Sauðnaut eru þetta og fémínísk útrýming á sílamávi

Mikil þó endemis sauðnaut geta hönnubirnu-krakkarnir í XD Reykjavík og frú Sóley Tomm fílí-romm-bomm-bomm verið. Gera þau sér ekki enn grein fyrir að meirihlutinn í hreppsnefnd Reykjavíkur ætlar ekki að gera neina fjárhagáætlun, hvorki fyrir næsta ár né þau næstu þar á eftir. Það er nefnilega úr móð að gera fjárhagsáætlanir, meðal annars hafa færustu hagfræðingar fellt þann úrskurð að fjáhagsáætlanir séu algjörlega gagnslausar, í mesta lagi til stórskaða, og öllum til raunar og leiðinda sem að koma gerð slíkrar fíflsku. 

Nú hafa gnarristarnir og pissudúkkurnar frá Samfylkingunni sem sé afráðið að stampa ölllum tilfæringum í átt að fjárhagáætlunum út þetta kjörtímabil og jafnvel lengur ef Guð lofar. Þetta eru góð tíðindi fyrir Reykvíkinga enda er mikill sparnaður fólginn í að gera ekki fjáhagsáætlun.

Úr því að engin fjárhagsáætlun verður gerð á næstunni í Reykjavík verða hönnubirnu-krakkarnir og frú Fílí-romm-bomm-bomm að finna sér eitthvað annað til að fjasa útaf, til dæmir gætu þau efnt til rifrildis við Gnarrana um fémínískar áherslur varðandi útrýmingu á sílamávi í miðborginni.  

Engir fundir vegna fjárhagsáætlunar

Óviðeigandi og ógeðfellt

Puff ... óttalegt fúkkabragð er af þessum pólitísku yfirlýsingum Bjarna Ben og hans kónum í samtökunum sem ætti að vera búið að banna fyrir löngu. Það er ljóst að lubbahjörðin í Sjálfstæðisflokknum er ekki á nokkurn hátt marktæk í pólitískum umræðum eftir að hafa eyðilagt þjóðfélagið með tiltektum sínum á sérlega grófan og spilltan hátt. Það er sannast sagna mjög óviðeigandi, að ég segi ekki ógeðfellt, þegar þessir svokölluðu ,,sjálfstæðismenn" fara að sletta sér inní umræðu um hvort Gylfi ráðherra segi satt eða fari með lygimál. Brennuvörgum ferst ekki að hneykslast á eldsvoðum.  

Bjarni: „Staða Gylfa í uppnámi"

Nær væri að vara við þeim fyrstu

Það er nú fullmikið að alhæfa að skynsamir nemendur komi fyrstir til að verða sér úti um skólabækur á bókaprangsmörkuðum. Ég hefi nefnilega orðið fyrir þeirri skelfilegu lífsreynslu að verða vitni að hinu gagnstæða. Haust eftir haust hefi ég horft uppá óbetranlega tréhausa og skoffín verða fyrst á vettvang þar sem skólabækur eru til sölu. Og ég veit um fjölmörg kvikindi, sem alltaf vóru snemma í því að kaupa bækurnar sínar, skaðmennta sig nánast til Helvítis. Ekki þarf að taka fram að sum þessara skaðmenntuðu einstaklinga stóðu blóðug uppað öxlum í græðgisvæðingunni miklu við að svindla og stela kerfisbundið af saklausu fólki.

Það væri nær að vara fólk við þeim nemendum sem koma fyrstir til að kaupa skólabækur. 

Skynsamir nemendur koma fyrst

Endurreisn K. Wernerssonar, Jóns Ásgeirs og Ólafs bónda

Ansi er ég hræddur um að frú Ingveldur og Kolbeinn Kolbeinsson eigi ekki nema um það bil 100 þúsund krónur umfram eiginir og séu þar með ekki gjaldgeng í selskap með K. Wernerssyni, Jóni Ásgeiri og Ólafi bónda á Miðrauni. Enda kom það á daginn, að ekkert sveitarfélag treysti sér til að ráða frú Ingveldi sem sveitarstjóra, en hún sótti sem kunnugt er um þrjátíu og tvær bæjarstjórastöður; forsvarsmenn eins krummaskuðsins hótuðu meira að segja frú Ingveldi barsmíðum ef húm drægi ekki umsókn sína til baka, það væri til skammar fyrir sveitarfélagið að birta nafn hennar opinberlega með öðrum umsækendum.

En K. Wennersson, Jón Ásgeir og Ólafur bóndi á Miðhrauni munu landið erfa eftir að ríkisstjórnin og AGS hafa endurreist þá að fullu eftir ágjöfina í október 2008. Þá verður áreiðanlega kátt í höllinni.  

Karl á rúman milljarð

Aldamótaárið 1883

Jahá, það er nefnilega það. Svo það voru aldamót árið 1883, ef marka má frétt mbl.is um ,,aldamótaskipið" Hreggvið sem smíðaður var 1883. Reyndar hefur Hreggviður lifað tvenn aldamót, en hvort það gerir hann að ,,aldamótaskipi" má Andskotinn sjálfur vita, en eitthvað þykir mér titillinn ,,aldamótaskip" kauðskur í þessu samhengi. Þetta er eins og að kalla þá sem fæddir eru 1983 aldamótamenn og aldamótakonur af því að þau eru í heiminn borin aldamótaárið 1983...eða hvað?

