Lengra koms Pírataskútan ekki

Væri ekki nær að segja að Pírataskipið hafi farið þegar í stað á hliðina þegar það var sjósett og síðan hafi áhöfnin snúið sér í hringi, annaðhvort klórandi sér í rassinum, eða nefinu, eða hvorttveggja í einu. Lengra hefir skútan atarna ekki komist og hefir síðan legið á hliðinni hálffullt af sjó og seyru.

Jú, Brýgítta hafði loks fyrir skemmstu vit á að forða sér á einum fæti í land, hinn fóturinn týndist í Hreyfingunni, og nú stökkur Saari í land og eru þá aðeins eftir viðvaningar og blindingjar eftir í flakinu og auðséð hvað um þá verður.

Sennilega verður Pírataskútan dregin á land næsta haust og komið fyrir á áramótabrennu í Vesturbænum. Eftir það verður saga Pírata farin að kortast svo um munar og það litla sem eftir verður af pírötum mun setjast að á Austurvelli með hasspípurnar sínar og gras og láta þar fyrir berast uns veslings greyin varða notuð sem áburður á blómstrin á vellinum, umhverfis Jón Sigurðsson, sem aldregi neytti kannabiss svo vitað sé.

Segir Pírata „stefnulaust skip“

Óskiljanlegt ferðalag tveggja ráðalausra sakleysingja ...

Helvíti snaggaralegur strákur þessi Sindri Þór, gengur hreint til verka í hvívetna og flaug af landi brott til Svíþjóðar með forsætisráðherranum Katrínu. Nú má vel satt vera að ferðalag Sindra Þórs standist ekki að öllu leyti lög og reglugerðir, en þar kemur á móti að piltur er snar í snúningum og lætur ekki aukaatriði vefjast fyrir sér. Og víst er um það að umsvif Sindra Þórs jafnast næstum því á við snilld og göfugheit Sigurðar Gottsveinssonar, sem frægur varð á fyrrihluta nítjándu aldar fyrir heimsókn þá er hann gjörði bóndanum að Kambi á Árnessýslu.

Og sem fyrr segir ferðaðist Sindri Þór með sjálfum forsætisráðherra Íslands til Svíþjóðar. Um það er aðeins eitt að segja og það er, að þó ferðalag Sindra stráks hefi ef til vill verið eitthvað á skjön við lög og reglu, þá má með sanni segja að erindi forsætisráðherra út þangað sé til muna sóðalegra og siðlausara. Segja þeir er gerst vita að blessaður sakleysinginn, Katrín forsætisráðherra, hafi verið nörruð af vondum mönnum til að vera viðriðin vopnakaup Indverja af Svíum. Hvaða erindi Katrín telur sig eiga í hörmulega subbulegan selskap er hreint út sagt óskiljanlegt.

Svo má náttúrlega vel vera að Katrín hafi líka verið að strjúka eins og Sindri Þór; flýja undan sjálfri sér, Steingrími og Bjarna Ben. Og máske sameina Katrín og Sindri strok sín og hverfa sporlaust til Indlands með herkallinum, sem sendur var til að kaupa orrustuþotur af Svíum fyrir Indverja. Næst fréttum við væntanlega af þessum sérkennilegu ferðafélögum við búddískt bænastand við rætur Himlayafjalla ásamt sannheilögum jógum og spekingum. Þetta fer vonandi einhvernveginn, og hvernig sem það fer þá fer það sem það fer - og okkur er andskotans sama hvernig það verður.   

Greiddi miðann með eigin korti

Brautryðjandinn Björn í Öxl og eftirmenn hans

Jú, það er sannarlega viðsjárvert ástandið á kjarnamörkuðunum í Evrópu. Enn skemmtilegra er þetta tilgerðarlega hægrikratíska orðbragð ,,kjarnamarkaðir í Evrópu." Og hvað gera bændur þegar ferðamannatrallið hrynur fyrir björg? Hver ætli borgi offjárfestingu hinna gráðugu þegar gistihúsin, hótélkumbaldarnir, fara á hliðina? Bjarni Ben? Sjálfstæðisflokkurinn? Ingjaldsfíflið í stól forsætisráðherra? Nei, ætli það.

