Einkavinavæðinguna í VG verður líka að rannsaka, eða hvað?

Það er sjálfsagt hið besta mál, að rannsóknarnefnd geri úttekt á stjórnum Kópavogsbæjar síðustu 10-20 árin. Enn fremur er nauðsynlegt, að rannsóknarnefndir skoði framferði hreppsnefndarmanna í sem flestum seitarfélögum landsins. Ekki er að efa, að margt kyndugt og skrautlegt myndi koma uppúr dúrnum í þessháttar rannsóknum og sumt heldur klígjulegt.

En af því að það eru heiðurahjúin Óli góði og Guðný Dóra Svavarssendiherrasystir, sem skipa fyrsta og annað sæti framboðslista VG í bæjarstjórnarkosningunum í Kópavogi í vor, sem ætla slá sér upp í augum kjósenda með því að sjóða upp einhverja rannsóknarnefndarhistoríu sem þau meina ekkert með, er ekki úr vegi að nefna ágætt mál, og stendur þessum hjúm nær, sem þyrfti kortlagningar við.

Það væri sem sé ekki vanþörf á að láta rannsóknarnefnd fara ofaní kjölinn á einkavinavæðingunni sem grasserað hefur innan VG, einkum eftir að flokkurinn var svavarsvæddur. En þar á ég auðvitað við einkavinavæðingu flokkseigendafélgsins í VG. Hve margir tvífætlingar úr gæludýrabúri Svavars, Álfheiðar og Steingríms hafa til dæmis verið á fóðrum flokksins síðastliðin tíu ár og hvað hafa þeir skrapað saman mörgum milljónum, á núvirði, í eigin vasa úr sjóðum flokksins og hvernig þeir gjörningar fóru í smáatriðum fram? Þá væri ekki síður fróðlegt að fá að sjá úttekt á hvernig VG-elítunni hefur gengi að koma gæludýrunum sínum á spena hins opinbera og eftir hverju hefur verið farið í því gríni, eins og til dæmis þegar einn innvígður flokkseigandi var allt í einu dubbaður eins og skrattinn úr sauðarleggnum uppí að verða staðarhaldari á Gljúfrasteini.

Rannsóknarnefnd fari yfir stjórnsýslu í Kópavogi

Var Jesú Kristi illa við samkynhneigða?

Hvernig má það vera, að jafn réttur samkynhneigðra og gagnkynhneigðra til hjónavígslu eyðileggi hjónaband einhvers, eins og hið guðsvolaða sóknarbarn Halldórs Gunnarssonar í Holti heldur fram? Er þetta sóknarbarn séra Halldórs hrætt um að maki þess stökkvi frá því og í hjónaband með einhverjum af sama kyni? Eða hverskonar fáráðslingsháttur er hér á ferðinni? Varla trúa séra Halldór og síra Waage því að Drottinn verði illur við þótt þeir verði skyldugir til að pússa saman samkynhneigð pör og sendi þá í verri staðinn eftir andlátið? Ekki geta þessir ,,kristnu" séramenn sótt sér rök gegn hjónavígslum samkynhneigðra í meistarann Jesú Krist, þar eð hvergi sést þess staður í guðspjöllunum að Jesús fordæmi samkynhneigð, hvað þá að samkynhneigt fólk sé Guði óþóknanlegt, eða á nokkurn hátt sá helvítismatur sem kirkjuhöfðingjar og aðrir fáfræðingar hafa haldið fram.

Ég er satt að segja stórundrandi á að höfuðklerkarnir, Halldór og Waage, skuli ekki leggja fram tillögu á prestastefnunni, sem stendur yfir þessa dagana, þar sem kenningunni um að jörðin sé hnöttótt er mótmælt og kirkjan eigi að halda fast í þá staðreynd að jörðin sé flöt og sólin snúist kringum jörðina en ekki öfugt.

