Ef bandormur kemst í höfuð fórnarlambsins

Það er alrangt hjá aumingja kallinum honum Árna Þór Sigurðssyni að hugmyndir Sjálfstæðisflokksins um efnahagsmál eigi að fá umfjöllun á Alþingi. Þvert á móti á meirihluti Alþingis að sniðganga Sjálfstæðisflokkinn með öllu eins og pestargemling  og vísa öllu kjaftæði frá þeim sóðasamtökum í verri staðinn.

Um bandorminn sem hejar á innyfli Árna Þórs um þessar mundir er það að segja, að mikið má vera ef þessi lúmski ormur á ekki eftir að granda Árna karlanganum, að minnsta kosti svona pólitískt séð. Dæmi eru um að einmitt svona bandormur hafi komist í höfuðið á fórnarlambinu og fyllt það af sulli svo að viðkomandi hefur ekki vitað sitt rjúkandi ráð upp frá því. Vér skulum því lúta höfði og biðja til félaga Jósefs að þannig fari ekki fyrir gæðagripnum Árna Þór Sigurðssyni.

Bandormur eftir helgi

Með skyrbjúg og hjarðsveinasjúkdóm

,,Tími menntamála er kominn!" stendur á einu mótmælaspjaldanna, sem ku vera veifað á Austurvelli þessa stundina. Ég geri ráð fyrir að það sé einhver veleðla stúdíósis, með máttfarna og skjálfandi spóaleggjahandleggi, sem heldur þessu merka spjaldi á lofti. Sennilega er stúdíósinn með skyrbjúg á lokastigi ásamt fleiri vannæringarsjúkdómum. Fyrir 150 árum voru svona peyjar ævinlega með hjarðsveinasjúdóm í þokkbót ofaná skyrbjúginn og áttu furðu auðvelt við þær aðstæður að drekka sig í hel. Því miður hafa nútímaháskólalærlingar ekki hjarðsveinasjúdóm en þess í stað þeim mun oftar hamborgararass og góð drög að framtíðarístru.

Hitt er svo aftur annað mál og ívið skuggalegra, að eftir því sem prófgráðupersónum hefur fjölgað hin síðari ár þá hefur gáfnafari og skynsemi þjóðarinnar hrakað að sama skapi. Það má ljóst vera að offramleiðsla prófgráðufólki úr háskólum kann ekki góðri lukku að stýra, svo sem hrunadansinn kringum gullkálfinn og efnahagshrunið mikla bera glöggt vitni um.   

Fjölgar á Austurvelli

Frekjulæti braskara- og prangstéttarinnar

Það er naumast frekjutónninn í þessari Margréti Kristmannsdóttur sem titluð er formaður Samtaka verslunar og þjónustu. Það er ekki annað að skilja á formanni braskara- og prangstéttarinnar en að Ísland eigi að ganga í ESB umræðu- og skilyrðalaust; alþingismenn eiga semsé að hlýða sérhagsmunafrekju prangara kapítalismans orðalaust. Reyndar segir svona málflutningur sína sögu um á hvaða stig græðgisfíknin og yfirgangur græðgisaflanna var komin hér á landi. Lýðræði og annað í þeim dúr er algjört eitur í beinum hinna græðgissjúku skítablesa, í þeirra augum á almenningur að grjóthalda kjafti og einbeita sér að því að fóðra ágirnd sérhagsmunasinnana.

Blöskrar vinnubrögð Alþingis

Pólitiskt viðrini berar veruleikafirringu sína

Hverskonar andskotans ekkisens rugludallur er þessi svokallaði menntamálaráðherra ,,fyrstu hreinu vinstristjórnarinnar " á Íslandi? Dettur þessu greyi virkilega í hug að réttlætanlegt sé að skerða kjör þeirra verst settu í þjóðfélaginu, þeirra atvinnulausu, til að fjármagna Lánasjóð íslenskra námsmanna? Og þeim sem verða að skrimta af félagsbótum sveitarfélaga blandar ráðherraskjóðan í málið eins og ekkert sé sjálfsagðara. Mér hefur svosem aldrei dulist, að Katrín Jakobsdóttir er ekki til vinstri í stjórnmálum, þó svo hún haldi það ef til vill sjálf, en að hún væri jafn veruleikafirrt og ummæli hennar um LÍN og þá atvinnulausu gefa til kynna taldi ég óhugsanlegt.

Það sem þjóðin þarf síst á að halda um þessar mundir eru pólitísk viðrini af sama kalíberi og Katrín Jakobsdóttir, menntamálaráðherra. 

Ekkert svigrúm til hækkana

Segðu alls ekki af þér Gunnar minn

Hér með skora ég á Gunnar I. Birgisson borgarstjóra Kópavogsbæjar að láta allt ýlfur öfundsjúkra smámenna og kvenna sem vind um eyru þjóta og halda áfram að vera farsæll borgarstjóri sem fyrr og íbúum Kópavogs sönn fyrirmynd. Sem betur fer veit Gunnar I. hvernig hann á að afgreiða Grasa-Guddu Samfylkingarinnar og heilla- og hálaunakallinn Óla hinn Góða, að ekki sé minnst á framsóknargufuna í bæjarstjórn Kópavogs. Hvolpum, sem læðast aftan að húsbónda sínum og reyna að bíta hann, er yfirleitt refsað með því að gefa þeim snöggan selbita beint framan á trýnið. Láti hvolparnir ekki segjast við slíka hegningu verður borgarstjórinn í Kópavogi að grípa til þeirra meðala sem duga og hann svo sannarlega á í pokahorninu.    