En satt að segja er dálítill léttir af fá fréttir af horfum á fækkun erlendra ferðalinga því vandséð er að aðstæður séu til staðar að taka á móti allri þessari kássu. Þar fyrir utan er iðnaður, tengdur ferðamönnum, gróðrastía spillingar, skattsvika, brotum á kjarasamningum og öðrum svæsnum lögbrotum og ómennsku.

Það er nefnilega þannig, að í hvurt skifti sem minnst er á ferðamannaiðnað kemur í hugann brautryðjandinn Björn bóndi frá Öxl á Snæfellsnesi, sem féll frá rétt fyrir aldamótin sextánhundruð. Ekki er þar með sagt að verið sé að ýja að því ferðamannaiðjuhöldar nútímans leggi með exi í höfuð gesta sinna eins og Björn heitinn var sagður gera og ræna þá síðan, heldur virðist þessu lið vera mjög laus höndin þegar svindl, arðrán og skepnuskapur eru í boði. 

Fækkar um 20-30% frá bestu mörkuðunum

Hverjir fá að gambla með ,,þjóðarsjóðinn" og stela úr honum?

Það verður gaman fyrir þjóðina að fylgjast með hverjir fá að gambla með og stela fjármunum úr ,,þjóðarsjóðnum" atarna, sem betur væri nefndur ,,þjófasjóður" til heiðurs þeim endemum sem stolið hafa sameignum þjóðarinnar, falið þýfið á tortólum og sesileyjum, eða hvað þeir nú heita þessir útnárar, og keyrt efnahagskerfi þjóðarinnar í þrot og Hrun. Og það skuli vera gerendur í Hruninu mikla, sem nú berja sér á brjóst og segjast ætla að stofna þjóðarsjóð er svo hlálegt að maður trúir varla sínum eigin eyrum.

Hvernig væri annars að nota arðinn frá Landsvirkjun fyrst í stað til að endurreis heilbrigðiskerfið og vegakerfið í landinu, þó ekki væri meir, áður en farið verður að safna í einhvern andskotans skítasjóð, í líkingu við lífeyrissjóðaskandalinn, sem notaður verður til að fjármagna fjárglæfra Sjálfstæðisflokksmanna? 

Væri ekki líka kjörið, að við, alþýða Íslands tækjum okkur einusinni til, stæðum með sjálfum okkur, og stöðvuðum veislu auðvaldsins, arðrán þess, lygar og óþveraskap með því að fleygja draslinu sem þar búverkar á ruslahauga sögunnar? Er eitthvað sem afsakar linkind okkar við forhert, þrælskipulögð glæpasamtök auðvaldsins hér á landi? Hvað er það sem réttlætir að nokkrir yfirgangshundar hafi til dæmis tekið fiskveiðiauðlindina svo gott sem eignarnámi, haldi bönkum í gíslingu og láti þá um að framkvæma ránið fyrir sig um hábjartan dag þannig að langflest sjávarþorpin standa nú við dauðans dyr, svívirt af gráðugum péníngapérvertum, sem telja sig eiga alskostar við aðra landsmenn? Á ekki að steypa svona villudýrum af stóli og taka af þeim þýfið, með illu eða góðu? Eða ætlar Ísland að vera til eilífðar eitt gjörspillt fúafen spillingar og leikvöllur hins péningaþyrsta og valdasjúka Sjálfstæðisflokks? 

Frumvarp um þjóðarsjóð næsta vetur

Af fraukelsinu sem sprakk í eldhúsinu heima hjá sér og fleiri drillum í þeim flokki

Fjandi verður nú gaman þegar blessuð telpan kemur útbelgd af humri og hvítvíni til að stjórna trúarsamkomu í utanríkismálanefnd Alþingis. Það er nú meira hvað sona sneglur geta hakkað í sig af þessu andstyggilega skordýri hafins og enn kostulegra hvað þær geta innbyrgt mikið að rótsterku hvítvíni á stuttum tíma án þess að springa í loft upp.