Uppgjör í þjóðkirkjunni

Minnir á annan atburð keimlíkan þar sem björgunarsveitir neituðu að aðstoða

Sá atburður, að þrjá kýr á bænum Litlu-Ásgeirsá féllu ofaní haughúsið undir fjósinu sem þær búa í, minnir um margt á það sem gerðist í blessuðu Framsóknarfjósinu, þegar helftin af húskörlum og griðkonum gömlu Framsóknarmaddömunnar steypust niður í haughúsið eftir að Halldór Ásgrímsson og Finnur Ingólfsson höfðu fjarlægt félagshyggjuraftana sem héldu fjósgólfinu uppi.

Sá er þó munurinn á óhöppunum á Litlu-Ásgeirsá og  Framsóknarfjósinu, að í fyrra tilfellinu komu björgunarsveitarmenn á vettvang til að bjarga skepnunum, en í tilviki Framsóknarfjóssins var ekki um neinar björgunaraðgerðir að ræða þar eð björgunarsveitir þvertóku fyrir að legga nöfn sín við björgunaraðgerðir í þágu annarra eins sauðnauta og byltast um í hroðanum í haughúsi Framsóknarmaddömunnar. 

Kúm bjargað úr haughúsi

Svandís rokkar

Ekki verður af stuttbuxnahvolpum Svavars, Álfheiðar og Steingríms í VG skafið, að þar fara frábærlega efnilegir einstaklingar og andríkir. Fyrir utan að vera ámóta róttækir til vinstri og hænurnar hennar Gýrfríðar gömlu í Skotakoti, eru þessi útvöldu dekurdýr fyrrnefndra þremenninga einstaklega vel að sér og útsjónarsöm þegar kemur að því að búa til texta til að auglýsa pólitíska stórviðburði, eins og eftirfarandi auglýsing á heimasíðu VG sannar svo um um munar:

 

,,Svandís rokkar hjá Ungum vinstri grænum

28.4.2010

Miðvikudagsköldið 28. apríl bjóða Ung vinstri græn til fundar með umhverfisráðherra, Svandísi Svavarsdóttur. Svandís ætlar að kynna starfsemi ráðuneytisins með sérstakri áherslu á hið nýja hugtak, umhverfisfemínisma. Fundurinn fer fram í kosningamiðstöðinni að Suðurgötu 10 í Reykjavík og hefst klukkan 20."

Nú er um að gera fyrir glaðsinna fólk og spaugsamt, að mæta í Suðurgötuna í kvöld, klukkan 20:00 stundvíslega, til að njóta þess að sjá og heyra krónprinsessuna Swandeesy Sendiherrans rokka lafmóða um umhverfisfémínísma.

En svona utan dagskrár: Hver sjálfur andskotinn er ,,umhverfisfémínísmi"? Máske snyrtivörukynning? Skógræktarsýsl yfirstéttarkellínga? Eða einhver hætta sem umhverfinu stafar af ásókn efri-millistéttarfémínísta í stjórastöður?

Aðrir ráðherrar ekki sloppnir

Á hvaða ferðalagi er Læmingjabandalagið í VG?

Vegna viljayfirlýsingar ríkisstjórnarinnar til AGS, sem er til umfjöllunar í grein mbl.is, og viðbrögð Steingríms J. við fyrirspurn um hana á Alþingi, læt ég hér fylgja athyglisverða grein eftir Ara Matthíasson, sem birt var á Smugunni, um sama mál, ásamt athugasemdum lesenda:   

,,Ef einhvern lærdóm má draga af skýrslu Rannsóknarnefndar Alþingis, fyrir utan þá staðreynd að sú þjóð sem afhendir þjófum aðgang að fjárhirslum þurfi ekki að láta koma sér á óvart að verða rænd, er að oddvitaeinræði er vísasta leið til glötunar. Þetta mátti sjá í valdaátökum oddvita ríkisstjórnar Geirs Haarde við fyrri oddvita sem urðu til þess að annað hvort voru engar ákvarðanir teknar eða þá þær sem urðu til þess að hámarka tjónið. Þannig var upplýsingum kerfisbundið haldið frá almenningi eða ósannindum haldið að honum og þeir sem gagnrýndu stefnuna voru sagðir illkvittnir ídjótar, en um þetta allt má lesa í skýrslunni góðu þar sem RNA hefur sent  fyrrverandi oddvitum ríkisstjórnar bréf um afglöp þeirra í starfi sem oddvitarnir hafa aftur svarað með gamalkunnum afsökunum og fyrirslætti: Ég bar ekki ábyrgð, ég vissi ekki,  ég skildi ekki.

