Hvern fjárann á fraukenin við með ,,skynsemi" og ,,samkeppni?"

Hvað er svona skynsamlegt við að taka Ríkisútvarpið af auglýsingamarkaði? Auðvitað á litla frauken Alfredósína ekki eitt einasta skynsamlegt svar við því enda er slíkt svar ekki til. Hinsvegar efast enginn um að daman atarna, sem sem er langömmubarn gömlu Framsóknarmaddömunnar, geti ofið endalausa mærðarvoð um málið, án þess þó að færa fram rök fyrir kjaftæðinu í sér. Svo bætir hún gráu ofan á þann kolvarta þvætting, að hvarf ,,fréttastofu" Stöðvar 2. úr mannheimum sé vont fyrir ,,samkeppnina!" Með leyfi að spyrja, æruverðuga frú, hvaða andskotans samkeppni eru þér að muldra um? Ég er handviss um að þér getið með aungvu móti svarað því heldur. Vonandi er fraukan ekki að gefa í skyn að hún ætli sér að gjöra Ísland að opinberu vitfirringahæli, til athlægis öllum sæmilega þenkjandi mönnum.

Annars er orðið samkeppni geðlæknisfræðilegt hugtak, en sem kunnugt er þá mun þetta orð, ,,samkeppni", vera heiti á alvarlegri tegund af geðbilun, sem geðlæknisfræðinni hefir því miður ekki enn tekist að finna ásættanlega lækningu við. Í guðfræði Mammóns skipar kvillinn samkeppni stóran sess, ásamt hinni ósýnilegu hönd markaðarins, hagvextinum og framleiðslukapphlaupinu, sem einnig er mjög slæm geðveiki, sem guðfræðingar Mammóns reyna hvað þeir geta að færa í búning hinnar dularfullu ræpu, sem það kallar ,,hagfræði." Ojbara!

En auðvitað vill Alfredósína gera allt hvað hún getur til að sleikja sig upp við Sjálfstæðisflokkinn, halda honum góðum og uppskera dulítinn bitling fyrir að gelda Ríkisútvarpið og kæfa það í affallinu frá kömrunum í Valhöllu. Svo vill svo skemmtilega til, að þókt Framsóknarfjósið standi út í móum, enn þann dag í dag, eins og niðurníddur endurómur frá miðöldum, þá hefir Framsóknarmaddaman herbergi á leigu í kjallara höfuðbólsins, Valhöllu, fyrir Alfredósínu, Sig-inga og fleiri nautgripi úr Framsóknarfjósinu. Í næsta herbergi við heldur svo krataeðlisjukkið til, svo meðvirkt böðlum Sjálfstæðisflokksins að við sjálft liggur að gamla Framsóknarmaddaman gubbi í kjöltu sína að ólýsanlegu ógeði á þrælslund og géðkrabba og geðvillu krataeðlisins. Þannig er nú ástandið í dag á Íslandi. 

Skynsamlegast að taka RÚV af auglýsingamarkaði

Eru golþorskarnir svona heimskir, eða bara sérlega óheiðarlegir og óærlegir?

Ja, svo demmórattarnir í USA eru að bræða með sér að kæra Trumpið fyrir landráð og þá væntanlega föðurlandssvik líka. Karlfjósið er sem sé grunað um að hafa atta óargalýð á þinghús þeirra í USA með að markmiði að reka þingmennin út og ræna völunum fyrir Trumpið. Þetta þykir mörgum vel af sér vikið og dásama Sjálfstæðisflokksmenn, vestanhafs og austan, glæsilegt einkaframtak Tumpsins á lokuðum sellufundum. 

Fyrir stinnum áratug keyrðu Sjálfstæðisflokkurinn og krataeðlisflokkarnir Ísland fram af hengifluginu. Allrahanda innistæður fólks, sem lágu inni á fjárgæfrareikningum í bönkum, þynntust margir mjög af þjófsvöldum, fyrirtæki fuku á hausinn og sigldi hraðbyrir til Helvítis, en bankastjórnendurnir lögðu umsvifalaust á flótta, og sumir ekki aldeilis með tvær höndur tómar. En áfram héldu Sjálfstæðisflokkurinn og krataeðlisflokkurinn, sem hann notaði fyrir hækju um þær mundir, að stjórna, settu Hrunlög og létu í hvívetna eins og Hrunið kæmi þeim algerlega á óvart, þrátt fyrir að þeir hefði vitað í ein þrjú ár hvurt stefndi og ekki væri með nokkru móti hægt að koma í veg fyrir Hrun.

