Óháður samfylkingarsteggur og náttúrulausir fræðimenn

Það held ég að kerlingaruglan hún Jóhanna Sigurðardóttir sé ekki uppá rönd, ekki með öllu mjalla. Hvernig dettur henni í hug að týna saman hóp af náttúrulausum ,,fræðimönnu" og kalla það nefnd ,,óháðra sérfræðinga?" Hvaða sönnun höfum við sauðsvartur almúginn fyrir að því þetta nefndarfólk sé óháð? Er það algjörlega óháð eða óháð að hluta? Er samfylkingarsteggurinn sem á að stýra nefndinni óháður öllu og öllum, þar með eigin skoðunum? Og hvernig er það, frú Jóhanna Sigurðardóttir, er ekki nauðsynlegt að venjulegt fólk, almenningur, eigi fulltrúa í svona nefnd? Og hvað með siðfræðinga og sálfræðinga, eiga þeir ekkkert erindi að ,,sérfræðinga"borði frú Jóhönnu alþýðuskálds?

Með fullri virðingu, frú forsætisráðherra, þá legg ég til að þér ráðstafið þeim fjármunum, sem ætlaðir eru í hina ,,óháðu sérfræðinganefnd" yðar, frekar til Mæðrastyrksnefndar eða Hjálparstofunar kirkjunnar. Það væri meira að segja hyggilegra að fleygja aurunum útum gluggann en að spandera þeim í náttúrulausa nefnd undir stjórn Gunnars Helga Kristinssonar. 

 

Nefnd skipuð vegna skýrslu rannsóknarnefndar Alþingis

Auðvalds,,háskólann" í Reykjavík ber að leggja niður, - tafarlaust

Það er gjörsamlega makalaust að þessi svokallaði ,,Háskóli í Reykjavík" skuli vera enn við lýði og enn undarlega að þetta auðvaldsskrímsli sé að flytja inn í nýja milljarðabyggingu með tilgangsleysi sitt og rugl. Ef hið sóðalega íslenska auðvald vill endilega reka ,,háskóla" þá skal það gera það algjörlega á eigin reikning, en ekki með skattpeningum almennings, en eins og kunnugt er rekur auðvaldið nokkra skóla hér á landi, suma hverja algjörlega óþarfa, á kostnað skattgreienda, en ríkið borgar langstærstan þessarar furðulegu ævintýramennsku.

Við gerð næstu fjárlaga verður ríkisstjórnin að taka harkalega á ofangreindu vandamáli með því að leggja ekki eina einustu krónu til ,,einkaskólanna" svonefndu. Ef auðvaldið getur ekki rekið ,,einkaskólana" sína sjálft, á ríkið að yfirtaka stafsemi þeirra, reka áfram það sem þörf er á en varpa óþarfanum fyrir róða. Sýni ríkisstjórnin enga viðleitni í þessa átt, er allt tal um nauðsyn þess að skera niður ríkisútgjöld vegna kreppu marklaus þvættingur stórlygara og fáráðlinga.

Gengu fylktu liði til Nauthólsvíkur

Enn gjammar búrtíkin óskeikula

Mikið er gleðilegt að við íslendingar skulum hafa eignast óskeikulan sérfræðing milliríkjadeilum eins og hinu svavaríska Icesavemáli. Og þó að umræddur sérfræðingur sé einungis auðvirðileg búrtík Svavars Sendiherra, Álfheiðar piff Ingadóttur og Steinsgríms, er hann samt svo mikill sérfræðingur að hann getur með góðri samvisku kallað alla sem eru honum ekki sammála í sérfræðimálunum fífl og asna hvort heldur það eru innlendir menn eða erlendir. Það er aldeilis munur að hafa höndlað hinn stóra sannleik í eitt skipti fyrir öll!

Það er ekki amalegt að hafa búrtík á heimilinu sem er ekki einasta óskeikull sérfræðingur í öllu sem máli skiptir heldur og sígjammandi og glefsandi fyrir hönd húsbænda sinna, sem er eins og kunnugt er afskaplega virðingarvert yfirstéttarslekti. 