Þeir sem þá stjórnuðu skildu ekki hversu mikið frelsi er í því fólgið að hafa almenning upplýstan um hinar erfiðu aðstæður og að kallaðir séu þannig til allir sem nenna að hafa skoðun á málum auk þeirra sérfræðinga í hverjum málaflokki sem okkur hefur auðnast að koma upp. Þá verða teknar upplýstar ákvarðanir og lýðræðislegar sem þjóðin ber ábyrgð á.

Ríkisstjórn Íslands, sú sem nú situr, stendur frammi fyrir mörgum erfiðum ákvörðunum við endurskipulagningu samfélagsins.  Hún hefur t.d. á lofsverðan hátt, reyndar fyrir baráttu nokkurra  þingmanna VG sem vegna andófs síns verið kallaðir kettir til aðgreiningar frá læmingjabandalaginu, ákveðið að birta allar upplýsingar um hið illræmda Icesave-mál á vefsíðunni Ísland.is, en áður en andófsmennirnir skelltu hurðum svo stjórnarráðið nötraði stóð einungis til að menn fengju að kíkja á gögnin undir eftirliti í sérstöku herbergi.

Sem sagt: Gott.

En það er allt annað má sem mig langar að benda á hér. Nú hefur verið afgreidd önnur endurskoðun AGS og  á heimasíðu sjóðsins má lesa viljayfirlýsingu ríkisstjórnar Íslands um aðgerðir.  Þar kemur fram að ríkisstjórnin mun ekki styðja Íbúðalánasjóð til að mæta afskriftum skulda. Yfirlýsingin segir jafnframt að ekki standi til að framlengja frestun á nauðungarsölu frekar en nú er orðið og að þau úrræði sem skuldugum standa  þegar til boða verði látin duga.

Hér eru sem sagt stórpólitísk tíðindi á ferðinni og ákvarðanir sem tilkynntar eru án þess, svo séð verði, að fram fari upplýst umræða. Við erum að fá staðfestingu á því að þau úrræði sem þegar voru fram komin fyrir kosningar séu sú skjaldborg um heimilin sem boðið verður upp á þrátt fyrir að fjöldi fjölskyldna sem teljast til öreiga hafi meira en tvöfaldast frá árinu 2008.

Í stefnuyfirlýsingu ríkisstjórnarinnar um greiðslu- og skuldavanda heimilanna segir m.a.:

• Skuldastaða heimila, greiðslu- og framfærslugeta verði til stöðugs endurmats sem og nauðsynlegar aðgerðir til að koma til móts við heimili í vanda.
• Heildarmat á þörf fyrir frekari aðgerðir og tillögur í því efni verði unnar í kjölfar úttektar Seðlabanka Íslands á skuldum og tekjum heimila sem áætlað er að liggi fyrir í síðari hluta maímánaðar. Ákvarðanir um frekari aðgerðir og tillögur verði teknar í samráði við aðila vinnumarkaðarins.

Það umboð sem ríkisstjórnin fékk frá flokksráði byggir á þessari stefnuyfirlýsingu. Ef hverfa skal á svo veigamikinn hátt frá henni þannig að ekki verði gripið til frekari aðgerða tilhanda skuldsettum verður að koma til upplýstrar umræðu um þau mál. Vel getur verið að niðurstaðan yrði hin sama, en munurinn væri sá að hún væri okkar allra að vandlega ígrunduðu máli.

Eigum við að ræða þetta eitthvað?"