Þó man ég eftir einu saugilegu fraukelsi af hlandsprengjutegundinni sem graðgaði svo í af saltaðri keilu og rauðvíni að rifnaði gat á hana og hún sprakk bókstaflega í elhúsinu heima hjá sér. Aðkoman var ægileg, og þeir sem lentu í að tína saman tætlurnar af fraukelsinu og saltkeilunni og ausa rauðvíninu upp í þrjátu lítra þvottabala eru sammála um að þeir hafi aldregi gengið gegnum aðra eins mannraun.

Svo var það sjálfstæðisflokksdrillan sem varð fyrir því óláni gleypa humar áður enn kvikindið hafði geyspað golunni. Henni brá í brún þegar hún fann að ófreskja var tekin til starfa í vömbinni á henni og hún flýtti sér að þaba vítt, rautt og líka sterkt til að yfirbuga óvininn í maganum. En allt kom fyrir ekki, humarinn færðist allur í aukana þegar hann fékk allt þetta magn af áfengi til að svamla í og tók til óspilltra málanna og át allt innvolsið úr drillunni og át sig síðan út úr fleskinu á henni og skoppaði síðan áleiðis til heimkynna sinna í hafinu.

Ræða afstöðu Íslands í kvöld

Öræfahyski og óbetranlegar pólitískar skepnur

Bölvað ekkesins þvaður er þetta í endeminu; það á aldeilis ekki að vera flókið fyrir VG að taka afstöðu til árása óargadýra NATÓ og yfirlýsinga norska krataskoffínsins, sem kvað vera framkvæmdastjóri þessa árásarbandalags. Ef Katrín og eigendur hennar, Steingrímur, Álfheiður og Svavarsfjölskyldan væru vinstrisinnar mundu þau strax hafa sagt nei við stuðningi við árás Trumps og hans afatníossa í Sýrland.
En fyrst svona er komið og VG stendur eitt eftir úti á berangri með buxurnar á hælunum væri ekki úr vegi fyrir formann VG, gluggaskrautið mikla, að segja sem svo við þjóð sína: ,,Vesenis tesinis tera, viðrini veit ég mig vera."

En þar sem ekki er því að heilsa að Katrín og eigendur hennar séu vinstrisinnar, sósíalistar, þá segja þessi óbermi ekki nei við stríðslátum brjálæðinganna í Washington, heldur já og reyna í leiðinni að hylja þetta óafturkræfa ógæfuspor sitt. 

Nú er komið að leiðarlokur fyrir VG, það skiptir ekki lengur máli fyrir þessi skítseiði hvort þau koma opinberlega út úr skápnum sem glerharðir hægrisinnar og stuðningshjörð kapítalismans og heimsvaldasinna eða reyna að fela sig inni í skápnum enn um sinn; það sjá allir hverskonar óheilindafólk og pólitískar skepnur þetta þetta öræfahyski er. 

Flókið fyrir Vinstri græn að styðja NATO

Mikill þó djöfull var að sjá

Mikill þó djöfull var að sjá og heyra eiginir geggjaðra heimsvaldasinna vestrænu stríðsmaskínunnar í Silfri Ríkissjónvarpsins áðan. Önnur eins endemi eru vonandi vandfundin á Íslandi, en því miður er ekki því að heilsa þar eð gjörvöll flokkaendemin á Alþingi Íslendinga eru af sama sauðarhúsi aðstoðardrengur Gulla og Heiðrún Heimisdóttir.

Nú, það kom fram hjá hinum timbraða aðstoðardreng, að sjálf Vinstrihreyfingin grænt framboð væri alveg ágætlega sammála árásum, manndrápum og yfirgangi hinna fasísku og hálffasísku brjálæðinga Bandaríkjanna, Bretlands og Frakklands í Mið-Austurlöndum. Það er engu líkara en framvarðarsveit VG sé skipuð gersamlega siðblindum aumingjum; en það kemur svo sem ekki alveg á óvart, þar eð margt í fari þessara endema hefir bent til að þeim væri verulega áfátt á siðferðissviðinu.

