Í Napólí heitir Sjálfstæðisflokkurinn Camorra

Það er gleðilegt til að vita, að lögregluyfirvöld á Ítalíu séu ekkert að gera gælur við foringja sjálfstæðisflokksins Camorra í Napólí. Samkvæmt frétt mbl.is grip lögleglan sjálfstæðisforkólfinn Salvador Russó glóðvolgan í hænsnakofa þar sem hann var að elta hænurnar eins og blóðþyrstur minkur.

Mikill mannsbragur væri af, ef íslensk yfirvöld tækju nú loppurnar úr vösunum og létu til skarar skríða gegn sálufélögum Salvartore frá Napólí á Íslandi. Þeir gætu vel króað þessa þrekkjúða af við ýmsar geðugar aðstæður, t.d. í hesthúsum, oní lestum mikilla kvótajagta, undir grindum í fjárhúsum, svínastíum að ógleymdum hænsnakofum, fyrir utan hina og aðra ákjósanlega staði sem skammarkvikindin kunna að taka uppá að fela sig. Í þessum efnum mættu embættismennirnir taka svokallaða Tálknaaðferð til fyrimyndar, en þar er átt við leiftursókn vestfirska smala á hendur villifé í fjallinu Tálkna þar vestra. Sá verður þó munurinn, að engar síður verða opnaðar á Facebook til stuðnings Camorraflokksins íslenska eins og gert var til verndar hinum Tálknfirsku villisauðum.

Mafíuforingi handtekinn í Napólí

Óstýrilát kynlífslæti íslensks gítarleikara

Það hefur svo sem verið lengi vitað að Mick Jagger væri góður kvennamaður, enda með stórt hjarta og stóran munn. Þessi náttúrulegi eiginleiki listamannsins hefur fram til þessa verið talinn honum til tekna fram til þessa, þannig að kjaftavaðall ,,aðstoðarkonunnar" missir heldur en ekki marks. Og ansi er ég hræddur um að blessaðri dúfunni hafi þótt talsverð upphefð af því að fá að afgreiða giljagaurinn Mick þegar honum langaði í góðan skrans, mitt í önnum dagsins - eða í hverju hélt stelpugarmurinn að starf ,,aðstoðarkonu" Rolling Stones væri fólgið?

Og það þarf ekki Mick Jagger og Rolling Stones til að bráðgáfaðar og duglegar konur á besta aldri missi niðrum sig bæði pils og nærbuxur. Sá eðla tónsnillingur, Jón Glámur gítarleikari, rammíslenskur að ætt og uppruna, sogaði á sínum tíma, þegar frægð hans var mest, kvenfólk að sér eins og haugsuga. Ekki ein einasta kvensa milli tektar og tvítugs gat talist kona meðal kvenna ef hún hafði ekki átt í óstýrilátum kynlífslátum með gítarleikaranum geðþekka Jóni Glámi. Svo gerðist sá merki atburður, þegar Jón Glámur var nýorðinn 31. árs, að hann uppgötvaði að hann væri samkynhneigður og þar með var öll kvensemi af hans hálfu úr sögunni. En mikið andskoti grétu margar frómar stúlkur þegar gítarleikarinn mikli þaut fyrirvaralaust útúr skápnum með buxurnar á hælunum og úti var ævintýri. 

Hluti af starfinu að sofa hjá Jagger

Svo hörmulega absúrd, að engu er líkt

Það er þokkalegt afspurnar fyrir íslendinga, að 33% landsmanna séu reiðubúnir að kjósa Sjálfstæðisflokkinn, þ.e. kyssa kvalara sinn á mitt rassgatið með lafandi tungu. Ég þykist vita, að fólk í útlöndum tekur svona ónáttúru óstinnt upp, ferðast ekki til Íslands, fjárfestir ekki á Íslandi og vísar öllum íslendingum fyrirvaralaust útaf hótelum, gistiheimilum og leiguíbúðum á meðan ástandið er með þessum hætti í heilabúum þessarar forhertu þjóðar. Að 33% atkvæðisbærra manna þrái ekkert heitar en að langskuggalegustu samtök allrar íslandssögunnar komist til valda á ný eftir að hafa lagt þjóðfélagið í rúst, er svo hörmulega absúrd, að engu er líkt. Nær væri að 100% þjóðarinnar krefðust þess að starfsemi Sjálfstæðisflokksins verði bönnuð með lögum um aldur og ævi,frá eilífð til eilífðar.