Til bakaPrenta grein Senda grein Facebook

Athugasemdir (14)

1. marat skrifar:

   Þetta er nú að verða aumur flokkur.

   23.4.2010, kl. 9:45 | #

2. Ólöf skrifar:

   
   Oddvitaeinræði segir þú: Steingrímur J.skrifaði einn og sjálfur undir samning, fór með samning inn í Alþingi sem hans eigin þingflokkur fékk ekki að sjá, vitandi að hann hefði ekki meirihluta og krafði svo alla um að hósta ekki á gjörðina því hann væri heilagur sjálfur.
   
   Öll mál eru afgreidd milli SJS og Jóhönnu.
   
   Er VG að líta í eigin barm?
   

   23.4.2010, kl. 11:04 | #

3. Doddi D skrifar:

   Þetta er góð grein og nú þurfa allir alvöru lýðræðissinnar að þjappa sér saman. Berjast gegn ofríki og einræðistilburðum.

   23.4.2010, kl. 11:17 | #

4. Kristján Hreinsson skrifar:

   Frábær grein Ari.
   Mikið væri nú yndislegt ef einhver ráðherra gæti sýnt okkur þá döngun að svara því sem þú ert hér að pæla. Staðan er kannski ekki beint í anda þess sem VG lofar ef ríkisstjórnin ætlar að framfylgja því sem þú nefnir: ,,En það er allt annað má sem mig langar að benda á hér. Nú hefur verið afgreidd önnur endurskoðun AGS og á heimasíðu sjóðsins má lesa viljayfirlýsingu ríkisstjórnar Íslands um aðgerðir. Þar kemur fram að ríkisstjórnin mun ekki styðja Íbúðalánasjóð til að mæta afskriftum skulda.\"
   Hvað er eiginlega að gerast á stjórnarheimilinu? Flýtur VG að feigðarósi?

   23.4.2010, kl. 15:06 | #

5. Haraldur Ingi Þorleifsson skrifar:

   Það er merkilegt að okkar góði flokkur hafi tekið upp tvíræðisvinnubrögð gömlu stjórnanna sem við gagnrýndum svo harkalega.
   
   Hvernig getur það verið að við séum svo samdauna ástandinu að það þyki bara sjálfsagt mál að einn maður geti skrifað undir samkomulag við AGS án nokkurrar umræðu? Samkomulag sem getur haft mjög svo víðtækar afleiðingar í för með sér þegar kemur að vanda heimilanna.
   
   Það er tvennt í þessu sem stenst enga skoðun. Í fyrsta lagi vinnubrögðin, þ.e.a.s. að það sé alltaf þannig að okkur sé kynntur gerður hlutur án allrar umræðu. Hitt er svo náttúrulega samkomulagið sjálft sem virðist fela í sér algjöran viðsnúning frá svokallaðri skjaldborg heimilanna.
   
   AGS virðist hafa ákveðið að þessa skjaldborg mætti ekki reisa. Steingrímur virðist síðan hafa samþykkt niðurrifið án þess að ræða við ríkisstjórn, þingflokk, alþingi eða þjóðina sem hann á víst að vera að vinna fyrir.
   
   Ég hélt að flokkurinn minn væri betri.

   23.4.2010, kl. 15:26 | #

6. TH skrifar:

   Spurt er: Flýtur VG að feigðarósi? Svar: Nei, þeir sigla þangað hraðbyri með utanborðsmótor.

   23.4.2010, kl. 15:58 | #

7. Pétur Örn Björnsson skrifar:

   Frábær grein hjá þér Ari.
   
   Og ég spyr í framhaldinu í forundran:
   Hvað er Vinstri?
   Hvað er grænt?
   
   Í svari Steingríms og læmingjabandalags hans er bara kerfislægur ná-kuldi.

   23.4.2010, kl. 18:37 | #

8. Gunnar Skúli Ármannsson skrifar:

   Sæll Ari, mjög góð grein.
   