Það var undir þessum kringumstæðum sem íslenskt almúgafólk lagði leið sína niður að Alþingishúsi til að reyna að koma því inn í trénaðan hausinn á ríkisstjórnarflokkunum að þeir ættu að pilla sig frá völdum og boðað væri til alþingiskosninga. En, ónei, Sjálfstæðisflokkurinn og krataeðlisflokkurinn Samfylking þóktust ekkert skilja og sátu sem fastast í óþökk kjósenda. Það var ekki fyrr enn múgurinn neyddi krataeðlisflokkinn Samfylkingu með valdi upp að vegg, að hún gafst upp og gaf sig örlögunum á vald. Það er minnisstætt, að forsætisráðherra Hrunsins kallaði fólkið fyrir framan Alþingishúsið skríl. Þá þókti mörgum stungin tólgin og stórt upp í sig tekið. Síðar var sami forsætisráðhera Hrunsins dæmdur fyrir afglöp og slóðaskap af Landsdómi og svaraði þessi sérkennilegi forsætisráðherra Hrunsins dómnum með hroka og reif kjaft eins og slordóni. Þessu ágæta erindi alþýðu manna við ráðamenn og Alþingi haustið 2008 og fram á 2009 líkja golþorskar Sjálfstæðisflokksins nú við innrás heimskra og heilaþveginna fasista Trumpsins inn í þinghúsið í Washington! Eru þessir dæmalausu golþorskar svona andskoti vitlausir að líkja þessum tveimur gjörólíku hlutum saman eða eru þeir bara fram úr hófi óheiðarlegir og óærlegir kauðar sem leika sér að því og eru því vanir, að umgangast sannleikann eins og hvurn annann hundaskít? Vér höllumst að sjálfsögðu að hinu síðarnefnda.    

Leggja ákæru á hendur Trump fyrir þingið

Peningasuga í líkanarmeðferð fyrir óþrifagemlinga

Hafi braskarastubbarnir á Stöð tvö, (Stassion túú) haldið að þeir væru að gefa svokallaða ,,fréttatíma" þá hefir það altént verið fjaraska lítilfjörleg gjöf og aum. Svo aum raunar, að ekki er við hæfi að þakka ,,gjöfina." Og nú hafa hinir miklu kaupsýslumenn troði fréttatímanum sínum langt upp í blágörnina á sér og þar verður hún vel geymd það til stöðin þeirra verður tekin til gjaldþrotaskipta.

Allt er þetta gott og blessað og framtak þeirra á Stassion túú, að læsa ,,fréttatíma" Stassionarinnar til frambúðar guðsþakkarverð, svo ekki sé dýpra tekið í árinni. Og afskaplega gleðilegt að sjá, að þessi alræmda stöðvarvitleysa sé loks komin á líknandi meðferð. Það gefur oss vonir um að Stöð 2. muni innan skamms sálast úr uppgerð.

Þegar Stöð 2. verður dauð mun ugglaust aunginn ómaka sig við að skrifa minningargrein um kvikindið. Enda einskis að minnast, allra síst einhvers jákvæðs fyrir samfélagið. Vitanlega verður Stöð 2. urðuð utangarðs,án yfirsöngs. En á legsteininn, sem einhverjir þroskalitlir og innantómir vandræðagemsar munu kannski kasta ofan á hræið, verður áreiðanlega ritað: ,,Hér undir liggur óþrifagarmurinn Stöð 2. sem átti það eitt erindi við Íslendinga að sjúga út úr þeim pénínga fyrir ekkert."   

„Ekki stætt á að gefa fréttatímann“

Undarlega mikill stuðningur er við vafasama, ónýta og kjánalega stjórnmálaflokka

Stuðningur fólks við Sjálfstæðisflokkinn er nær allur byggður á hrapalegu misskilningi og skorti á dýpri hugsun. Að einn fjórði landsmanna sé ávalt reiðubúinn að greiða þessari óhrjálegu flokksnefnu atkvæði sitt er í aðra röndina hlægilegt, en í hina afar sorglegt. Sjálfstæðisflokkurinn er heldur ekki stjórnmálaflokkur í þeim skilningi sem flestir leggja í það orð, heldur eru þetta skipulögð samtök vafasamra einstaklinga, yfirgangshunda og manna og kvenna sem virða eignarétt annarra en sjálfra sín ósköp léttvægan.