Gunnar segir lög ekki brotin

Þvílíkur andskotans ódámur

Neineineinei, heyr á endemi: Er ekki nema Ó-lafur Góði kominn í hóp hælbítana sem eru að reyna að koma Gunnari I. borgarstjóra frá völdum í Kópavogi. Fram að þessu hefur Ó-lafur Góði kúrt spakur og undirgefinn í vasa Gunnars og kunnað hag sínum vel í þeim stað. Nú bregður svo við að Ó-lafur Góði hefur skriðið noiður buxnaskálm fóstra síns og læst tönnum sínum í hæla hans. Þvlíkur andskotans ódámur sem eitt mannkerti getur verið!

Eðlilegast að bæjarstjórinn víki

Virðist hugsanlega loðkuntuþvogl

Hvað vill eitt auðvirðilegt apparat eins og Dílojd og Tuss uppá dekk borgarstjórans í Kópavogi? Hvað á loðkuntuþvogl á borð við ,,að almennt virðist ekki hafa verið gerðar verðkannanir eða leitað tilboða" og ,,viðskiptin séu því hugsanlega brot á lögum."? ,,Hugsanlega" og ,,virðist" eru engin svör og Gunnar I. borgarstjóri á þar af leiðandi ekki um annað að velja en að sparka Dílojdinu og Tussinu fyrir borð á sínu skipi ásamt hælbítnum Grasa-Guddu Samfylkingarinnar og hennar spillta hvolpafans.

Hugsanleg brot á lögum

Öngstræti illvígrar ráðherrasóttar

Það er umhugsunarefni að Steingrímur J. segist ,,telja" að öruggur þingmeirihluti sé fyrir Icsave samningnum góða þegar fyrir liggur að 3 eð jafnvel 4 þingmenn VG greiddu atkvæði þa móti þessu heimsmeistaralega afkvæmi Svavars Sendiherra og Steingríms. Annaðhvort ætlar Steingrímur sér að beita Ögmund, Guðfríði Lilju, Lilju Móses og Atla Gíslason flokksagaofbeldi með því að snúa svo um munar uppá hendur þeirra og fætur, eða hann er einfaldlega búinn að tryggja sér stuðning einhverra snillinga úr röðum stjórnarandstöðunnar. Þá er á Steingrími að heyra í viðtalinu sem fylgir þessari frétt, að umræddir þingmenn VG sem eru á móti Icesave samningnum hafi ekki þau gögn í höndum sem Steingrímur sjálfur hefur og byggir sinn stuðning við málið. Það er eitthvað meira en lítið dularfullt við þennan helvítis þvætting galdrakarlsins sem bæði er fjármálaráðherra og formaður VG. Að manni læðist illur grunur um að á bak við tjöld Icesave samningsins leynist óhrjálegur og illþefjandi sóðaskapur sem almenningur má ekki komast á snoðir um.

Það hefur löngum verið vitað að Steingrímur J. Sigfússon er mjög heltekin af illvígri ráðherrasótt og tilbúinn að ganga á svig við allt og alla í sínum flokki til að hafa ráðherrastól undir rassgatinu. Og ef ég á að vera alveg hreinskilinn þá hef ég miklar efasemdir um að stjórnmálaflokkurinn Vinstrihreyfingin grænt framboð eigi mikla framtíð fyrir sér sem heill og óskiptur flokkur, - það er nefnilega orðið nokkuð langt á milli manna þar í flokksrökkrinu og sá munur fer vaxandi með hverjum deginum sem líður.  

Valtur meirihluti í Icesave

Villulíferni á fjöllum

Það er mörg villan sem manna börnum tekst að rata í, - ekki vantar það. Meira að segja uppi á Esjutindum virðist auðvelt að hafa uppá villulíferni sé eftir því leitað og ásetningurinn einbeittur. Hvaða ekkisens ráðslag er það hjá einni konukind að ráfa eins síns liðs til fjalla, og villast!? Og ganga svo fram á tvo kanadamenn sem voru að sinna sinni villu í grænni lautu. Hvað voru þessir karlar að aðhafast í raun og veru? Þeirri spurningu verður konan að svara opinberlega og refjalaust. Og hvað vakti fyrir björgunarsveitarmönnum þegar þeir ráðlaögðu kvenmanninum og hinum grunsamlegu kanadadólgum að halda kyrru fyrir í einum hóp þar til einhver rækist á þau fyrir tilviljun, máske eftir eina öld eða tvær? Annað eins hefur nú gerst. Í þokkabót láta svo björgunarsveitarmenn tvo ókunna rafta úr Kanada gæta konunnar! Með leyfi að spyrja: Höfðu björgunarsveitarmenn yfir höfuð einhverja hugmynd um hverskyns fuglar þessir kanadaþrjótar eru í raun og veru þegar þeir fólu villtu konuna í þeirra umsjá? Fyrir mína parta er þetta ógnvekjandi mál eitt allsherjar reginhneyksli. Fyrir það fyrsta átti konan ekkert með að staulast uppá Esju, vitandi hvernig þessháttar ferð getur endað. Um kanadamennina þarf ekki að fjölyrða, svoleiðis köllum er til alls trúandi þegar sá gállinn er á þeim. Í þriðja lagi þarf að finna upp heppileg viðurlög við villulíferni, ekki bara af þessu tagi heldur öllu mögulegu tagi í öllum hugsanlegum myndum.

Fólk í villu á Esju