Skiftar skoðannir um Doktórinn, Gnarrið og Gylfa Ægis

Doktór Gunnsi er merkur fír, svo sem vel kemur fram í greininni ,,Faldi megrunartöflurnar fyrir Lufsunni." Þá er hann einnig að góðu kynntur fyrir tímamótaverkið um ,,prumpufólkið", en þar kemur þessi magnaða ljóðlína fyrir: ,,Og kallinn prumpar svona" og hljómar þannig með gnarrískum framburði: ,,O gallinn pru-umbar so-o-o-nahhh."

Undir þaki frú Ingveldar og Kolbeins, er Doktór Gunnsi í litlum metum, jafnlitlum metum og Jón Gnarr, Árni Páll og hundur nágrannans sem bregður sér stundum inná lóð þeirra hjóna til að míga og skíta blessað græna grasið (þau eru með gerfigras á lóðinni). Og það eru fleiri en fyrrnefndir sem eiga ekki uppá pallborðið hjá frú Ingveldi og Kolbeini. Til dæmis féll Hanna Birna af stalli og niður í neðstu myrkur dagin sem hún sagði af sér; hún átti ekki að láta undan skrílnum á DV. Þá er Gylfi Ægisson ekki í havegum hafður vegna þess að frú Ingveldi klæminn og ruddalegur og til að kóróna skepnuskapinn sé kallrassinn löngu hættur að drekka brennivín.

Brynjar Vondalykt hefur afturámóti haldið uppi vörnum fyrir bæði Hönnu Birnu og Gylfa. Hann segir að þau séu réttsýnt sómafólk, andstætt við helvíts gnarrgutlið og Doktórinn.

Faldi megrunartöflurnar fyrir Lufsunni

Seldi konu mixtúru sem innihélt þunglyndislyf fyrir stóðhross

Eftir að frú Ingveldur fór til skottulæknis var hún mun hressari en áður, þrátt fyrir að hafa verið ofurhress fyrir. Skottulæknir þessi seldi henni semsé grængula mixtúru fyrir morð fjár með loforði um, að hún ætti mun auðveldar með að þola Kolbein eiginmann sinn eftir að hafa drukkið mjöðinn í hálfan mánuð. Og það stóð heima: Hálfum mánuði síðar tók frú Ingveldur Kolbein hreðjatak og tróð honum inní skáp undir eldhúsvaskinum og hótaði að steindrepa hann ef hann legðist einusinni enn, að heni forspurðri með kynæðingunum Indriða Handreði og skammarkvikindinu Máríu Borgargagni. Nú væri mál til komið að hann gerði sér grein fyrir, að umrædd skítahjú gætu vel verið með flatlús og lekanda af lauslætissökum.

Daginn eftir að Kolbeinn fór í skápinn undir eldhúsvaskinum, efndi eiginkona hans til óeirða í matvöruverslun. Þar barði hún afgreiðslufólk og viðskiftavini í nafni verslunarfrelsis með beinfreðnu dilkalæri af því að henni líkaði ekki hve lengi hún varð að bíða í biðröð eftir því að komast á kassann.

Um síðir fór frú Ingveldur með þessa stríðsmixtúru til efnafræðings og þá kom í ljós að innihaldið var að mestu leyti þunglyndislyf fyrir stóðhross og var svo eitrað, að öll hrossin sem höfðu fengið meðferð voru dauð úr taugatryllingi.

Vill lögbann á umfjöllun Kastljóss

Terroristatilræði á Selfossi eftir að stjörnusýslumaðurinn fór til Suðurnesja

Ekki kemur á óvart að allt færi í bál og brand á Selfossi með vilhlýðilegum terrorisma og mannafalli eftir að stjörnusýslumaðurinn Stones var fluttur nauðugur á Suðurnes. Kunnugir segja að eftir að stjörnusýslumaðurinn fór hafi ekki lengur verið spurnig hvor hryðjuverkaódæði væri framið fyrir austan fjall heldur hvenær. Og í morgun dró svo til tíðinda svo um munaði á Selfossi þegar hryðjuverkakona framdi hryðjuverk með platbyssu. Sem betur fer var víkingasveitin fljót á vettvang og sprengdi hryðjuverkabölvaldinn í loft upp og tókst þannig að afstýra enn meir vá og voða.