Björn Valur: Umræðan á villigötum

Að fórna öllu fyrir Svavar Sendiherra er trúarbrjálsemi af verstu tegund

Í Heimsljósi Halldórs frá Laxnesi er sagt frá gömlum manni, sem um sína daga var svo handgenginn skáldinu Guðmundi Grímssyni Grunnvíkingi, að hann hefði glaður leitt einu kúna á bænum frá munnunum á sveltandi börnum sínum til að færa hana G. G. Grunnvíkingi hefði hann þurft þess með.

Á sama hátt virðist komið fyrir Steigrími okkar J. og gamla manninum í Heimsljósi, nema að í tilfelli Steingríms heitir átrúnaðargoðið ekki G.G. Grunnvíkingur heldur Svavar Gestsson. Því miður æxluðust mál þannig, að Steingrímur fól átrúnaðargoði sínu að yrkja, ásamt Bretum og Hollendingum, nothæfan sálm um tiltekið glæpaverk sem íslenskir menn frömdu í Bretlandi og Hollandi. Þegar til kom vildu Íslendingar ekkert með kveðskap Svavars Sendiherra hafa. En Steigrímur brást æfur við og hefur til þessa haldið samningi meistara síns fram af fölskvalausu offorsi. Nú er svo að sjá að Steingrímur sé þess albúinn að fórna öllu sem í kringum hann er, kviku sem dauðu, leiða allar kýrnar úr fjósinu til Bretlands og Hollands, fyrir það eitt að sálmurinn um Icesave eftir Svavar Gestsson megi standa. Annað kemst trauðla fyrir í höfðinu á karlsveskjunni. Yfir svona háttalag er til ágætt orð á íslensku: Trúarbrjálsemi. 

„Ekki einhliða innanríkismál“

Glæsilegur forsmekkur að umsvifum Hólmara gegn peningapervertum

Það gleður mig meir en orð fá lýst, að mínir ágætu nágrannar í Stykkishólmi skuli hafa gripið til þess vinarbragðs gagnvart þjóð sinni, að ausa hús peningalegs óbótamanns tómatsósu og sinnepi. Vonandi er þetta bara forsmekkurinn að meiri umsvifum Hólmara á þessu sviði og að í ílátum þeirra verði rautt skipalakk og tjara þegar þeir skreyta hús óbótamannsins næst en ekki viðbit með pylsum. Við gerum svo ráð fyrir, að fjármálapervertinn, sem sagt er að eigi umrætt hús, hafi vit á að láta aldrei sjá sig í Stykkishólmi meir, né annarsstaðar á Snæfellsnesi því slíka andskota viljum vér ekki Snæfellingar ekki hafa í návist okkar.

Tómatsósu og sinnepi kastað á hús

Kvenprestar barna guðskristni á Íslandi

Eitt hið skelfilegasta, ásamt ýmsum örðum voða, sem dunið hefur yfir Íslenska þjóð á síðustu árum eru kvenprestar. Hvernig á því stendur, að kirkjunnar fórkólfar skuli látið annað eins gerast og taka uppá að vígja kvenfólks til prestsskapar er með öllu óskiljanlegt. Ekki vóru Jesús, Pétur postuli og Jóhannes skírari konur, hvað þá Páll postuli. Þeir létu konur þvo á sér fæturnar þegar þeim var íllt í bakinu og smurja þær á eftir með margaríni. En hér uppá Íslandi hafa byskubbar og prelátar þeirra flutt rifrildisnagg kvenna úr eldhúsinu inní kirkjuna og uppí predikunarstólinn. Drottinn fyrirgefi þessum mönnum villu þeirra einfeldningshátt. 

Svo bætir mbl.is um betur og auglýsir með sérstakri velþóknun munnsöfnuð tiltekinnar sérakonu, sem hún blés yfir grandalausan söfnuð sinn í Mosfellsveit í morgun, um Georg Bjarnferðarson og Icesave! Ég veit ekki til þess að standi eitt einasta orð um Georg þennan og Icesave í Heilagri Ritningu. Ef kvenprestar ætla að gera umrædd fyrirbrigði, Georg Bjarnfreðarson og Icesave, að höfuðdýrlingum íslenskrar guðskrisni og barna með því allar óskir um frelsun sálarinnar mun landið vissulega sökkva svo veglega að enginn fjallstindur verði á grynnra vatni en 2000 föðmum.    