   Ég er sammála þér að skuldugir einstaklingar eru á leið út í kuldann. Að sjálfsögðu hefði átt að ræða þetta á opinberum vettvangi. Það sem er verst að enginn virðist ætla að vara fólk við og reyna að draga upp mynd af því sem muni gerast.
   
   Ein lausn er að allir lausagangskettir á Alþingi sameinist um bætta starfshætti og stefnur.

   23.4.2010, kl. 20:09 | #

9. Jóhannes Ragnarsson, Ólafsvík skrifar:

   Athyglisverð og upplýsandi grein, Ari.
   
   Það er ekki nema von að fólk staldri við eftir lestur slíkrar greinar og spyrji sig á hvaða ferðalagi VG sé eiginlega. Ég er nefnilega nokkuð viss um, að þegar Vinstrihreyfingin grænt framboð var stofnuð, hafi fáum dottið í hug að þeir ættu eftir að standa frammi fyrir vinnubrögðum af hálfu formanns flokksins í líkingu við það sem fram kemur í greina Ara. Það mætti ætla, að formaðurinn og læmingjabandalag hans, vinni að því öllum árum að ganga svo fram af flokksmönnum og kjósendum VG, að þeir sjái sér ekki annað fært en að yfirgefa samkæmið og skilja flokkseigendafélag Svavars, Álfheiðar og Steingríms eitt eftir í klónum á Jóhönnu, Össuri og Steinunni Valdísi.
   
   Það verður fróðlegt að fylgjast með hvað Steingrímur, Jóhanna og Gylfi ,,fagráðherra\" hyggjast fyrir með fólkið sem á yfir höfði sér að verða borið út á Guð og gaddinn með haustinu. Það mun varla vefjast fyrir þessum stórmennum ákveða örlög þess á lokuðum formannafundum þegar þar að kemur, rétt eins og þau skvetta frágengnum og undirrituðum samningi við ASG eins og keytu úr hlandkoppi framan í þjóðina, án þess svo mikið að leggja hann fyrir þingflokka sína áður, hvað þá aðra.

   23.4.2010, kl. 22:09 | #

10. Ágúst Valves Jóhannesson skrifar:

    Það er algjörlega óviðunandi að ríkisstjórn sem kennir sig við hið ágæta vinstri dirfist til að gefa leyfi á það að skuldsettar fjölskyldur séu settar út á gaddinn og möguleikinn á leiðréttingu skulda og afskriftum heimila er útilokaður.
    
    Vinstri? Hvað er vinstri? Sá einstaklingur sem kennir sig við vinstri hugsjónir vill jöfnuð í samfélagi, vilja réttlæti fyrir fátæka og almennilegt velferðarkerfi svo eitthvað sé nefnt. Sú staðreynd að AGS verði hér áfram brýtur á þessum þremur dæmum. Er það vinstri? Nei.
    
    Ég ætla hér með að biðja ríkisstjórnina okkar að hætta að kalla sig vinstri sinnaða því með því er hún bæði að segja ósatt og skaða vinstrið.

    24.4.2010, kl. 1:12 | #

11. Jóhannes Ragnarsson, Ólafsvík skrifar:

    Að gefnu tilefni biðst ég velvirðingar á að hafa láðst að skrá nafnið mitt við athugasemd sem ég sendi inn í gærkvöldi við grein Ara Matthísassonar hér að ofan. Umrædd athugasemd er númer 9.
    
    Jóhannes Ragnarsson.

    24.4.2010, kl. 3:34 | #

12. Jón Torfason skrifar:

    Er ekki einfaldast að taka bara upp gamla nafnið á flokknum, Alþýðubandalagið. Það mætti þá við núverandi aðstæður tala um Alþýðubandalagið og óháða, eins og á árunum 1995-1999. Stefna flokksforystunnar er vægast sagt sveigjanleg og tekur ekki mið af málefnaskránni.

    24.4.2010, kl. 9:34 | #

13. Pétur Örn Björnsson skrifar:

    Alþýðubandalagið/Læmingjabandalagið. Hvort heldur er, þá er það staðreynd sem Ágúst Valves bendir hér á, að þetta bandalag er að koma óorði á vinstri-stefnu og alla þá sem til vinstri hneigjast og hafa hneigst.
    