En svona meðal annarra orða: Hvað ætli sé í heilabúum þessara 33%? -Ekki er það heili, svo mikið er víst.

Fylgi Sjálfstæðisflokks eykst

Þeim mun hefnast fyrir háðungina

Helvítis náhundar eru þessir bölvaðir danir alltaf í garð okkar íslendinga. Er virkilega ekki nóg fyrir þá að horfa uppá íslensku þjóðina liggja spriklandi í forarsvaðinu, eftir frjálshyggjuleg bolabrögð Sjálfstæðisflokksins, svo þeir þeir fari nú ekki að bæta um betur og núa salti í sárin með því að veðlauna decodekónginn Kára Stefánssons fyrir eitthvað sem þeir af kalhæðni sinni kalla ,,framúrskarandi árangur!" Þessi makalausu verðlaun ku vera kennd við löngudauðan auðvaldsbelg, Anders Jahre að nafni, sem græddist fé á skefjalausu arðráni af vinnu fátækra verkamanna. Ja, geðslegt atarna, eða hitt þá heldur! 

Þetta axarskaft danskra spaugara verður geymt en ekki gleymt. Sá dagur kemur að þessum þorpurum hefnist fyrir skítaskapinn og það harkarlega. Gömlum nýlendukúgurum ferst ekki að gera grín að fyrrum undirsátum danakonungs með því að veita þeim verðlau í háðungarskyni.

Kári fær verðlaun fyrir rannsóknir í læknavísindum

Mannúðleg skothríð með hljóðdeyfi

Óhætt er að segja að rjúpnaveiðitímabilið byrji vel og gefi undra fögur fyrirheit um það sem koma skal. Rjúpanskytta dagsins er þó ekki karlanginn sem björgunarsveitirnar voru að hefja leit að þegar hann skilaði sér heldur náunginn sem var að skjóta á fugla í sumarbústaðabyggð væddur miklu skotvopni með hljóðdeyfi. Nú mála sannast að byssur með hljóðdeyfi eru einkum brúkaðar af launmorðingjum sem stunda iðju sína í þéttbýli. Það hlýtur að vera feykna skemmtilegt og gefandi að freta á rjúpur og skógarþresti með góðri byssu með hljóðdeyfi og hinir fuglarnir verða ekkert varir við þegar félagar þeira velta steindauðir á hliðina. Að mínu mati er svona hljódeyfisskytterí mun mannúðlegra en þessi venjulega skothríð með drunum og eldglæringum, ekki síst gagnvart hjarveikum fuglum.

Rjúpnaskyttuleit á fyrsta degi

Álversórana í Helguvík á að slá af nú þegar

Heldur þessi Árni Sigfússon að Helguvíkurálver geti bjargað honum úr snörunni? Ef svo er lýst mér ekki á blikuna. Auðvitað á ríkisstjórnin ekki að vera með neinar vífilengjur varðandi þessa álversóra heldur slá þá af strax, þá er það mál endanlega úr sögunni, þjóðinni til margfaldra heilla.

Góð tíðindi fyrir Reykjanesbæ

Ég þekkti Jonna poppara ágætlega í gamla daga

Honum hefði verið nær, bölvuðu apparatinu honum Jonna, að vera ekki árum saman á hvolfi í útlöndum, sér og sínu fólki til ævarandi skammar. Svo ætlast þessi mannaumingi til, loksins þegar hann slysast heim með aungulinn í rassgatinu, að allt sé eins og það var þegar hann hvarf að heiman. Auðvitað var sönggyðjan mikla, sem hann var í tygjum við þegar hann hvarf af landi brott, komin uppí hjá öðrum þegar Jonna bar aftur að garði. 

Annars þekkti ég Jonna poppara ágætlega í gamla daga. Þá var þetta alræmdur hasshaus, ákavítisbelgur og sjálfstæðismaður sem samdi lög og texta sem voru andskotann ekkert skárri en hjá Bubb Morteins. Einlægt var hann ósmekklega klæddur og það var alvöru skítalykta af honum. En eitt mátti þó Jonni eiga þrátt fyrir að vera í föstu sambandi við sönggyðjuna: hann var á þeim árum yfirnáttúrulega kvensamur; hann reyndi bókstaflega við allt kvenkyns, allt uppí eldgamlar kerlingar, en í þeim aldursflokki varð honum, merkilegt nokk, langbest ágengt. Einusinni rotaði kona nokkur Jonna á dansleik í Þórskaffi með því að dangla handtöskunni sinni í hausinn á honum; sú gamla var nefnilega með fulla Wyborovaflösku í töskunni og höggið þar af leiðandi býsna þungt. Þegar Jonni garmurinn rankaði aftur við sér var hann svo ruglaður í ríminu að hann fór að reyna við togarasjómann, veðurbarinn og svolalegann, sem var að skemmta sér þarna. Skipti engum togum að sjóarinn tók Jonna undir handlegg sér, strunsaði með hann útúr Þórskaffi og veitti honum þvílíka kennslu í kynferðisathöfnum í næsta ruslatunnuporti, að Jonni sá sig tilneyddann að stinga af til útlanda þar sem hann hélt sig næstu árin.

