Gálgasmíði boðin út

Nú fer senn að líða að því að ríkið, fyrir hönd þjóðarinnar, bjóði út smíði á stóru upplagi af gálgum úr tré ásamt öllum útbúnaði. Þarna er um mikið verkefni að ræða sem fjöldi manns fær atvinnu við meðan á því stendur. Áætlað er að gálgarnir verði tilbúnir til notkunnar þann 17. júní næstkomandi, þjóðhátíðardaginn. Ekki hefur enn verið ákveðið hvar þessi mannvirki verða staðsett, en talað er um Þingvelli við Öxará í því sambandi.

Útrásarvíkingana á válista

Sjóræningjar ræna íslenskri fiskveiðiauðlind.

Á sama hátt og fréttamiðillinn mbl.is segir frá sjóráni á Adenflóa undir fyrirsögninni ,,Sjóræningjar ræna grísku skip" gætu erlendir fréttamiðlar birt frétt um íslenska kvótakerfið undir fyrirsögninni ,,Sjóræningjar ræna íslenskri fiskveiðiauðlind." Í umfjöllun hinna erlendu fjölmiðla yrði sagt frá því hvernig auðvaldsmafían á Íslandi fór að því, með fulltingi rótspilltra stjórnmálamanna, að ræna gjörvallri fiskveiðiauðlindinni frá þjóðinni á einkar ruddafenginn hátt og skilið byggðarlög allt umhverfis landið eftir í sárum. Þá mun í slíkri erlendri umfjöllun verða sagt á skýran og skilmerkilegan hátt frá því hvernig ræningjarnir gerðu aflaheimildir að verðmætum sem þeir veðsettu uppfyrir öll rjáfur og hverning þeir komu sér upp leiguliðastétt til að veiða fyrir sig meðan þeir stunduðu fjárglæfrar og flottræfilshátt. Og eflaust verða hinir erlendu fréttamenn vísir til, ef til kæmi, að segja frá kerfisbundnum framhjálöndunum sem farið hafa fram og velþóknun stjórnvalda á slíkri framtakssemi. 

En vel á minnst: Hvað hefur orðið um peningana sem til hafa orðið vegna umræddra framhjálandanna; varla ber mikið á þeim í bókhaldi fyrirtækjanna?

Sjóræningjar ræna grísku skipi

Misheppnað hóf til heiðurs meistara

Svei mér þá ef hinir gömlu nemendur Jóns Baldvins hefðu ekki betur sleppt þessu málþingi um karlskepnuna, frelsra þeirra, en boðið þess í stað uppá uppá ógurlega og einbeitta drykkjusamkomu með brennivíni og vískýi í hundraðalítravís.

Húsfyllir til heiðurs Jóni Baldvini

Þegar frú Ingveldur eitraði fyrir Kolbeini Kolbeinssyni

Það hefir löngum talist vont uppátæki að eitra fyrir fólki og enn verra að vera í sporum þess sem eitrað er fyrir. Í dag eru fimm ár liðin frá því að frú Ingveldur byrjaði að eitra fyrir Kolbeini Kolbeinssyni eiginmanni sínum. Og það var eins og við manninn mælt: Höndurnar á Kolbeini byrjuðu að þrútna, hann varð hjólgraður, fékk ægileg skjálftaköst þegar mestu fryggðarhrynurnar gengu yfir og fór að drekka brennivín og kogaraspritt eins og versti göturóni. Þessum djöfulskap lauk með því að Kolbeinn gekk svo gjörsamlega fram af frú Ingveldi á ástarlífssviðinu að hún hætti að eitra fyrir honum enda þá orðin úrkula vonar um að Kolbeinn dræpist nokkurntímann af eitrinu.

DV: Eitrað fyrir Árna Johnsen

Stjörnusýslumaðurinn Stones láti kné fylgja kviði

Það er varla að maður trúi því að það ríki vargöld með tilheyrandi ofbeldi í Fjölbrautaskóla Suðurlands á Selfossi, svo að segja onaní hálsmálinu á stjörnusýslumanninum Stones, sem er eitt hið ágætasta yfirvald hér á landi. En það mátti svosem búast við slíkum býsnum; erfðagen þeirra Njálssona frá Begþóhváli, Gunnars á Hlíðarenda og Sigurðar Gottvinssonar hafa löngum verið sterk á Suðurlandi og skjóta fyrirvaralaust upp kollinum af slíkum fítonskrafti að jafnvel vöskustu yfirvöld fá ekki við ráðið.