Meðfylgjandi mynd er af aldamótakonu.

Aldamótabátur til Eyrarbakka

Meðferðarstofnun fyrir leiðindasjúklinga

Það versta við Gylfa ráðherra er hve últra-skelfilega leiðinlegur hann er. Í því ljósi er náttúrulega alveg nákvæmlega sama hvað hann röflar í Kastljósi eða í öðrum stöðum og þar með er algjört aukaatrið hvort hann er að bera sig til við að ljúga eða segja satt.

Að vera leiðinlegur er erfiður sjúkdómur, og hvimleiður þeim sem þurfa að umgangast sjúklinginn. Í  tilfelli Gylfa þarf þjóðin öll að sitja annað slagið undir leiðindatauti hans og kumri, sem getur auðveldlega ært óstöðugan þegar honum tekst hvað best upp, eins og flest kommentin við þessa frétt sýna glögglega.

Það þarf að koma upp meðferðarstöð fyrir leiðinlegt fólk til að lágmarka tjónið sem það vissulega veldur með leiðindum sínum. Ég sé Gylfa ráðherra fyrir mér í fyrsta hópnum sem undirgengst meðferð á væntanlegri afleiðindastofnun, ásamt fjölmörgum stjórnmálaskjátum, frammáfólki, fræðingum og búrtíkum.

Mátti ekki dreifa minnisblaði

Bifrastar-Rúnki leggur á flótta

Ekki er hátt risið á þeim lagsbræðrum, Bifrastar-Rúnka og Árna Páli, enda báðir úr forðum illa þokkaðri undanrennudeild Alþýðubandalagsins heitins. En fyrst Rúnki er lagður á flótta ætti Árni Páll vinur hans að gera slíkt hið sama; í þessu tilfelli er best á að asninn fylgi eyrunum.

Umboðsmaður skuldara hættur

Vargar í véum

Ég hélt í einfeldni minni að öllum væri fyrir löngu ljóst, að rauðklæddir karlmenn væru einhverjir verstu vargar í véum sem um getur. Það er ekki fyrr en einhverjir bögubósar, sem þykjast vera rannsóknamenn, vara við hættunni af þeim rauðklæddu, að almenningur vaknar til vitundar um alvöru málsins.

Hættulegastir allra, sem spóka sig um í rauðu dressi, eru tvímælalaust helvítis jólasveinarnir, einkum kókjólasveinarnir, en þeir svífast einskis þegar kvenfólk er annarsvegar. Stórbrotið dæmi um andstygglegheit úr þessum afkima samfélagsins er þegara jólasvínið Gluggagægir, rauðklæddur að vanda, dró Máríu borgargagn á tálar að áliðinni jólaföstu fyrir fjórum árum. Þegar Indriði handreður, sambýlissveinn Máríu, stóð Gluggagægi og Máríu að verki í stofusófanum, skipti engum togum að sá rauði spratt á fætur öldungis buxnalaus og sló Indriða handreð í rot og sneri sér að svo búnu afskaplega vingjarnlegur að sambýliskonu hins meðvitundarlausa, sem lá í blóði sínu á miðju stofugólfinu.

Þegar Gluggagægi þókti Máría borgargagn fullknúin til ásta, flengdi hann Indriða, sem þá var um það bil að rakna úr roti sínu, harkarlega um bak og þjó með sjálfu jólatrénu sem staðið hafði fullbúið þar í stofunni.

Af þessu má sjá, að löngu er tímbært að taka jólasveina úr umferð hvar sem í þá næst og leiða þá fyrir byssukjafta sérþjálfaðrar aftökusveitar.

Konur laðast að rauðum körlum

Loguðust útaf steindauðir fyrir miðnætti

Ástæðan fyrir ,,rólegri" nótt í Vestmannaeyjum ku vera sú, að sögn kunnugra, að þjóðhátíðargestir hafi verið orðnir mjög ölmóðir uppúr klukkan fimm í gærdag og flestir hafi lognast útaf steindauðir fyrir miðnætti. Eina lífsmarkið var meiriháttar líkamsárás sem þó var ekki alvarleg. Hvernig menn hafa fundið það út að meiriháttar líkamsárás sé ekki alvarleg má fjandinn vita, en ég kem stærðfræði af þessu tagi því miður engann veginn heim og saman og lái mér hver sem vill.

Á þessari stundu, sunnudaginn 1. ágúst 2010 kl. 10.36, geri ég ráð fyrir að mannskapurinn í Herjólfsdal sé í óðaönn að drekkja timburmönnum sínum og skítamóral í sönnum guðaveigum sem lífga sálaryl og verði komir í gott stuð um hádegi og haldi áfram þar sem frá var horfið í gær við að fremja dauðmeinlausar meirháttar líkamsárásir. 

Óvenju þægir þjóðhátíðargestir

Frans skaufi og heiðurshjónin

Kolbeinn Kolbeinsson og eiginkona hans, frú Ingveldur, voru líka á Flúðum í dag ásamt stórvini þeirra hjóna, Frans skaufa.

Já.

Þau voru öll leidd á brott af Flúðum laust fyrir klukkan 16.00 og þeim ekið á ókunnan stað og skilin þar eftir.

Þess má geta, að frú Ingveldur er einn umsækjanda að bæjarstjórastöðu í Árborg - og er talin vel hæf til starfsins. Að sjálfsögðu.

Klaufaskapur á Flúðum