Kvenskörungur myrtur á lúalegan hátt

Ekki er á þá bandaríkjamenn logið, alltaf skulu þeir myrða sitt besta fólk við fyrsta hentugt tækifæri. Abrahám Lincoln, Jón Kénnédý, Martein Lúter King og englendinginn John Lennon skutu þeir eins og hunda og nú láta þeir sér sæma að drepa Marilyn Chambers! Og þó að lögreglan þar vestra haldi því fram að andlát Marilyn hafi ekki borið að með vofeiflegum hætti, þá er það auðvitað helvítis haugalýgi, - maður þekkir nú sitt heimafólk. Víst er um það að Marilyn Chambers var mestur kvenskörungur um sína daga í Bandaríkjunum og ófáum yljaði hún um hjartarætur og miðvígstöðvar með tiltektum sínum og list. Og hún náði ekki einusinni að verða sextug. Hinsvegar bera bandaríkjamenn aldrei við að lóga sínum verstu úrhrökum; t.d. datt þeim aldrei í hug að skjóta rindilmennið og heimskingjann Georg Woff Bush hvernig sem sá ódámur hagaði sér.

Kunn klámstjarna fannst látin

Barátta Gvöðlaugs við andskota í eigin FLokki

Ekki er það beinlínis fallegt afspurnar fyrir Gvöðlaug okkar Þór, á þessum síðustu og allra verstu tímum, að hafa verið í beinu sambandi við þann bráðfeita fyrrverandi bankastjóra Sikurjón Þorn Árnason einmitt um þær mundir þegar Landsbankinn styrkti Sjálfstæðisflokkinn hvað ákafast. Það er viðbúið að óvinir Gvöðlaugs í hans eigin FLokki nýti sér þessa vitneskju til hins ítrasta í því skyni að flæma hann af framboðslista FLokksins í Reykjavík. En auðvitað mun Gvöðlaugur ganga hreint til verks, ,,klára dæmið" eins og það heitir á FLokksmáli, og hafa glæstan sigur að lokum í viðureigninni við andskota sína í Sjálfstæðis FLokknum. Á kjördag mun enginn fúlsa við að setja X við D á kjörseðil þar sem Gvöðlaugur Þór trónir efstur allra á lista FLokksins.

Var í beinu sambandi við bankastjóra

Ef Gvöðlaugur vill heilbrigðisvottorð sem dugar

Ef Gvöðlaugur litli Þór væri ærlegur, og vildi í eitt skipti fyrir öll losa sig við sorann sem flokkssystkyni hans reyna hvað þau geta að klína á hann, þá ætti hann auðvitað að fara þess á leit við efnhagsbrotadeild rannsóknarlögreglunnar að hún rannsakaði prófkjörsumsvif hans útí hörgul og gæfi honum að því loknu heilbrigisvottorð uppá hreina samvisku í hvívetna.

Ég trúi því að Gvöðlaugur sé allra manna heiðvirðastur og hafi aldrei nokkurn tímann gert nokkuð rangt, hvað þá óheiðarlegt eða sem tengja má spillingu af einhverju tagi. Hann er í raun fjórvængjaður engill, innblásinn af hinni ósýnilegu hönd markaðarins. 

Óskar úttektar á störfum sínum

Eins og að kæra hund fyrir háreysti á almannafæri

Það er áreiðalega rétt hjá Jóni bónda, að Samfylkingin er að einangrast í þessum ESB-ofstopa sínum. Oftopinn og blind einstefnan er slík að enginn talsmaður Samfylkingarinnar getur opnað á sér munninn um eitt einasta mál öðruvísi en koma ESB-hugarfóstrinu að. Það er blátt áfram stórkostlegt að heyra fullorðið fólk gagga ESBinu uppúr sér eins og páfagaukar í tíma og ótíma. Aumingja fólkinu er auðvitað ekki sjálfrátt og bera að umgangast EBS-vaðalinn í því í samræmi við það. Það er t.d. ómögulegt að saka einstaklinga sem eru ósjálfráðir gerða sinna um landssöluáráttu, landráð og föðurlandssvik. Það er eins og að ætla að kæra sígeltandi hund fyrir háreysti og óspektir á almannafæri.

Segir Samfylkinguna að einangrast í ESB-umræðunni

Helgarferð SÚS út á land

Alltaf þykir mér jafn gaman að heyra sögur af Sambandi ungra sjálfstæðis- manna (sikileyinga) og þá eru samþykktir þeirra og yfirlýsingar lítið síðri. Mörgum er t.d. í fersku minni þegar hópur SÚS-ara tók sig upp eina helgi að sumarlagi og gerði ferð sína út á land. Nánar tiltekið setti þessi þokkalegi félagsskapur sig niður í útgerðarbæ nokkrum vestanlands og tók þegar til óspilltra málanna. Er skemmst frá að segja, að á mánudagmorguninn þegar SÚS-lýðnum var smalað upp í rútu og sendur beina boðleið til Reykjavíkur í fylgd lögregluþjóna, hafði SÚS-urum tekist að hægja sér að minnsta kosti einu sinni í hvern húsagarð í útgerðarþorpinu. Ennfremur hafði þeim líka tekist að brjóstast inn í áfengisverslun ríkisins á staðnum og drekka þar upp hvern deigan dropa. Við yfirheyrslu báru SÚS-arar fyrir sig að þeir hefðu brotist inní áfengisverslunina til að mótamæla því að ríkið væri að vasast í áfegissölu, brennivínið væri betur komið í umsjá matvöruverslana í eigu Bónuss og Kaupáss.