Þegar hryðjuverkið var afstaðið og meinvætturinn sprunginn í tættlur, fór menn í ýmsum kreðsum að velta fyrir sér hverrar þjóðar og hverrar trúar honan með platbyssuna væri í raun og veru. Hægrimógúlar úr Sjálfstæðisflokki og Framsóknarflokki eru eindregið þeirrar skoðunnar, að þarna hafi múslimakerling í búrku verið á ferð, áreiðanlega múhámeðstrúaður súnníti úr Ísisfélaginu, og hafi hún ætlað sprengja Mjólkurbú Flóamanna aftur á steinöld eftir að hafa banað fjöld manns með vopni sínu úr plasti. Telja umræddir mógúlar, að nú sé komin fullgild ástæða til vopna lögregluna svo eftir verði tekið þannig að hún verði grá fyrir járnum og aki um á skriðdrekum og fljúgi um loftin blá á orrustuflugvélum merktar ,,made in USA"

Á heimili frú Ingveldar og Kolbeins Kolbeinssonar skrifstofustjóra og framsóknarmanns tók Brynjar Vondalykt til máls eftir að platbyssukonan hafði verið yfirbuguð af hænsnaher innanríkisráðherra. - Ég skal segja ukkur það, sagði Vondalyktin, - að nú verður að leggja fram frumvarp til laga á Alþingi, þess efnis að almennir borgarar, þá á ég einungis við sjálfstæðis- og framsóknarmenn, fái að kaupa og eiga eins mikið af vopnum og þeir vilja til að verjast hryðjuverkum múslima, hottintotta, negra, fífla og hindúa. Það er ekki hægt að okkar fólk sé óvarið gegn heimsvánni sem stafar af svona óþjóðaskríl. Nú legg ég til að við skellum okkur öll, sem hér eru viðstödd, niður á knén og biðjum Jésú um vopn og verjur gegn andskotum okkar, svo skulum við fá okkur eina góða línu og skála í álaborgarákavíti á eftir." Og allir ferðu eins og Vondalyktin bauð, fóru niður á knéskeljarnar og báðu Jésú um liðstyrk og fengu sér síðan öfluga hressingu á eftir.

Sérsveitin yfirbugaði konuna

Þau elska það dárarnir Dagur og Tomm

Mikið eru platvinstrmennirnir og platvinstrikonurnar í meirihluta borgarstjórnar Reykjavíkur að hafa innan sinna vébanda garp sem tekst að verða frægur af endemum án nokkurrar fyrirhafnar. Þessi endemis Bjarni Brynjólfsson upplýsingastjóri virðist vera meðvitað svar borgarstjórnarmeirihlutans gegn útspili Framsóknarflokksins í síðustu borgarstjórnarkosningum og sem slíkur virist hann ágæta vel heppnaður. En fyrr má gagn gera en að idiótsera borgarmálefnin svo gríðarlega að sjálfu erkiíhaldinu blöskrar allt frá lúsugum hvirflinum niður í grútskítugar og ógeðslega þefjandi tær.

Það hefir svo sem lengi verið vitað að spilling og aftur spilling og gjörspilling hefir grassérað í betri hverfum Reykjavíkur. Um það verður ekki deilt. En að gera pródúktsjónina ,,Betri hverfi" að spillingarbæli hefur engum íhaldsspillingarlubba tekist, hversu djúpt sem honum hefir lánast að sökkva sér í forarvilpuna.

Um þetta orkti þjóðskáldið úr Akurey:

Að breyta hlandi í blessað romm
og betri hverfum í skítuga flóra,
elska þau dárarnir Dagur og Tomm
og dansa og syngja eitt bomsaríbomm
með blekuðum upplýstum stjóra.

Spilling í Betri hverfum

Rolur með nefin nýkomin uppúr cocopuffspakkanum

Hún er ekki töluð vitleysan þegar Sigmundur Davíð og Katrí Jakk eiga orðastað. Bæði eru rækilega kapítalísk í sjón og reynd og um hugarfarið þarf aunginn að efast. Þegar þau ganga erinda siðlausrar braskarastéttarinnar með dularfullum samræðum úr ræðupúlti Aþingis um afnám hafta minna þau á fátt meira en gamalt draugamor sem er að fjara út. Þess ber þó að geta, Sigmundi og Katrínu til varnar, að bæði eru þau strengjbrúður stærri og voldugri leikara, þeim er þvi vart sjálfrátt til orðs og æðis. En mikið andskoti eru þau samt leiðinleg, tilgerðarleg og innantóm í þessu einskisnýta, pólitíska vafstri sínu; að minnsta kosti yrði ekki héraðsbrestur þótt þau hyrfu af vettvangi ásamt sínum líkum, sem eru alltof margir.

Skoðun frú Ingveldar á fyrrnefndum skötuhjúum er ekki ýkja frumleg. Hún segir, að svona rolur, með nefin nýkomin uppúr cocopuffsdiskinum, muni aldrei verða flokkum sínum til annars en skaðræðis hversu vel sem eigendur þeirra reyna að stjórna þeim með spottum og spýtum.

Mikilvægt að áætlunin sé leynileg