    Vinni Sjálfstæðisflokkurinn einhvern tíma aftur stóra sigra í kosningum, þá mun sá stóri sigur vinnast vegna þess, að fátt er venjulegu fólki verr við,
    
    en það sem Læmingjabandalagið hefur í þessari ríkisstjórn gert sig sekt um, sem er skinhelgi, loddaraskapur og kosningasvik,
    
    framið af aumingjaskap og jafnvel illgirni Læmingja bandalagsins.

    24.4.2010, kl. 15:59 | #

14. ES skrifar:

    http://www.youtube.com/watch?v\=EyulGXF0_wQ

    25.4.2010, kl. 14:49 | #

Nauðungaruppboðum ekki frestað frekar

Tvær geimverur á Sprengisandi í morgun

Það er dálítið ónákvæmt hjá stjarneðlisfræðingnum Stefáni Hawking þegar hann segir, ,,að nær öruggt" sé að geimverur séu til.

Hið rétta er, að geimverur eru til. Því til sönnunar er skemmst að minnast, að tvær slíkar geimverur voru núna rétt áðan í útvarpsþættinum Sprengisandi á Bylgjunni, þeir Svavar Sendiherra Gestsson og Þorstein Pálsson lúser og ritstjóri Fréttablaðsins, sem líka ar sendiherra fyrir Davíð og Halldórs Ásgrímsson.

Það duldist engum, sem hlýddu á mál þessara labbakúta, að þeir hafa dvalið langdvölum á öðrum hnöttum. Eftir að hafa röflað dágóða stund við Sme þáttarstjórnanda um ríkisstjórn Gunnars Thoroddsen, brugðu geimkallarnir á það ráð að gefa minnimáttarkennd sinni útrás í einbeittum skætingi í garð Ólafs Ragnars Grímssonar. Það var greinilegt, að þessir tveir misheppnuðu yfirstéttarprammar hafa lengi legið andvaka í borgaralegum fletum sínum af þráhyggjuskotnu hatri sínu á blessuðum forsetanum okkar. Sérstkalega varð Svavar Sendiherra vanstilltur og órólegur þegar talið barst að Ólafi Ragnari og forsetaembættinu; var á honum að skilja, að forsetinn ætti fortakslaust að vera háborgaraleg puntudúkka í vigdísarstíl, ef það gengi ekki eftir ætti að leggja forsetaembættið niður. En við hverju er svo sem öðru að búast af manni, yfirstéttarsinnaðri geimveru, sem hafði lífsviðurværi sitt um árabil af að leika sósíalista og alþýðuhetju? 

Geimverur geta verið varhugaverðar

Vindþurrkaður HR-prófessor og miðstöð hinna refsiverðu þráða

Það þarf nú engann vindþurkaðan prófessor til að sjá, að hér fór fram umfangsmikil refsiverð háttsemi. Það þurfti heldur ekki 3000 blaðsíðna skýrslu til að sjá hvernig í pottinn var búið.

Hinsvegar skortir heilmikið uppá, að prófessorar og önnur gáfnaljós sjái, að allir þræðir hinnar refsiverðu háttsemi liggja beint til Sjálfstæðisflokksins. Þar var (og er) miðstöð græðgisvæðingarinnar, nýfrjálshyggjukokteilsins banvæna og Hrunsins mikla.

Það er svo sem ágætt, útaf fyrir sig, að gera hróp að heimilum nokkurra auðvirðilegra pólitískra spillingargerpa. En margfalt nauðsynlegra er að efna til fjöldamótmæla gegn Sjálfstæðisflokknum og linna ekki látum fyrr en þau umfangsmiklu vargasamtök heyra sögunni til. Það er engin ástæða til að láta þennan skuggalega flokk sleppa eins auðveldlega með skrekkinn eins og útlit er fyrir þessa dagana.

