Með skyrbjúg og hjarðsveinasjúkdóm

,,Tími menntamála er kominn!" stendur á einu mótmælaspjaldanna, sem ku vera veifað á Austurvelli þessa stundina. Ég geri ráð fyrir að það sé einhver veleðla stúdíósis, með máttfarna og skjálfandi spóaleggjahandleggi, sem heldur þessu merka spjaldi á lofti. Sennilega er stúdíósinn með skyrbjúg á lokastigi ásamt fleiri vannæringarsjúkdómum. Fyrir 150 árum voru svona peyjar ævinlega með hjarðsveinasjúdóm í þokkbót ofaná skyrbjúginn og áttu furðu auðvelt við þær aðstæður að drekka sig í hel. Því miður hafa nútímaháskólalærlingar ekki hjarðsveinasjúdóm en þess í stað þeim mun oftar hamborgararass og góð drög að framtíðarístru.

Hitt er svo aftur annað mál og ívið skuggalegra, að eftir því sem prófgráðupersónum hefur fjölgað hin síðari ár þá hefur gáfnafari og skynsemi þjóðarinnar hrakað að sama skapi. Það má ljóst vera að offramleiðsla prófgráðufólki úr háskólum kann ekki góðri lukku að stýra, svo sem hrunadansinn kringum gullkálfinn og efnahagshrunið mikla bera glöggt vitni um.   

Fjölgar á Austurvelli

Athugasemdir

[Anna Sigríður Guðmundsdóttir, 11.6.2009 kl. 20:06]

Jóhannes. Gott hjá þér. Flestir hafa horft á Næturvaktina og okkar ágæta leikara Jón Gnarr. Gott dæmi um allar gráðurnar sem ekki nýttust neinum, ekki einu sinni honum sjálfum.