Dagar kvótamafíunnar brátt taldir

Ef allt væri með felldu í þjóðfélaginu og heilbrigð skynsemi fengi að ráða gæti ekkert komið í veg fyrir að svokallað kvótakerfi í sjávarútvegi verði aflagt og kastað á sama sorphaug og útrásin og frjálshyggjan eru í fleti fyrir. Ár eftir ár hefur þjóðin hafnað þessu mafíska kerfi í skoðanakönnunum en fulltúar auðvalds, arðræningja og spillingar á Alþingi haldið yfir því hlífiskildi. Það kemur heldur ekki á óvart að aðdáendur kvótakerfisins sé helst að finna í Sjálfstæðisflokknum en þar á eftir í Framsóknarflokknum. Mikill meirihluti VG og Samfylkingar er aftur á móti andvígur sóðaskapnum og nái þessir tveir flokkar að mynda ríkisstjórn eftir næstu kosningar, án stuðnings annara flokka, er ljóst að dagar kvótakerfisins í núverandi mynd eru taldir.

61% vilja innkalla kvótann

Framfarir eða úrlausnarefni fyrir sálfræðinga

,,Standa í vegi fyrir framförum" segir Mörður Árnason samfylkingur. Ætli manngarmurinn trúi því virkilega að aðild Íslands að kapítalistabatteríinu ESB jafngildi framförum? Það er svosem löngu ljóst að ESB-endaleysa Samfylkingarinnar flokkast ekki undir stjórnmál heldur úrlausnarefni fyrir sálfræðinga og annað sérfræðimenntað geðheilsufólk.

Svo er ekki úr vegi að minnast þess, að útrásarbraskið og frjálshyggjuglæfrarnir og glæpirnir töldust til slíkra framfara að hver sem dirfðist að draga herlegheitin í efa var umsvifalaust útrækur úr mannlegu samfélagi. Nú vita allir til hvers þær framfarir leiddu. 

Evrópustefna VG skýr

Hvimleitt rugl

Mikið held ég að fólk sé orðið leitt á síbyljunni um hið innihaldsrýra kynjakjaftæði í stjórnmálum. Þetta yfirþyrmandi rugl, sem borið er fram af hrokafullu og sjálfumglöðu liði úr efri-millistétt og yfirstétt, hefur síst orðið til að bæta ímynd stjórnmálamanna. Ef nauðsynlegt er að raða konum í ,,örugg sæti" til jafns við karla er enn nauðsynlegra að raða fólki eftir stéttum í þessi ,,öruggu" sæti, þá fengi t.d. verkalýðsstéttin þá fulltrúa sem henni ber á Alþingi Íslendinga.

Stjórnmálaflokkar tryggi jafnræði kynja

Meinleg villa í frétt mbl.is

Í þessa furðufrétt mbl.is af Ólafi Þór öldrunarlæki hefur líklega slæðst inn meinleg villa. Þarna á að sjálfsögðu að standa að sá góði sperrileggur, Ólafur Þór, gefi kost á sér í 3.-4. sæti á lista Sjálfstæðisflokksins í Kraganum. Það hlýtur að vera hreint og beint móðgandi fyrir hálaunaðann öldrunarlækni að vera bendlaður á svo óviðurkvæmilegan hátt við efrimillistéttarfémínískan framsóknarflokk eins og VG. Ég mælist til þess að aðstandendur mbl.is biðji Ólaf Þór öldrunarlækni opinberlega fyrirgefningar á mistökunum.

Gefur kost á sér í 3.-4. sæti á lista VG í Kraganum

En sósíalísk bylting væri best

Að öllu samanlögðu væri best að leysa samtryggingarkerfi flokkeigendafélaga stjórnmálaflokkanna undan öllu oki forvalsprófkjöra/persónukosninga/raðaðra og óraðaðra framboðslista og efna þess í stað til sósíalískrar byltingar.

Persónukjör í kosningunum?

