Enn er djáknalaust að Myrká

Ég er hissa á að hvorug hinna nývígðu djáknkvenna skuli ekki hafa látið vígja sig heldur til Myrkárprestakalls, en þar hefur hefur djáknaembættið lengi verið laust til umsóknar.

Nú er það svo, að embættisheitið ,,djákni" er dregið enska orðinu ,,donkey" og vísar til þess að þar fari það fífl sem á foraðið skal etja þegar þess þarf með.

Aftur á móti var djákninn á Myrká, sá eini sanni, enginn ,,donkey." Hann reið um sveitir á góðhestinum Faxa og stundað kraftmikið kvennafar eins og goðum djákna sæmir. En því miður varð þessum skarpa djákna það óhapp á, að flengríða Faxa sínum ofaní hræðilegan hyl í fljóti nokkru og drukknaði þar ásamt færleik sínum. En til að geta stundað kvennafar eins og frá var horfið, þegar bannsettur hylurinn varð á vegi þeirra félaga, neyddist djákninn til að ganga aftur og með honum hrossið Faxi.

En eftir að umræddur djákni fórst í vatnsfallinu atarna og gerðist draugur uppúr því, hefur engin djáknakind þorað að vígjast til Myrkárprestakalls, því miður.

Prestvígsla í Skálholti

Öðruvísi fóru Kolbeinn og frú Ingveldur að

Þá var nú hlutunum öðruvísi varið hjá frú Ingveldi og Kolbeini. Í þeirra tilfelli var það Kolbeinn sem leigði vændiskonu handa eiginkonu sinni til að efla sjálfstraust hennar og lífsvilja. Og auðvitað var frú Ingveldur firnaglöð þegar vændiskonan knúði dyra, en Kolbeinn faldi sig, með samþykki frú Ingveldar, inni í fataskáp í svefnherberginu í hvítri skyrtu og jakka frá Armani einum fata.

Þegar frú Ingveldur og gestur hennar vóru komar vel í gírinn uppi sjálfu hjónarúmi gestgjafans, hringdi gemsinn í vasa Kolbeins. Eins og við manninn mælt, ætlaði hin leigða kona að rjúka uppúr rúminu og hlaupast á brott þegar hún heyrði símahljóðið úr fataskápnum, en frú Ingveldur varnaði henni flóttans með því að grípa hana heljartöku. Í sömu andrá spratt Kolbeinn fram úr fylgsni sínu allur hinn vígalegasti, með spjótið á lofti og farsímann á eyranu. Þá sákonugarmurinn sæng sína upp reidda og gafst upp án frekari málalenginga.

Leigði vændiskonu handa eiginmanninum

Efnilegur einkavæðingarvargur hefur sig til flugs

Nei, sko Steingrím litla, nú hann er bara að komast á gott skrið í einkvæðingunni; bráðum verður hann orðinn eins og stóru strákarnir, sem seldu Landsbankann og Búnaðarbankann á sínum tíma. Til hamingju Steingrímur minn. Ég skil nákvæmlega ekki neitt í hversvegna auðvaldsdýrin í Sjálfstæðis- og Framsóknarflokknum eru með óánægjugagg í garð Steingríms og Jóhönnu eftir allar þær gjafir sem þau hafa ausið yfir fjármagnseigendur, skjaldborgina sem þau reistu á erfiðum tímum, af mikilli óeigingirni, kringum auðvaldskerfið fyrir eigendur þess. 

En sem betur fer er Steingrímur enginn veifiskati þegar kemur að alvöru íhaldsframsóknarkratapólitík. Stórhuga, sem fyrr, ætlar hann að verða mestur einkavæðingarvargur sem landið hefur alið, slá Davíð og Halldóri út í þeim efnum, sýna Hannesi Hólmsteini fram á, í eitt skipti fyrir öll, að einn framsóknarmaður úr Þistilfirði kann líka til verka þegar kemur að því að græða á daginn og grilla á kvöldin.

Seljum ekki kjölfestuhlut

Frú Ingveldur kærir eiginmann sinn

Á meðan alþingismenn fengu að smakka á eggjum íslenskrar alþýðu, hélt félagið Ávöxtur uppskeruhátíð í Kaffi Flóru, sem mér finnst að eigi að frekar að heita Café Floren. En hvað um það, þá vona ég að ávaxtarfélagar hafi verið til friðs á Kaffi Flóru, hafi stillt sig um að leggja höndur á starfsfólkið þar og látið aðra gesti ekki kenna á ofbeldishneigð sinni.

En í morgun lagði frú Ingveldur fram kæru á eiginmann sinn, Kolbein Kolbeinsson skrifstofustjóra og framsóknarmann. Frú Ingveldur komst sem sé að því fyrir fám dögum síðan, að eiginmaður hennar væri farinn að stunda kynvillu á laun með forhertum náungum, sem eru víðfrægir fyrir að afvegaleiða ístöðulausa og drykkfellda eiginmenn sómakærra kvenna. Eins og við var að búast, brást lögreglan hart við kæru frú Ingveldar og handtók Kolbein og færði hann í gæsluvarðhald. Einnig handtók lögreglan Indriða handreð, heimilisvin þeirra hjóna, en hann er einnig grunaður um samskonar afbrot og talið er að Kolbeinn hafi framið.

Þá er og þess að geta, að Áslaug Kolbeinsdóttir, systir Kolbeins Kolbeinssonar, sem hefur uppá síðkastið verið að gera sig gildandi í samkvæmislífi  betri borgara í Reykjavík, hefur fordæmt framferði bróður síns opinberlega. 

Smökkuðu íslensk epli