Saur Andersen og Porno Jack

Við sem rérum til síldar í Norðursjó, forum daga, og lönduðum í Hirtshals á Jótlandi, munum flestir eftir náunga sem ók um bryggjurnar þar í Hirtshals á sendiferðabíl hlöðnum af smyglgóssi frá Þýskalandi sem þótti heldur svona í dónalegri kantinum. Þessi maður var svo virtur af íslenskum síldarsjómönnum að meðal þeirra hét hann tveimur fullum nöfnum, semsé: Saur Andersen og Porno Jack. Einusinni sem oftar brá SA/PJ sér um borð í íslenskan síldarbát í Hirtshals í viðskiptaerindum. Á meðan hann samdi um prísana á vöru sinni við skipverja, létu skipverjar á öðrum íslenskum síldabát höndur standa fram úr ermum og rændu öllum farminum úr sendibifreið SA/PJ. Að sjálfsögðu sat herra Saur Andersen/Porno Jack uppi með sárt ennið því ekki gat hann snúið sér til lögreglu þar sem varningur hans var smyglgóss eins og áður sagði.

Þessi litla saga minnir dálítið á samskipti Sjálfstæðisflokksins og útrásarvíkingana við íslensku þjóðina, en með öðrum formerkjum í grunninn: Saur Andersen/Porno Jack gat ekkert aðhafst af því að starfsemi hans var ólögleg, en íslenska þjóðin getur ekkert gert að því af því að efnahagshrunið sem Sjálfstæðisflokkurinn og útrásarvíkingarnir stóðu fyrir var löglegt, að því okkur er sagt. 

Vilja verja velferðina

Íslenska sjóræningjavandamálið

Það væri kanske ráð að fá íslandsvinkonuna Hillarí Clinton til að hjálpa okkur til að sporna við hinum íslensku sjóræningjum og kveða þá niður fyrir fullt og allt eins og hvert annað óheint draugamor. Eins og fram hefur komið hafa samtök kvótasjóræningja á Íslandi, LÍÚ, hótað hefndaraðgerðum hrófli réttkjörin stórnvöld við þýfisgóssi þeirra. Það er sérlega mikil nauðsyn að snúa LÍÚ-klúbbinn niður á eyrunum áður en hættulegust félagar hans og helstu málaliðar þeirra fá ráðrúm til að gera meira af sér.

Clinton kynnir aðgerðir í baráttunni við sjóræningja

Betri frétt hljóðar svo:

 ... Síðdegis í dag réðist 70 manna lögreglusveit inn í höfuðstöðvar Sjálfstæðisflokksins, Valhöll, handtók alla sem þar fundust innandyra, samtals 36 manns, og færðu í gæsluvarðhald á Litla-Hraun þar sem hinir grunuðu verða geymdir meðan rannsókn fer fram.

Búið að sleppa öllum

Kvótagrósséri í stjórn Römu Offshóru

Það er ekki ónýtt fyrir norska fyrirtækið Rem Offshore að hafa fyrrverandi stjórnarformann Glitnis banka, Sjálfan Þorstein Má kvótagróssér Baldvinsson, í stjórn hjá sér. Þorsteinn Már er náttúrulega með allravönustu mönnum þegar kemur að stjórnarsetu í veleðla stórkompanýjum þar sem menn taka sér sjaldnar minna í munn en 100 miljarða. Heppnir eru þeir í Ram Offshóru að hafa þvílíkan generalútrásaroffísér í sínum röðum. En hvað sem því líður, þá legg ég til að Samherji verði lagður í rúst.

Deilt um uppskiptingu Rem Offshore

Siðferðisbrestur kjósenda, hugsunarvilla og einfeldningsháttur

Samkvæmt skoðannakönnun Fréttablaðsins eru 27,3% þjóðarinnar reiðubúin að ljá glæpasamtökunum sem kalla sit ,,Sjálfstæðisflokk" atkvæði sitt. Þetta er auðvitað afar sorglegt þegar haft er í huga hvað þessi illræmdu samtök hafa gert á hluta fólks, bæði í fjárhagslegum og félagslegum skilningi. Hvað það er sem fær rúmlega fjórðung þjóðarinnar til að kjósa þennan óþverra er mér að mestur dulið; sennilega er um að ræða um að ræða áunninn siðferðisbrest umræddra kjósenda í bland við hugsunarvillu og einfeldningshátt. Að minnsta kosti vilja íhaldskjósendurnir láta glæpamaskínuna grilla sig töluvert meira.

Fylgi Sjálfstæðisflokks eykst milli vikna

Hvar er dómsmálaráðherrann og vinstristjórnin?

