Hugleiddu það Jóhanna Sigurðardóttir

Æji, góða Jóhanna hættu þessu helvítis kjaftæði, þú hefur fyrir það fyrsta ekki hugmynd um hvað þjóðin er að hugsa og biðja, því annars stæðir þú ekki blóðug upp að öxlum við að endurreisa gamla Ísland og fylginauta þess, samtrygginguna, spillinguna, lýgina og hræsnina. Það ríkir engin sátt um þá vegferð sem stjórnmálaelítan er á og á meðan svo er verður Jóhönnu Sigurðardóttur ekki að ósk sinn að allir haldi kjafti, innan þings og utan.

Krafa fólksins í landinu er réttlæti, raunverulegt réttlæti, ekki réttlæti gamla Íslands Jóhönnu, Steingríms, Bjarna Ben og húskarla Framsóknarmaddömunnar.

Krafa fólksins er um gjörbreytt vinnubrögð og önnur gildi á flestum sviðum þjófélagsins.

Krafa fólksins er að hundingjar efnahagshrunsins, stjórnmálamenn, fjármála- og efnahagsglæpamenn, verði á engann hátt endurreistir, heldur fá makleg mála gjöld í samræmi við það sem þeir hafa til unnið.

Ef stjórnvöld ætla ótrauð að sigla sinn sjó í þágu AGS, ESB, fjármagnseigenda, LÍÚ, Icesave, gömlu kapítalísku samtryggingarinnar, óréttlætisins og hrokans, munu þau bráðlega stranda á því skeri sem heitir Fólkið í landinu, en það er sá steinn í götu Jóhönnu og Steingríms sem þau komast ekki yfir.

Ef hugsjón hins spillta samtryggingarliðs um endurreisn gamla Ísland verður haldið til streitu verðu henni mætt með byltingu ef með þarf, ekki karpi. Hugleiddu það Jóhanna Sigurðardóttir, sem og aðrir spillingapésar á snærum samtryggingar auðvaldsins. 

Hættum þessu karpi

Kratasálirnar ná ekki uppí nefið á sér af íllsku

Mikið er gaman að verða vitni það því hvað Lilja Mósesdóttir kemur illa við kaunin á vesalings kratasálunum í Samfylkingu og VG. Þessi grey ná til dæmis ekki uppí nefið á sér yfir að fólkið á götunni skuli hafa kosið Lilju mann ársins á Útvarpi Sögu, - meira þurfa þau ekki til að hrína upp yfir sig af íllsku og vandlætingu. Meira að segja hægri gölturinn Eiður Guðnason, sem alþingi og utanríkisráðuneytið höfðu á launum að þarflausu í áratugi, getur ekki á sér setið að læsa sínum hægrikratatönnum í hælana á hinum vaska og heiðarlega alþingismanni úr Grundarfirði.

Auðvitað eru hinar móðursýkislegu viðbrögð framsókníhaldskratíunnar verulega hlægileg. Það á svo sem enginn að velkjast í vafa um að Eiður Guðnason og hans líkar, meðal annars nokkrir sem hafa bloggað við þessa frétt, hrýs hugur við, svo vægt sé til orða tekið, að til sé fólk sem berst gegn því að Gamla Ísland verði endurreist. Þetta óþurftalið, framsóknaríhaldskratían, lætur sér ekki muna um að taka afstöðu gegn alþýðu þessa lands, hversdagsfólkinu, sem búið er að fá yfir sig nóg af lýginni, svikulli og ófyrirleitinni stétt stjórnmálamanna og kapítalista og samtryggingarkerfi þeirra.

Við fyrrnefnda framsóknaríhaldskratíu spillingar og óheiðarleika vil ég segja þetta: Skríðið inní rottuholurnar ykkar og komið aldrei út þaðan aftur. 

Lilja maður ársins á Útvarpi Sögu

Glæpum fækkar undir kommúnistastjórn Jóhönnu

Það var svo sem viðbúið að mikil glæpamennska fylgdi í kjölfar frjálshyggjuvæðingarinnar sem hér var stunduð frá 1991 til 2008. Engu líkara er en þjóðin hafi að meira eða minna leyti gengið stigamennskunni á hönd, sem ekki er undarlegt í ljósi þeirrar staðreyndar að svokölluð frjálshyggja er glæpur, meira að segja stórglæpur. En sem betur fer hefur glæpum snarfækkað síðan kommúnistastjórn Jóhönnu Sigurðardóttir komst til valda eftir búsáhaldabyltinguna. Mér er sagt, að auk lækna og annarra misyndismanna, hafi fjöld harðsvíraðra glæpamanna flúið land og sett sig niður í öðrum landsfjórðungum veraldarinnar eins og Sviss, Englandi og Noregi. Það er mikið þakkarefni að afbrotajurtirnar hafi haft vit á að hypja sig af landi brott því hér er engin fangelsi að finna til að vista kvikindin í og þar með sparast ríkissjóði heilmikið fé. 