Það hefur aldrei farið milli mála að pótentátar Sjálfstæðisflokks, Framsóknar og kratahænsnanna í Samfylkingar, ex. Alþýðuflokks, hafa síðan fyrir seinna stríð verið ófyrirleitnar og heimskar stengjabrúður stríðsæsingamanna vestræns kapítalisma og heimsvaldastefnu. Það er satt að segja fullkomlega andstyggilegt að Íslendingar hafi verið þeir ræflar, sem raun ver vitni, að skríða eins og sárasjúk nagdýr eða ormaveikir hundar fyrir glæpavilludýrum hins vestræna ,,lýðræðis." Víst er um það, að þessa dagana eru verstu afhrök Vesturlanda í essinu sínu.

   

Óttast frekari harmleik

Grindvíkingum vottuð samúð

Jésús minn Kristur í Hymmnarann, eru virkilega til framsóknarmenn í Grindavík? Ég hélt Grindvíkingar hafa þvegið þá óværu af sér í eitt skipti fyrir öll fyrir nokkrum árum. En það er greinilegt að meinsemdin hefir tekið sig upp aftur, og þegar svo er komið þá er aldrei að vita hvernig fer. Það eru nefnileg til dæmi um að framsóknarvírusinn hafir drepið sum sveitarfélög þar sem hann hefir fengið að grasséra og gjört önnur að krónískum sjúklingum sem ekki eiga viðreinar von.

Og ekki nóg með að aðeins einn framsóknaruppvakningur hafi fundist í Grindavík, heldur hafa þeir þefað uppi 14 eintök sem meðtekið hafa hinn skæða og eyðandi vírus. Og hvar eru heilbrigðisyfirvöld í Grindavík? Ætla þau að láta það líðast að alræmd sóttkveikja verði ef til vill sveitarfélaginu þeirra að bana? Maður hefði haldið að nóg væri á Grindvíkinga lagt að vera ár og síð undir járnhæl hinna skipulögðu glæpasamtaka, sem kallar sig Sjálfstæðisflokk, svo að ekki bættist við að framsóknarvísusinn tæki sig upp aftur og færi að herja á líf þeirra og limi.

Þá bætir ekki sú kalda vitneskja úr skák, að kennarar eru í þremur af fjórum efstu sætum Framsóknar í Grindavík. Það eitt og sér segir okkur að ástandið er mjög alvarlegt og viðbúið að framsóknarvírusinn breiðist út eins og eldur meðal grunnskólanemenda og geri þá að öryrkjum. Um leið og ég votta Grindvíkingum auðsýnda samúð mína vegna þessarar hrikalegu uppákomu þá hvet ég þá til að koma sér upp vaskri sveit meindýraeyða, sem fái það hlutverk að berjast við hinn lífshættulega framsóknarvírus og nái að granda honum.

Sigurður Óli leiðir Framsókn í Grindavík

Boða harða baráttu fyrir mannréttindum anímalista og fyrir fjölkvæni

Nú er illa komið fyrir vini okkar allra, Brynjari Vondulykt, en hann er búinn að koma sér allstaðar út úr húsi og er hvurgi velkominn, nema hjá sæmdarhjónunum frú Ingveldi og Kolbeini Kolbeinssyni.

Það sem reið baggamuninn varðandi Vondulyktin er, að hann hefir boðað stofnun, annarsvegar félags anímalista og hinvegar baráttusamtök til löggildingar á fjölkvæni. Brynjar Vondalykt og vinur hans Óli Apaköttur hafa gefið út sameiginlega tilkynningu þess efnis mannréttindi anímalista hafi alla tíð verið fyrir borð borin og við það verði ekki lengur unað. ,,Það ættu að vera jafn sjálfsögð mannréttindi á Íslandi, eins og að drekka heilnæmt og kalt vatn, að sjáfráða fólk fái að giftast eða kvænast, eftir atvikum, fullorðnum einstaklingum af öðrum dýrategundum."