Hvernig stendur á því að dómsmálaráðherrann, fyrir hönd ríkisstjórnarinnar, tekur ekki í taumana og rekur lögregluna af vettvangi? Ég get ekki ímyndað mér að fasískar lögregluaðgerðir í þessum dúr séu þóknanlegar þeirri ríkisstjórn sem nú situr, - eða hvað? Hefur máske ekkert breyst í kerfinu með tilkomu Jóhönnu og Steingríms J.? Situr sama auðvaldseðlið við völd, þrátt fyrir allt?

Lögregla rýmir Vatnsstíg 4

ESB-sjúkdómur Samfylkingarinnar, illvígt vandamál

Það stefnir allt í að hinn hákapítalíski ESB-sjúkdómur Samfylkingarinnar sé að verða að illvígu pólitísku vandamáli. Ef að Samfylkingin getur ekki sökum þessa sjúkdóms myndað ríkisstjórn með VG að afloknum kosningum, má fjandinn sjálfur hirða þann leiða öfuguggaflokk. Það getur ekki verið að stjórnmálaflokkur leggi svo mikið uppúr að gera landssölugrillur sínar að veruleika að enginn annar flokkur geti starfað með honum. Og VG verður að kveða skýrt að orði um að aldrei komi til greina að fara í ríkisstjórn sem hefur subbuleg föðurlandssvik eins og evrópusambandsaðild á dagskrá; draugagang á borð við ESB-reimleika Samfylkingarinnar verður að kveða niður af ákveðni og festu, í þeim efnum duga engar hálfkveðnar vísur.

Tvöföld atkvæðagreiðsla „slæmur kostur“

Ljóskan kvakar uppúr óráðinu

Thorrgerður Katrín Gunnarsdóttir verður seint sökuð um að geta ekki komið fólki á óvart. Öll munum við tvöfalda kínareisu hennar fimm mínútum áður en frjálshyggjupólitík Sjálfstæðisflokksins kollkeyrði efnahagslífi þjóðarinnar af slíkum myndarskap að frægt verður af endemum um alla framtíð. Nú skeiðar frú Thorrgerður eins og frísandi hryssa fram í sviðsljósið og segist aldrei hafa heyrt alvarlegri ásakanir en orð Svandísar Sendiherrans um grun um mútur í sambandi við stykjastuð Sjálfstæðisflokksins. Það er þó ekki ruglið í Thorrgerði um Svandísi og mútugruninn sem koma á óvart, heldur gáfuhjal hennar þess efnis að ekki megi ræða alvarleg pólitísk mál eins og atvinnuleysi og gengisfall. Hver hefur bannað umræður um þessa málaflokka frú Thorrgerður? Það væri þá helst að Sjálfstæðisflokkurinn hafi lagt bann við slíku tali, eða er það ekki frú Torrgerður? Þær eru að minnsta kosti margar snörurnar sem ekki má nefna í hengds manns húsi Sjálfstæðisflokksins um þessar mundir. 

Aldrei heyrt alvarlegri ásakanir

Saxast á limina hans Björns míns

Það stefnir allt í Sjálfstæðisflokkurinn að fái loksins þá útreið sem hann á skilið og margir hafa beðið eftir. Fastlega má gera ráð fyrir að talsvert fylgi eigi eftir að saxast af þessum skuggalegu samtökum fram að kjördag.

 Það vekur athygli að hinn hægrisinnaði óábyrgi flokkur tækifærissinna, Borgarahreyfingin, virðist ætla að fá töluvert fylgi. Ég spái því að fái Borgarahreyfingin þingmenn kjörna, tvo eða fleiri, í þingkosningunum eftir 10 daga, verður helmingur þeirra kominn yfir á höfuðbólið, Sjálfstæðisflokkinn, áður en næsta kjörtímabil er hálfnað. 

Samfylking stærst

Sársaukaspangól brennuvarganna

Fyrir um það bil hálfum öðrum klukkutíma síðan varð ég þeirrar fávísu ánægju aðnjótandi að sjá á sjónvarpsskjánum þegar Bjarni Ben skjögraði eins og skottbrotinn rakki í ræðustól Alþingis. Erindi Bjarna var, að því best verður séð, að leyfa þingheimi og öðrum landslýð að heyra hvað henn getur spangólað hátt. Ekki duldist nokkrum manni andartaksstund að Bjarni getur orðið óhemju skrækur á háu tónunum. Þó verður að segjast eins og er, að það er hálf kaldhæðnislegt, svo ekki sé dýpra tekið í árinni, að hlusta á nýkjörinn foringja brennuvarganna kvarta sárann yfir hve illa gengur að slökkva eldana sem félagar hans í hinum FL-aða brennuvargaflokki kveiktu.

Vart þarf að taka fram, að það varð Steingrími J. létt verk að snúa hinn nýkórónaða íhaldsuxa niður á halanum og kæfa hið óviðeigandi spangól í honum.

Krónan veikst með nýrri stjórn