Nú, þá vekur velgjandi stuðningur tíu til fimmtán prósent kjósenda við hóparæksni á borð við Samfylkingu, Pírata, VG, Framsókn, Miðflokk og Viðreisn óhug. Nefndir flokkar eiga það allir meira og minna sameiginlegt að vera ekki það sem þeir segjast vera; allir eru þeir meira eða minna nýfrjálshyggjuskotnir auðvaldsflokkar og að því leyti sverjast þeir allir í bræðralag við hinn óhugnanlega Sjálfstæðisflokk. Þessi hlutföll í fylgi stjórnmálaflokkanna á Íslandi munu því miður lítið breytast meðan kjósendaskjáturnar ná ekki upp í að skilja hvað er hvað í pólitíkinni, því ef þær gerðu sér grein fyrir hvað fyrrnefndar flokkstofnanir standa fyrir mundi fylgi Sjálfstæðisflokksins hrapa niður fyrir fimm prósentin, óþurftarfyrirbrigði eins og Viðreisn, Píratar og Miðflokkur kæmust ekki á blað og kúnstugar flokksleysur eins og Samfylking, Framsókn og VG mættu þakka fyrir að fá fylgi sem nægði til að fá einn fulltrúa kjörinn á Alþingi.

Aftur á móti eru það flokkarnir sem hafna neðstir í umræddri skoðanakönnun ,,MMR" sem ættu skilið mun meira fylgi en þar kemur fram. Ef Sósíalistaflokkur Íslands ber gæfu til að vinna úr sínum málefnum af hugsjón og skynsemi og nær að girða fyrir aðgang lukkuriddara að framboðslistum sínum ætti hann að geta náð miklu fylgi, um og yfir þrjátíu prósent í fyrstu umferð. Flokkur fólksins á fulltrúa á þingi, en hefur ekki fengið athygli kjósenda að verðleikum. Að vísu sá Flokkur fólksins á eftir tveimur þingmönnum, illa popúlískum lukkuriddurum og vandræðamönnum, yfir til Miðflokksins, en það var frekar happdrættisvinningur lítils flokk en ekki tap. Satt best að segja væri eðlilegt að Flokkur fólksins hefði fimmtán til tuttugu prósenta fylgi, bæði í skoðanakönnunum og kosningum. 

Sjálfstæðisflokkurinn stærstur en fylgið dalar

Samkeppni er siðblind geðveiki og ætti að meðhöndlast sem slík

Bölvuð ekkisins glæpaart er þetta hjá kaupsýslumönnunum í Byko. Maður hefði haldið þetta væru heiðarlegir menn og stunduðu samkeppni að fullum krafti og eirðu aungvu fyrr en annaðhvort þeir eða hinir lægju í valnum með hroðalegt gjaldþrot á bakinu, sem alltaf kemur í hlut smælingjanna að borga, ef ekki í drápsvöxtum hjá bankanum þá með vaxtavöxtum, veldisvöxtum og dráttarvöxtum, sem riðið hafa mörgum manninum að fullu.

Sumir, einkum heimskir menn og giftingaróðar kerlur, halda að samkeppni sé sama og heilbrigði, enda slá gosarnir oft um sig með því að tala afar virðulega um ,,heilbrigða samkeppni." Hinsvegar er ekkert til sem heitir ,,heilbrigð samkeppni" vegna þess að samkeppni er í sjálfu sér veik, fárveik. Þegar betur er að gáð fellur samkeppni undir geðveiki og er heilsufarsmál. Þess vegna ætti að taka hvurn þann, er leggst svo lágt að mæra samkeppni og líkja henni við heilbrigði og hollustu, til rannsóknar af geðlæknum til að ganga úr skugga um hvört viðkomandi samkeppniselskari kunni að vera samfélagshættulegur og ætti því ekki að ganga laus.