„Við erum líka týnd“

Gelgjur á heimsmælikvarða klappa stappa - og snappa

Sigurvegar kvöldsins á fyrsta undanúrslitakvöldi Evróvísjónsins vóru tvímælalaust Eva Máría og Reignhildur Steinunn, enda eru þær sannast sagna gelgjur á heimsmælikvarða. Þessar elskulegu unglingsstúlkur klöppuð nær allan þáttinn, af slíkum ofsa að undarlegt má telja að þær hafi ekki handleggbrotið sig, auk þess sem þær stöppuðu niður fótum eins og mannýgar lambær, tóku bakföll og ráku upp óp og öskur við ólíklegustu tækifæri.

Eftir hina dæmalaust góðu frammistöðu í kvöld þykir einsýnt að þær stöllur í gelgjunni, Eva og Ránka, sigri íslandskeppnina og fái þann heiður að flytja hróður Íslands útí Noregi í sjálfri úrslitaorrustunni. Og miðað við tilburði þeirra í kvöld er óhætt að spá þeim mikilli, já mikilli, velgengi á sviðinu í Ósló. 

Lögin tvö sem komust áfram

Maður er nefndur Jón Hvalur; hann háði stríð á jólaföstunni

Sá maður er heitið hefur Jón Hvalur og enn er á dögum eftir því sem best er vitað, varð fyrir því óláni á jólaföstunni síðust, að lúsategund nokkur tók sér bólstað í höfði hans; það var hafíslús. Eftir að hafa klórað sér linnulítið í tæpa viku, brá Jón Hvalur á það ráð, að hella steinolíu í hársvörð sinn því hann hafði heyrt að þessháttar olía dræpi kvikfénað af lúsarkyni. Þegar lýsnar urðu steinolíunnar varar, fluttu þær sig búferlum niðurávið allt niður fyrir beltisstað og herjuðu þaðan á húsbónda sinn, sem brást við öskureiður og skvetti vænum slurk af olíu innum buxnaklauf sína, en tókst svo óhönduglega til að glóð út vindlingi, sem hann var með milli vara sinna, skaust ofaní buxnaklaufina á eftir steinolíunni. Á samri stundu stóðu miðvígstöðvar Jóns Hvals í björtu báli og máttu lýsnar taka á öllu sínu til að bjarga sér aftur fyrir skut. Sagt er, að á þeirri stundu hafi Jón Hvalur bæði verið bjartsýnn og svartsýnn á að óvinir hans væru horttveggja í senn vondir og mjög vondir og þyldu logandi vítishernað vel og illa. 

Bjartsýnni en svartsýnni

Úr Brekkukotsannál

Í það mund sem ég var að verða til, þá var þar í kotinu mikil örtröð af því fólki sem nú á dögum heitir flóttamenn; það er að flýja land; það leggur á stað með tárum úr heimkynnum sínum og ættbygð af því svo illa er að því búið heimafyrir að börn þess ná ekki þroska  heldur deyja.

(Halldór Laxness - Brekkukotsannáll)

Flóttatilraun á fleka

Samfylkingarbesefi lúbarinn á knæpu í Skotlandi

Það held ég Mikjáll Engill og hans nótar mega bíða til eilífaðarnóns með sitt skítuga ESB fyrir íslendingum því íslendingar eru ekki á leið inn í það auðvaldsbákn. Það má vera að fáeinum stórbiluðum samfylkingarræxnum langi með Ísland þangað inn, en það hlustar auðvitað enginn heilvita maður á þessháttar ölæðishjal.

Fyrir skemmstu var gegnheill samfylkingarbesefi lúbarinn á knæpu í Skotlandi fyrir að bulla um að Ísland væri blessunarlega á leið inní ESB. Skotarnir stóðu bara upp af stólum sínu, tóku samfylkingarbesefann upp á eyrunum, gáfu honum nokkur vink á lúðurinn og sögðu honum í leiðinni að þeir hefðu vitað að íslendingar væru heimskir og leiðinlegir, en að þeir væru svona illa á sig komir andlega hefði þeim aldrei grunað.  

Gæti frestað aðildarviðræðum