Vísbendingar um refsiverða háttsemi

Andvaraleysi og mistök eða einbeittur brotavilji?

Hvort voru það andvaraleysi og mistök eða einbeittur brotavilji Sjálfstæðisflokks og Framasóknarflokks, sem orsökuðu Hrunið mikla og varð þjóðinni að falli í fleiri en einum skilningi?

Það þýrir akkúrat ekkert fyrir strengjabrúðuna Sigmund Davíð að umla um afsakanir og ætlast til að þjóðin fyrirgefi Framsóknarflokknum meðan flokksmenn láta undir höfuð leggjast að víkja Halldóri Ásgrímssyni úr flokknum ásamt Finni Ingólfssyni, Valgerði Sverrisdóttur, Alfreð Þorsteinssyni, kaupfélagsstjórnanum á Sauðárkróki og Siv Friðleifsdóttur, svo nokkur eintök úr haughúsi Framsóknarmaddömunnar séu nefnd.

Enn fremur verður Framsóknarflokkurinn að berjast fyrir því að þjóðinni verði skilað ríkiseignum sem framsóknarmenn nældu sér í á misjafnlega þokkafullan hátt meðan þeir voru í ríkisstjórn á árunum 1995-2007, auk fiskeiðiauðlindarinnar sem Framsóknarflokkurinn hafði á ýmsan hátt forgöngu um að stela af þjóðinni. 

Framsóknarflokkur biðst afsökunar

Hrunadansarar eiga að læra að skammast sín

Það liggur fyrir, að Steinunn Valdís Óskarsdóttir tók við eins miklum peningum og í boði voru til að freista þess að geta troðið sér fram fyrir aðra í prófkjörum. Af einhverjum ástæðum voru umsvifamenstu kapítalistarnir rausnarlegri við Steinunni Valdísi í þessum peningaprófkjörum en flesta aðra. Og æ sér gjöf til gjalda.

Nú, þegar peningaborgir velgjörðamanna kosningasjóðs Steinunnar Valdísar, eru hrundar til grunna með skelfilegum afleiðingum fyrir þjóðina og velgjörðamennirnir flúnir á braut með allt sitt úldna mjöl í pokahornunum sínum, er ekki nema eðlilegt að landslýður setji upp spurningarmerki fyrir framan trúverðugleika stjórnmálamanna, sem tóku við háum fjárhæðum út lúkunum á fjárglæframönnunum. Steinunn Valdís keypti sig fram fyrir aðra félaga sína í prófkjörum með peningum, sem komu beint uppúr óhreinustu forarvilpum frjálshyggju- og einkavæðingarspillingarinnar. Þeir sem tryggðu sér áframhaldandi pólitíkst líf á þann hátt eftir síðustu aldamót, eiga ekki nema um eitt að velja: Hverfa alfarið af vettvangi stjórnmálanna, því þeir eru öllu trausti rúnir í augum almennings, - og læra skammast sín í stað þess að rífa kjaft.    

Segir ásakanir á hendur sér rangar

Þeim sem Herrann refsar, er hyggilega refsað

Það gefur augaleið, að hin heilaga refsing, sem eldsumbrotin í Eyjafjallajökli svo sannarlega eru, er refsing fyrir alla helvíska frjálshyggjuglæpina sem framdir hafa verið, en þó einkum og sér í lagi er Herrann, sem Hymmnaveldi stjórnar, að refsa Íslandi fyrir hafa alið Sjálfstæðisflokkinn sér við brjóst áratugum saman. Þetta veit Gaddafi og þetta vita Davíð og Halldór líka. Sömuleiðis er öskumökkurinn úr Eyjafjallajökli áminning til Jóhönnu Sig. um að hunskast til að víkja þegar í stað af vegi kapítalismans og leyndar- og pukurstjórnmála, annars fái hún og Kvóta-Steingrímur eitt krassandi Kötlugos beint framaní sig.

Það skulu menn og konur hafa hugfast, að þeim sem Herrann refsar, er hyggilega refsað.

Öskuskýið var heilög refsing