En þegar þvílík vá ber að dyrum menntaverksmiðju sem hefur með höndum að verka unglingskvikindi uppí nýtilegt fólk, verður að bregðast við á viðeigandi hátt. Ég geri ráð fyrir stjörnusýslumaðurinn Stones muni láta höndur standa vel fram úr ermum og láti kné fylgja kviði og ráðist með alvæpni, ásamt hersveit sinni, til inngöngu í Fjölbrautaskóla Suðurlands og svæli alla ofbeldismelrakka, sem þar hafast við, út úr húsi og reki þá til fjalla eins og sauðpéning á afrétt.

Ráðist með grjóti á 16 ára pilt í FSu á Selfossi

Kynþokkafullur ofurbolti ætlar þing

Nú ku brostin á mikil múgfirring meðal kvenna í Norðausturkjördæmi vegna framboðs Tryggva Þórs Herbertsstrasse. Í tugþúsundatali hafa konur fyrir norðan og austan keppst við að heita hinum kyþokkafulla Tryggva stuðningi sínum, því allar vilja meyjarnar eiga hann eins og segir í kvæðinu. ,,Aldrei hefur jafn æsandi karlmaður boðið fram krafta sína í þágu þjóðarinnar" sagði kona á norðurlandi við mig í síma í dag. Og önnur bætti um betur og sagði: ,,Hagfræðiylmurinn af honum verkar á mann frá hvirfli og niður að hnjám og maður hitnar öll eins og af rommi í heitu kaffi."

Tryggvi Þór Herbertsson vill á þing

Minismerki, komandi kynslóðum til varnaðar

Þær eru flottar saman flokkssysturnar Katrín Jak og Hanna Birna, og þegar frú Swandeez Sendiherradóttir bætist við er söngurinn álíka fagur og hjá Grýlu í kvæðinu hans Jóhannesar úr Kötlum.

Og nú hafa þær hugsjónasystur semsé undirritað í sameiningu viljayfirlýsingu um að halda áfram að byggja Tónlistarhöllina Miklu við Reykjarvíkurhöfn og undirrituðu þar með í leiðinni forréttinda- og yfirstéttareðli sitt.

Miklu best væri að láta Tónlistarhrófatildrið standa eins og það er á sig komið sem minnismerki, komandi kynslóðum til varnaðar, um uppskafningshátt og græðgisofsa frjálshyggjuhamfaranna 1991-2008. Af og til mætti svo hífa Egil Ólafsson og önnur slík afturfótafiðrildi uppí gluggatóftirnar á minnismerkinu og láta þau grenja þar upp sína tilgerðarlegu sultarsöngva.  

Allt að 600 störf vegna framkvæmda við Tónlistarhús

Og hvað með það?

Og hvað með það þó Björn Jörundur hafi keypt sér dulítið af ólöglegu stöffi sér til gottgjörelsis og hressingar? Hefur ekki fjöldinn allur af frægðarfólki og fínum pappírum hér á landi gert hið sama?

Björn Jörundur viðurkennir mistök

Verkakonan og menntaelítan

Það er útaf fyrir sig gleðilegt að kona sem titlar sig verkakonu og leggja áherslu á verkalýðsmál skuli sækjast eftir 3. sæti á lista VG í Kraganum. Nú er það svo að verkalýðsmál eiga ekki uppá pallborðið hjá flokkseigenda- og menntaelítunni sem ræður lögum og lofum í VG og í reynd hefur tekið þann flokk í gíslingu. Það verður því fróðlegt að fylgjast með árangri Margrétar í fofrvalsprófkjörinu atarna. En ég leyfi mér að fullyrða að árangur hennar stendur og fellur með því hvort hún er innundir hjá flokksklíkunni eður ei. Af einhverjum ástæðum giska ég á að Margrét þessi eigi sæmilegt innhlaup hjá klíkunni og þar með þó nokkra möguleika á að ná 3. sætinu.

Vill 3. sæti á lista VG í Suðvesturkjördæmi

Hvað eru alþýðusvikarar að steyta kjaft?

Ég held að væri sæmst fyrir Gylfa forseta, Kristján í Keflavík, frú Ingibjörgu Err og önnur ámóta skoffín í ,,verkalýðsforystunni" að huga fyrst að eigin trúverðugleika og eigin lítilsvirðingu gagnvart verkafólki áður en þeir gagnrýna aðra aðila fyrir sömu hluti. Þetta hraksmánarlega hyski má þakka fyrir að ekki skuli ver starfræktur Dómstóll Alþýðunnar hér á landi því þá væri fyrir löngu búið að taka það úr umferð fyrir svik við alþýðuna.

 

Þingmenn sýna þjóðinni lítilsvirðingu