Aðrir flokkar fylgi fordæmi Sjálfstæðisflokksins

Hin nýja stétt útigangsmanna

Upp er risin ný stétt útigangsmanna; manna sem með framferði sínu hafa sagt sig svo rækilega úr lögum við samfélag siðaðra manna að þeir eiga þangað aldrei afturkvæmt. Hin eldri stétt útigangsmanna, drykkjumenn sem lent hafa á skjön við þjóðfélagið, hafa aldrei verið óhræddir við að vera á ferli á götum Reykjavíkur, enda hefur fólki einlægt þótt í aðra röndina vænt þessa ógæfumenn. Öðru máli gegnir um þorparana sem með rangindum, óhófi og stórfeldum fjármálaglæpum gegn þjóð sinni hafa komið sér allstaðar útúr húsi; þau óféti geta aldrei látið sjá sig á almannafæri meir öðruvísi en að eiga á hættu að vera veitt ráðning í hastarlegri kantinum. Öllum er illa við þennann fyrrum vonarpening Sjálfstæðisflokksins, enginn víkur að þeim góðu, engum dettur í hug að hleypa þessum ræflum inn til sín. Peningaglæpamönnum frjálshyggjunnar eru búin þau örlög að hokra utangarðs, skítugastir af öllum skítugum, og svo fyrirlitnir að jafnvel gatan er þeim bönnuð.

Á hinni nýju stétt útigangsmanna sannast orð litla sósíalistans frá Nasaret: ,,Hinir fyrstu munu verða síðastir" ... 

Auðjöfrar landsins sjást ekki á götum Reykjavíkur

Íslenskir sjóræningjar hóta líka hefndum

Ekki verður annað sagt en að það örli á skyldleika með sómölsku sjóræningjunum og stéttarbræðrum þeirra íslenskum í LÍÚ: Þeir sómölsku hóta að hefna fyrir smávægilega röskun á starfsemi þeirra, þeir íslensku hóta dauða og djöfli ef stjórnvöld hrófla við ránsfeng þeirra, kvótanum.

Ójá, piltar mínir og stúlkur, sjóræningjar eru víðar vandamál en fyrir ströndum Sómalíu.

En það verður bæði gaman og fróðlegt að sjá til kvótaþrjótanna í LÍÚ þegar þeir fara að bera sig til að hefna sín þegar farið verður að fyrna þeirra illa fengna góss. 

Sjóræningjar hóta hefndaraðgerðum

Heiður Sjálfstæðisflokksins - hver fjandinn er það?

Orðið ,,heiður" á að sjálfsögðu ekkert skylt við stórhættuleg samtök eins og Sjálfstæðisflokkinn. Hinsvegar varðar það heiður þjóðarinnar ef ekki tekst að stemma stigu við Sjálfstæðisflokknum. Það á að vera forgangsverkefni íslenskra stjórnmála á næstu dögum að leggja Sjálfstæðisflokkinn niður með lögum frá Alþingi, og sækja alla helstu forkólfa þessarar ófrýnilegu suddahreyfingar til saka fyrir stórfelld afglöp og vanrækslu í starfi. Sömuleiðis er óhjákvæmilegt að banna starfsemi pólitískra hópa sem í framtíðinni ætla sér að byggja að einu eða öðru leyti á grundvelli hinnar alræmdu ,,sjálfstæðisstefnu."   

Heiður Sjálfstæðisflokksins ekki metinn til fjár

Einn af 5 bestu sonum þjóðarinnar

Auðvitað er fráleitt að draga Kjartan Gunnarsson inní einhvern tugmiljóna styrkjasubbuskap hjá Sjáfstæðisflokknum; hans heilaga nafn á betra skilið en trakteringar af þessháttar tagi. Kjartan hefur, eins alþjóð veit, áratugum saman verið einn af 5 bestu sonum þjóðarinnar, unnið störf sín af kostgæfni og alúð við skrifpúlt sitt í Valhöll af þeim innri friði sem fáum einum er gefinn. Við skulum láta Kjartan Gunnarsson í friði því hann er heilagur maður.

Fráleitt að draga nafn Kjartans inn í atburðarásina

Samtök hugsjónalausra og athyglissjúkra tækifærissinna

Það hefur löngum verið plagsiður hér á landi, að þegar líður að alþingiskosningum fara allrahanda tækifærissinnar og kverúlantar í framboðshugleiðingum á stjá. Þetta er gjarnan lið sem sér sér leik á borði að trana sér fram í athyglissýkisskyni. Svokölluð Borgarahreyfing er þar engin undatekning. Samtök sem verða til uppúr engu, nema e.t.v. athyglissýki leikaranna sem að herlegheitunum standa, eiga ekkert erindi til fólks, hvað þá að rugludallar á framfæri núllmennsku Borgarahreyfingarinnar eigi erindi inná Alþingi. Enda hefur Borgarhreyfingin nákvæmlega ekkert til málanna að leggja; fyrirsvarsglamarar þessa flokks ætla ekki að breyta neinu sem máli skiptir, heldur feta öngstræti kapítalismans eins og önnur hugsjónalaus tækifærismennasamtök. 

Og skemmtilegt væri, ef svo vel tækist til, að Borgarahreyfingin yrði þess valdandi að Sjálfstæðisflokkurinn og Framsóknarflokkurinn næðu að mynda enn eina ríkisstjórnina eftir kosningar. Þá vera allir sáttir, trúi ég. 

Borgarahreyfingin býður fram í öllum kjördæmum