15 þúsund hegningarlagabrot

Ræs, dræs, rassinn bæs

Jæjajá. Það fór aldrei svo að kerlingarhólkurinn notaði ekki næstsíðasta dag ársins til að blása. Það minnir á söguna um úlfinn sem var að eltast við grísna þrjá, hann blés húsunum ofan af tveimur þeirra og át þá, en þegar kom að þriðja gríshúsinu gekk hvorki nér rak hjá úlfinum hvernig sem hann blés og fnæsti og hafði í hótunum. Þá hugðist úlfurinn ná grísnum með því að skríða niður um reykháfinn, það varð hans banabiti því hann festi sig á króki en grísinn kveikti í hálmi undir reykáfnum sem varð til þess að úlfurinn kafnaði.

Nú, Jóhanna má auðvitað blása og blása eins og hana lystir, en ég held að heilladrýgst væri fyrir hana að loka munninum og láta sé nægja að anda rólega með nefinu því annars er jafnlíklegt að hún lendi í sömu ógöngunum og úlfurinn lenti í í reykháfnum. En mér er svo sem fjandans sama hvernig Jóhanna Sigurðardóttir hagar ráðum sínum og ósárt væri mér þótt nú færi verulega að saxast á hennar pólitísku limi.

Hinsvegar trú ég því alvega að frú Jóhanna hafi ekki talað nýlega við framsóknarmenn um þátttöku þeirra í ríkisstjórn. Um þessháttar skítverk sjá búrtíkur og tilberar flokksforingjanna. Og það hafa búrtíkur og tilberar Jóhönnu og Steingríms verið að bauka við síðan fyrir jól.

En í guðanna bænum Jóhanna, gamla hrunakellíng, haltu áfram að blása.

Jóhanna blæs á framsóknarsögur

Steingrímur er mikill hugsjónamaður og hans hugsjón er einföld.

Það er beinlínis ákaflega hlægilegt að eftir allt glamrið í Steingrími skuli hann hafa endað sem handlangari AGS, LÍÚ og annarra kapítalista. Og það yrði löng bók og ljót ef einhver tæki sig til og safnaði á einn stað yfirlýsingum og innantómum meiningum formanns VG áður en hann gerðist fjármálaráðherra og bæri það góss saman við athafnir hans og orðbragð eftir að hann varð fjármálaráðherra.

En Steingrímur J. Sigfússon er ekki alvondur og ekki alls varnað. Hann er hugsjónamaður, mikill hugsjónamaður. En hann á aðeins eina hugsjón, að vísu göfuga, að ég ekki segi guðlega. Þessi eina hugsjón Steingríms er einföld: að vera ráðherra í ríkisstjórn. Skítt veri með flokksmenn og kjósendur VG.

Lilja rifjar upp orð Steingríms um AGS

Sögðu nei og sátu hjá, en síðst já við öllu

Það er gaman að sjá hvað húskarlar og griðkonur blessaðrar gömlu Framsóknarmaddömunnar eru borubrött í dag og góð með sig. Eftir að hin göfugu frasóknarkrataíhöld, Steingrímur og Jóhanna, fóru að míga svo um munar utaní liðsmenn Maddömunar og lofa þeim ráðherrastólum, keppast synir og dætur Halldórs Ásgrímssonar og Finns Ingólfssonar við að lýsa því yfir að þau fari nú aldeilis ekki úr buxunum fyrir Steingrím, Jóhönnu og Össur nema að uppfylltum ströngum skilyrðum, eins og þau hafi einhver galdratromp á hendi. Meira að segja lætur ein af griðkonum Framsóknarmadömunnar þau orð falla að meydómur Framsóknar sé ekki falur nema Jóhanna, Össur og Steingrímur stórframsóknarmaður J. hypji sig úr ríkisstjórninni með skottið á milli lappanna.

En auðvitað tekur einginn mark á látalátum íbúanna í Framsóknarfjósinu. Við sem munum þá tíð þegar framsóknarmenn sóru við allt heilagt, þar á meðal lífstykki sjálfrar Framsóknarmaddömunnar, að aldrei kæmi til greina að einkavæða ríkisbankana. Eftir hástemmdar heitingar og upphrópanir, þögnuðu hinir baráttuglöðu Framsóknarmenn og héldu kjafti um skeið eins og einhver hefði troðið striga uppí þá. En einn daginn vöknuðu landsmenn upp við að búið var að einkavæða ríkisbankana. Og það sem meira var um vert: Framsóknarmenn og Sjálfstæðismenn höfðu fært þá þóknanlegum og flokkshollum vildavinum sínum, - að gjöf. Þannig mun eflaust líka fara með huganlega ríkisstjórnarþáttöku Framsóknar með Steingrími og Jóhönnu: Þó að Sigmundur Davíð og Vigdís Hauks tali digurbarkalega í dag og setji mönnum afarkosti munu þau þegja þunnu hljóði á morgu en skríða þar næsta dag inní hlýjuna hjá framsóknarkrataíhöldunum í ríkisstjórninni á forsendum þeirra sem fyrir eru þar í fleti.  

