gamalt ráð að bera eigin misgjörðir uppá aðra og láta á neita. En Jóhannes  - meira að segja krónískir andstæðingar Sjálfstæðisflokksins hugsa ekki svona og vita betur - ég trúi því að þú vitir betur - en framsetning þín er þér til skammar´

Engin stjórnmálasamtök eða hlutar þeirra gera þá hluti sem þú ásakar Heimdellinga um - Engin.

Slíkt er aðeins til í þínum sjúka heila.

Ólafur I Hrólfsson

[Óskar Steinn Gestsson, 23.1.2009 kl. 07:03]

Fyrirgefðu Ólafur en ég og fleiri sem vorum þarna vitum að margir sem hentu rusli og flöskum í lögguna og voru með klúta fyrir vitum sér ERU í sjálfstæðisflokknum þ.e. SUS. Hvort það var SUS að verki eða bara meðlimir það er annað mál! Enda er þetta ekkert nýtt! Hvítliðar laumuðu sér stöðugt í mótmælahreyfingar á hippatímanum og hleyptu friðsælum mótmælum upp í óeirðir, ekki vera svona barnalegur! Sagan endurtekur sig stöðugt.

[Ólafur Ingi Hrólfsson, 23.1.2009 kl. 08:50]

Óskar - fyrst þú veist hverjir voru að kasta flöskum og rusli í lögregluna ber þér að tilkynna slíkt enda er það framferði lögbrot. Ef þú tilkynnir það ekki ert þú orðinn meðsekur. Þannig að fyrst þú veist þetta skalt þú gefa þig fram við lögreglu án tafar. Annars mun ég hafa samband við lögregluna og benda á orð þín hér þannig að þeir geti haft upp á þér - Að ráðast gegn lögreglu er graf alvarlegt mál og á ekki að líðast. Hafðu samband við lögregluna í dag og aðstoðaðu þá í málinu - það er borgaraleg skylda þín. Enda vilt þú varla vera talinn meðsekur - eða hvað.

Ólafur I Hrólfsson

[Snjólaug A. Sigurfinnsdóttir, 23.1.2009 kl. 20:18]

LOL Jóhannes þetta er allt undan þér komið sem kann sig ekki.

[Jóhannes Ragnarsson, 23.1.2009 kl. 21:48]

Að gefnu tilefni, Snjólaug, þá skora ég á þig að lesa skrif Ólafs Inga Hrólfssonar hér fyrir ofan. Ólafur Ingi er skemmtilegur náungi og hann leggur alveg frábærlega út af þessum pistli mínum.

En, hvaða lið er það sem er komið undan mér sem kann sig ekki? Er það ekki eitthvað sem vert er að rannsaka nánar?