Stórtennt fiskeldisdrottning af aðalsættum

Heldur gerast þær stórtenntar í dag sleggjurnar í betri stofu flokkselítu VG og forvelja sjálfar sig hver um aðra þvera uppá efstu prik framboðslista sinna. Í gær var það eðalblókin Árni Þór sem lét á sér kræla og í dag hvorki meira né minna en sjálf sendiherradóttirin Swandees og fiskeldisdrottningin Áflheiður Ingadóttir, en báðar er þær snilldarkvinnur af háum aðli, erfðaprinsessur, rétt bornar til eignar á pólitískum hreyfingum sem einusinni voru sósíalískar. Ekki er að efa að almennir félagar í VG muni, af alkunnri heimsku sinni og skorti á alýðlegu innsæi, veita stórhluthöfum í VG ehf. gott brautargengi til alþingisframboðs. Þeim verður væntanlega að góðu. 

Álfheiður sækist eftir 1.-2. sæti

Súperpúma af sendiherraætt boðar sig á fyrsta farrými

Sjáum bara til, Súperpúman, eðalborin af ætt Svavars sendiherra, býður sig í 1. sæti ,,á vegum VG" eins og segir á mbl. Þetta eru góð tíðindi fyrir ,,Vinstrihreyfinguna" og mikill hvalreki, því ekki veitir af fleiri frauðtertum á borð þingflokks VG. En það er altént gott til þess að vita að ekkert lát er á hinni geysivinsælu svarvarsvæðingu í ekki-vinstrflokknum VG.

En hvernig á því stendur að mér dettur samtrygging stjórnmálaflokka, eða ölluheldur flokkseigendafélaga, í hug á þessari stundu er mér hulin ráðgáta. 

Svandís stefnir á 1. sætið í Reykjavík

Tímasóun hjá plat-vinstriflokki

Það tekur því varla fyrir VG í SV-kjördæmi að efna til forvals/prófkjörs því búið er að ráðstafa Guðfríði Lilju fyrsta sætinu og Ögmundi Jónassyni sæti númer tvö. Þá á bara eftir planta Guðnýju Dóru Gestsdóttur í hið þriðja og Ólafi Þór Gunnarssyni hinum góða ofurkommúnista í fjórða. Ég er viss um að Ögmundur kann að meta svavarsvæddan framboðslista hjá sér, því honum finnst svavarsvæðingin góð.

Annars er ég alltaf að komast betur og betur að því hverskonar plat-vinstriflokkur VG er, og það sem verra er: þessum kúnstugu samtökum er ekki við bjargandi. En meira um það seinna.

 

Forval hjá VG í SV-kjördæmi

Skelkað kallkjökur á leið í Alþingishúsið

Ójá, - í fyrramálið, kl. 09:00, verður Davíð Oddsson leiddur eins og húðarjálkur inní Alþingishúsið og látinn standa fyrir máli sínu. Mikið held ég kallkjökrið verði skelkað þegar það kemur á þann stað sem var vettvangur mótmæla sem gengu milli bols og höfuðs á 1000 ára frjálshyggjuríki Davíðs Oddssonar, Hanezar Holmstone, Halldórs Ásgrímssonar og Jóns Baldwins Haníbalssonar. Og ekki held ég bæti úr skák ef vígreifir mótmælendur verða á stjái á hlaði Alþingis þegar seðlabankakónginn ber að garði; þá er viðbúið að eyminginn svorni verði fyrst alvarlega hræddur.

Sagt er að þegar hermenn lenda í snörpum bardaga í návígi, geri þeir ævinlega í buxurnar án þess að vita af því; komast bara að því þegar orrustunni er lokið að þeir eru með blautan botninn.

Ég vænti þess að í fyrramálið, þegar líða fer á morguninn, fái þjóðin nákvæmar fréttir og í smáatriðum af innreið Davíðs í Alþingishúsið.  

Seðlabankastjórar funda með viðskiptanefnd

Þar vita menn og konur ekki hvað iðrun er

Ætli fari stagkálfum íhaldsins ekki best að láta ógert að væna núverandi ríkisstjórn um lygar. Framganga sjálfstæðismanna, eftir að þeim var sturtað niður, er með þeim ólíkindum að augljóst er að á þeim bæ kunna menn og konur ekki að skammast sín og vita ekki hvað iðrun er.

Og hvernig er það aftur: Er Gjeir Haaarde með sannorðustu mönnum? Er mikið mark á honum takandi yfirleitt?

Davíð og dularfulla bréfið