Misvísandi skilaboð um samstarf

Gúmmelaðið Einar Kr. og óþefur úr vissum görnum

Ég skil nákvæmlega ekki neitt í virðulegum fjölmiðli eins og mbl.is að leita til annars eins froðusnakks og kvótaumskiptings og Einars K. Guðfinnssonar til að gefa álit á yfirstandandi hræringum á stjórnmálavígvellnum. Það er nefnilega staðreynd, hugguleg staðreynd að vísu, að álit pólitískra klambrara og sperrileggja er álíka áreiðanlegt, gáfulegt og uppbyggilegt og óþefurinn úr görnunum á á vissum manni, ef mann skyldi kalla, sem ég vil ekki af velsæmisástæðum nafngreina. Af þeim sökum ætti mbl.is að forðast að flíka Einari Guðfinnssyni og öðru gúmmelaði af því tagi.  

Þrír kostir ríkisstjórnarinnar

Búrtíkin og kýrnar í Framsóknarfjósinu

Það er aldeilis nóg að gera yfir hátíðarnar hjá helvískri búrtíkinni Árna Þór að gjamma, gelta og spangóla fyrir húsbóndanefnuna sína. Gargandi hás og ennþá falskari  hleypur þetta hvimleiða apparat í hælana á fólki sem ekki hefur nægilegt siðleysi til að bera í að svíkja stefnuskrá VG og snúa útúr henni.

Það er áreiðanlega skynsamlegast fyrir búrtíkur Steingríms, Álfheiðar og Svavarfjölskyldunnar að láta Lilju Mósesdóttur í friði en snúa þér þess í stað að því að heimsækja kýrnar í Framsóknarfjósinu og dingla skottinu framam í þær í von um að þær tryggi Steingrími enn um sinn ráðherrastól undir rassinn.   

Telur óvíst að stjórnin lifi

Steingrímur vesalingurinn J. og hans lítilsigldu aftaníossar

Miðað við framgöngu Steingríms J. og hans nánustu í VG er ekki annað að sjá en það einkennilega fólk vinni að því öllum árum að kljúfa flokkinn. Ef það er ekki klofningsiðja af verstu tegund að svíkja stefnu flokksins, flokksfélaga og kjósendur og leggja einstaka þingmenn, já og í sumum tilfellum óbreytta flokksmenn, í einelti, veit ég ekki hvað siðleysi og klofningsiðja í pólitík er.

Ef einhverjir eiga að yfirgefa þingflokk VG eru það Steingrímur vesalingurinn J. og hans lítilsigldu aftaníossar í þingflokknum.

Ég skil vel að Lilja Mósesdóttir íhugi að yfirgefa þingflokksherbergi VG, það er nefnilega ekki öllum hent að sitja til langframa undir yfirgangi siðleysingja.

Og úr því sem komið er, er sennilega heiðarlegast og best fyrir alla, að Lilja, Atli, Ásmundur Einar, Guðfríður Lilja, Jón Bjarnason og Ögmundur, ásamt öðrum í vinstri armi VG, segi skilið við flokkinn og einbeiti sér að því að stofna nýjan stjórnmálaflokk. Ekki þurfa þau að vera hrædd um að ekki sé efniviður fyrir hendi í slíkan flokk, því hann er sannarlega nægur.

Lilja íhugar úrsögn úr þingflokki VG

En eru Selfyssingar í raun þakklátir ?

Mikið mega Selfyssingar vera þakklátir fyrir að hafa jafn röggsamt og afgerandi yfirvald og stjörnusýslumanninn Stones. Ef hins merka stjörnsýslumanns nyti ekki við ríkti fullkomin skálmöld og borgarastyrjöld í Árnessýslu. Í hvert skipti sem þjófar, ofbeldisribbaldar og fíkniefnahöndlarar láta á sér kræla í umdæmi herra Stones eru þeir óðar kveðnir niður af sýslumanninum og varðsveit hans og oft er nóg að gera.

Hinsvegar getur stjörnusýslumaðurinn ekki komið í veg fyrir að ekið sé á hross við og við í Árnessýslu því hross eru nú einusinni ólöghlýðnustu kvikindi sem um getur austan Hellisheiðar.

Auk þess læðist að mér sá leiðindagrunur að Selfyssingar meti sýslumann sinn ekki að verðleikum og séu honum ekki nægilega þakklátir fyrir að halda uppi nægilegum skikk í Árnessýslu þannig að búandi sé á svæðinu fyrir friðelskandi fólk. 

Erill hjá lögreglu á Selfossi