Þá hafa þeir Brynjar Vondalykt, Apakötturinn, ásamt með Indriða Handreði og Máríu Borgargagni, blásið til orrustu um fjölkvæni á Íslandi. Þar sé einnig á ferðinni brýnt mannréttindamál. Það sé helber miðaldahugsunarháttur og mannvonska af verstu tegund að leyfa ekki fjölkvæni. Af hverju má til dæmis Kolbeinn Kolbeinsson ekki kvænast frillum sínum auk frú Ingveldar? Hvaða vit er í, að meina Máríu Borgargagni að að vera gift friðlum sínum og viðhöldum en verða þess í stað að hlýta því ófrelsi að mega aðeins vera gift því óaldar óféti Indriða Handreði, sem er svo uppfullur af ónáttúru og klikkaðri brundíllsku að til stórhörmungar telst? Og því á að vera bannað að frú Ingveldur og Kolbeinn giftist Handreðinum og Borgargagninu ef þau kjósa þá skipan mála?

Tregða að byggja á tveimur stoðum

Neyðarlegur niðurtúr hinnar óspjölluðu meyjar VG

Að undanförnu hafa landsmenn mátt horfa upp á neyðarlegan, en þó svo sorglegan, niðurtúr Katrínar Jakobsdóttur. Árum saman tókst henni að losna við alla gagnrýni, því aðeins verstu menn höfðu brjóst í sér til að taka hana í gegn fyrir pólitískan loddarahátt og fádæma undirlægjuskap við hina alræmdu flokkseigendur VG. Svo fór Katrín í ríkisstjórn, varð forsætisráðherra yfir aungvu, því bæði sjálfstæðismenn og framsóknar gera stólpagrín að henni á bak, því þeim dylst ekki að þeir eru eindæma heppir með forsætisráðherra, því Katrín aktar þá alveg á sama hátt og hún hefir af fullkominni undirgefni aktað Steingrím, Svavarsfjölskylduna og Álfheiði Ingadóttur.

Eftir að Katrín varð forsætisráðherra, þó hún sé það aðeins af nafninu til, þá fóru illmenni að hætta að hafa samúð með henni og nú liggur hún undir áföllum frá þessum herjans föntum og gnötrar stafna á milli eins og illa smíðaður fleki í hafróti. Og í stað þess að brosa, eða öllu heldur smæla, í allar áttir með tilheyrandi fettum og brettum, þá er þetta guðsvolaða silkigluggaskraut úr útstillingarglugga flokkseigenda VG farið að sympast á móti andskotum sínum og ferst það að sjálfsögðu óhöndgulega þannig að hlátur setur að hvurjum manni sem verður vitni þessum leik. Og Steingrímur og Álfheiður hlægja líka, því að í VG eru allir aumingjar, eins og segir í kvæðinu, en illgjarnir þeir sem betur mega.

Í augnablikinu er ekki annað sýnna en Katrín verði hlegin frá völdum, með brigsl á bakinu um fáheyrð pólitísk svik og ásakanir um loddarahátt af þeirri stærðargráðu að ekki verði við unað. Svo getur náttúrlega allt VG-hyskið eins og það leggur sig gengið í Sjálfstæðisflokkinn, farið heim til sín, eins og halakliptir rakkar og haldið áfram að vera ráðherrar í stjórn með sínum líkum. Sjálfstæðisflokksmennirnir eru fyrir löngu búnir að finna það út að Steingrímur er þeirra maður og skoðannabróðir og sannur samherji og þeir vita líka sem er, að Álfheiður og Svavarsfamilían eru eðlislægir hægrigúbbar að upplagi og kunna best við sig við rúllettuborð kapítalismans, eins og Jónas heitinn Árnason sagði um flokkseigendur Alþýðubandalagsins, sem er nú einusinni sama liðið og skipar Flokkseigendafélag VG í dag.

„Komdu með annan segi ég nú bara“