Svona var nú það. 

Tilveran á hvolfi

Ærði eldri borgara með öskrum og óhljóðum

Ég hélt í einfeldni minn, að það væri yfrið nóg að vera gamall og vistaður inni á elliheimili, rambandi daginn langann á grafarbakkanum og bíða þess að detta ofaní og finna moldina gusast yfir sig, svo ekki væri verið að auka á óþægindi ellinnar með því að láta Kristján Jóhannsson veina eins og stunginn grís yfir gamlingjunum. En í dag varð sá óhrjálegi atburður á dvalarheimilinu Grund, að nefdum Kristjáni var hleypt þar inn, bersýnilega í þeim tilgangi að hrella íbúana með óhljóðum af verstu tegund. Ég geri ráð fyrir að mikil skelfing hafi gripið um sig hjá hinu roskna fólki ,sem neyðist til að búa á Grund fyrir ellisakir, líkust þeirri ofsahræðslu sem verður þegar loftárásir eru gerðar á stórborgir erlendis.

Eftir að Krisján akureyringur hafði öskrað sig rámann og farinn að froðufella og gamla fólkið allt flúið inn til sín eða útá götu, hringdi einn öldungurinn í son sinn og skipaði honum að koma strax með gömlu haglabyssuna sína; hann ætlaði að vera viðbúinn og taka til sinna ráða næst þegar einhver öskurapinn gerði sig líklegan til að terroríséra á elliheimilinu.

Nú verðum við að vona, að Krisján Jóhannsson verði ekki fenginn til að reka upp hljóð yfir saklausu sauðfé í fjárhúsi eða hrossastóði í haga, það gæti haft mjög slæmar afleiðingar, enda myndi þessháttar tiltæki varða við lög um verndun dýra. Því miður eru engin slík lög til um eldri borgara á dvalarheimilum, sem sýnir betur en flest annað hvaða virðingar gamalt fólk nýtur af hálfu löggjafans.  

Söngskemmtun sjónvarpað

Ráðleggingar til síra Sigríðar

Það hlýtur að vera sæmilegur búhnykkur fyrir síra Sigríði Guðmundsdóttur að fá 1,6 milljonir fyrir prestakallsmissinn í Lundúnum. Fyrir péníngana getur síra Sigríður keypt sér hlutabréf í Decode, en þau ku vera á mikilli uppleið. Þá væri ekki lakara fyrir hana að slaka aurunum í messuvín og bjóða vinum og kunningjum til veislu, sem lengi yrði í mynnum höfð. Nú, ef síra Sigrðiður vill hvorki Decode né messuvín, þá væri upplagt fyrir hana að hafa uppá fjármálaráðgjafa (það hljóta einhverjir svoleiðis að vera eftir ennþá) og láta hann um að ávaxta peningana í Stím eða Exista - nú eða Samherja eða árvakri.

Prestur fær dæmdar bætur

Menningarleg niðurlæging

Ef það er rétt að íslendingar hafi étið 4000 McDónaldshamborgara á dag síðustu dagana, ber það þjóðinni sorglega sögu um hnignun, niðurlægingu og tilfinnanlegan skort á mannsæmandi menningu. Þessi ósköp eru svo sem í fullu samræmi við dæmalausa skoðanakönnun, þar sem fólk var spurt hverjum það treysti best til að leiða Ísland útúr martröð kreppunnar. Í stað þess að 90% þjóðarinnar teldi Steingrím J. best til þess arna fallinn, eins og eðlilegt hefði verið, nefndu 24, eitthvað % aðspurðra gamlan skrjóð, sem búið er að leggja og stendur númeralaus á hinu pólitíska bílaplani.

Ég veit ekki hvernig þetta endar með íslendinga ef þeir fara ekki að sjá að sér og hverfi frá vitleysu sinna vega.

Allt brjálað að gera hjá McDonald's