Leita í fréttum mbl.is

Bloggfærslur mánaðarins, apríl 2018

Jómfrú Mogensen spyr eins og fávís kona

dan3Jómfrú Mogensen spyr inni á Alþingi Íslendinga hvort ráðherrar beri ábyrgð. Það er auðvitað óskiljanlegt að nokkur spyrji svona heimskulega, því hvert mannsbarn á hafa þambað það í sig með móðurmjólkinni að ráðherra ber aungva ábyrgð á einu né neinu sem hann tekur sér fyrir höndur. Fræg var ráðherrahjörðin sem hvofdi þjóðarskútunni, eftir að hafa látið reka á reiðanum í mörg ár; aðeins einn þeirra var dreginn fyrir Landsdóm þar sem honum var sagt að hann hefði staðið sig slælega. En ráðherradrjólinn var ekki af baki dottinn, þrátt fyrir auðsjáanlega slóðaskap, æsti sig upp í rjáfur og vildi ekki viðurkenna að hann hefði borið nokkra ábyrgð á Hruninu eða yfirleitt á nokkrum sköpuðum hlut. Eftir silkihanskameðhöndlun Landsdóms á ráðherraskömminni má jómfrú Mogensen vera ljóst að ráðherrar bera ekki neina ábyrgð og hafa aldrei gert.

Þá er ekki síður undarlegt að jómfrú Mogensen skuli láta hafa sig í að eiga orðastað við annan eins náunga og Bjarna Ben. Ekki veit ég hver er að spila með jómfrú Mogensen, en auðséð er að auðvelt er að afvegaleiða jómfrú eins og hana. Bjarni Ben er eins og hann er, umgengni hans við sannleikann er er til verulegs vansa fyrir land og þjóð, að ekki sé nú minnst á dularfulla reikninga á fjarlægum eyjum og lögbann á lítilfjörlegan fjölmiðil. En við skulum ekkert vera að klöngrast úr í soleiðis sálma.

En þetta nýoppáfallandi tilfelli með jómfrú Mogensen er alvarlegt mál. Það verður að senda hana, á kostnað Alþingis, á námskeið í klækjum og sjónhverfingum hjá sæmdarhjónunum frú Ingveldi og Kolbeini Kolbeinssyni. Að vísu hafa illar eiturtungur lengi hvískrast á um að frú Ingveldur og Kolbeinn reki einkaskóla, styrktan af almannafé og stórfyrirtækjum, þar sem fólk læri til þjófs, hvernig það á losna við alla siðvitund og verða siðblint, og hvernig það á að gefa skít í alla ábyrgð og hlægja jökulköldum mávahlátri að öllu saman.


mbl.is Ber ráðherra ábyrgð?
Tilkynna um óviðeigandi tengingu við frétt

Sandgerðingar vera að bregðast við af fullum þunga

fullurNújá, so helvískur bófaflokkurinn teygir anga sína lengst suður á Reykjanes og fram á Garðskagatá. Nú hefði maður fyrirfram haldið að óféti eins og þessi skipulögðu samtök væru fyrir nokkru síðan útlæg gjörr á gjörvöllu Reykjanesi eftir hinað hörmulegu aðfarir þeirra nýverið þar um slóðir. En því miður virðist sem einhver afturgöngu- og draugaslæðingur hafi orðið eftir þarna suðurfrá og er heldur íllt til að vita því ófreskjan getur bitið þó hún samanstandi einungis af hálfholdguðum púkum og smá-djöflum.

Ég trúi tæpast, að Sandgerðingar, sem ég hélt vera skikkanlegasta fólk, láti hin óforskömmuðu samtök um fjárglæfra og stigamennsku taka af sér öll ráð og skilja að lokum Sangerði eftir í andaslitrunum, beinbrotna og þrautpínda.

Aftur á móti er það í Garðinum viðsjáverðara. Það hafði Ásmund á ökustyrkjunum fyrir sveitarstjóra í mörg herrans ár og nú er hlegið að Garðverjum eins og hvurjum öðrum óbetranlegum Molbúum fyrir vikið og þeir hafði að háði og spotti allt frá Breiðholti og austur á Bakkafjörð og þaðan til baka vestur á Ísafjörð og Hornstrandir. Samkvæmt þessu eru þeir í Garðinum ákaflega hallir undir skipulögðu glæpasamtökin og soleiðis getur bara endað með því að þar verður til mafíuhreiður, fullt að helbláum fúleggjum.


mbl.is Listi sjálfstæðismanna í nýju sveitarfélagi
Tilkynna um óviðeigandi tengingu við frétt

So kemur ráðherran út úr skápnum og einkavæðir allt bölvað spítalaklabbið

xv5_1052111.jpgNú hlýtur hana að klæja verulega í klærnar, veslings heilbrigðisráðherrunni, að slengja þessum bölvuðum ekkisins Landspítala í einkavæðingu, strax. Að vísu hefir ráðherran haft lifibrauð sitta af að leika vinstrisinna, gott ef ekki sosialist, en í raun er hún skú ikki neinn íslandsmann, heldur ágætur hægrisinni, nýfrjálshyggjusinni, og tilbúin að taka að sér að verða einkavæðingarböðull Engeyinga við Landspítalann, sem og aðra spítala landsins, heilsugæslustöðvar, - já og heilsubætur almennt. Og hvurnig á efrimillistéttarkvendi, dóttir loddara sem Davíð og Halldór Ásgrímsson gerðu að sendiherra, að geta verið annað en ástkona kapítalismans og samverkakona svartasta auðvaldsins á Íslandi? 

Nú segja hinir þefvísustu í stétt stjónmálaáhugamanna, að óþefurinn af heilbrigðisráðherrunni, og þá ekki síður forsætisráðherrunni, sé farinn að finnast langar leiðir á móti sterkum vindi, jafnvel norðaustan stormi. Og svo er nú komið, að ég, sem er með bilað lyktarskyn, er meira að segja farinn að finna þessa viðbjóðslegu einkavæðingar- og nýfrjálshyggjustybbu af þeim hingað lengst vestur á Snæfellsnes. - En út úr þingflokksherbérgi VG ku stíga nálykt, eiginlega ýldupest eins og af dauðri rollu, sem flugan hefir komist í og er nú orðin ein iðandi maðkaveita. Já, vinir mínir, það er ókræsilegt um að litast þar sem ráðherrur VG hafa búverkað.

En er þá ekkert að frétta af Steingrími, gæti einhver spurt. Þeir heimskustu í VG, en þeir eru langflestir nautheimskir, eru víst búnir að gera þann kall að guði sínum og drotni og eru langt á leið komnir með að gjöra tvöhundruð og fimmtíumetra trélíkneski af honum. Því skúrgoði verður komið fyrir uppi á hól við hliðina á Bakka á Húsavík. Kringum þetta merkilega skúrgoð ætla fíflin að dansa jól og páska, hvítasunnu, verslunarmannahelgi og jafndægri að hausti. 


mbl.is „Núverandi ástand óboðlegt“
Tilkynna um óviðeigandi tengingu við frétt

« Fyrri síða

Höfundur

Jóhannes Ragnarsson
Jóhannes Ragnarsson

Höfundur er búsettur í Ólafsvík.

netfang: joiragg@visir.is  Sími:436-1438 og 895-1438

Bloggvinir

Innskráning

Ath. Vinsamlegast kveikið á Javascript til að hefja innskráningu.

Hafðu samband