Eitt sinn komst Máría Borgargagn á snoðir um, að eiginmaður hennar, Indriði Handreður, við Brynjar Vondulykt um ástir hennar og ástarathafnir. Vondalyktin sagði að þetta væri heilbrigð og hressandi samkeppni, en Handreðurinn maldaði í móinn og kvaðst ekki þola neinum að ká í sína ektakvinnu. Í framhaldi af þessu ákvað Máría Borgargagn að hafa njósn af ferðum manns síns, vítt og breitt innan höfuðborgarsvæðisins. Í tvo daga fylgdi hún ferðum Handreðsins, en þá stóð hún hann að verki. Hún kom sem sé þar að, sem Indriði Handreður var lagstur með Kolbeini Kolbeinssyni sem kona væri. Strax eftir uppgötvun sína hélt Máría Borgargagn á fund Brynjars Vondulyktar og falbauð honum sjálfa sig til skyndiásta. En þá kom í ljós að ekki var með felldu hjá Vondulyktinni. Hann lá í rúminu, dauða nær en lífi, því hann hafði fengið illan blóðtappa í leyndarlim sinn eftir náið samneyti við fyrrnefndan Indriða Handreð. Sagðist Vondulyktinni svo frá að Indriði Handreður hefði látið öllum illum látum, sem lauk með því að blóðtappi á hinum viðkvæma og leynda stað var óumflýjanlegur. Sagðist Brynjar Vondalykt geta útvegað Borgargagninu pístólu, sem afi hans í sveitinni hafði notað til að fella sauðfénað, ef henni langaði til að fella eiginmann sinn og sorasvínskvikindið hann Kolbein, en Borgargagnið lofaði að hugsa málið. Og hún er enn að hugsa málið. 

Byko sektað um 400 milljónir króna

Kynlegar ræður afturfótafiðrilda á lýðræðisdaginn mikla

Þær fjúka fjaðrirnar af Trumpinu um þessar mundir. Karlauminginn er búinn að tapa öllum kosningum sem hægt er að tapa, samstarfsfólkið hrökklast frá honum í stórum hópum, rekið eða tekið til fótanna og flúið á brott af eigin frumkvæði. Í gær sigaði Trumpið þjónum sínum úti í samfélaginu á þinghúsið í Bandaríkjunum og af varð mesta fjör, blóðsúthellingar, öskur og kjaftshögg. En nú er allt búið og Kanar farnir að bræða með sér hvort þeir eigi reka karlinn úr embætti áður en starfstími hans rennur út, fangelsa hann, kæra fyrir landráð og fleiri ágæta glæpi og dæma hann að svo búnu til einhverrar forvitnilegrar refsingar.

Hér á Íslandi vakti heimsókn Trumpsinnaðra kjósenda í þinghúsið í Washington ákafa athygli fjölmiðlunga og við lá að helvískar eignirnar færu alveg af hjörunum. Viðtalið við forsætisráðherra var athyglisverðast, en í því kom í ljós að Katrín litla af Thoroddsenætt hefir náð að tileinka sér málfar gildra Sjálfstæðisflokkskvenna til fullnustu og mátti á tímabili halda, að þar væri komin Hanna Birna, frú Andersen eða Ragnheiður Elín, þar sem var Katrín Jakobsdóttir, svona líka vinstri græn. Hvað eftir annað notaði Katrín orðið ,,gríðarlegur" eins og hvur önnur auðvaldsfrenja og saup hveljur í sífellu. Þá talaði hún fjálglega um einhverja árás á ,,lýðræðið" og tuldraði óskiljanlega vellu um hið ægilega lýðræði, örðu lýðræði meira, sem ku, samkvæmt hennar lúnu kokkabókum, eiga heimkynni sín í Bandaríkjum Norður Amriku, USA. Það var góður stígandi í máli Katrínar ,,forsætisráðherra" og öllum ljóst að öll skil millum draums og veru eru óglögg í höfði hennar smáu og sjáanlegt að hún á í mesta basli að greina hvað er hvað í rikisstjórnarhúminu. Henni, eins og öðrum vonarpeningi auðvaldsins á Vesturlöndur, er ómögulegt að skilja, að í Bandaríkjunum ríkir tveggja auðvaldsflokka einræði, sem á ekki neitt skylt við lýðræði.

Já, þær eru kynlegar ræðurnar sem Katrín, Gölle a. Utanríkis og stjórnmálafræðingarnir hafa flutt í belg og biðu í gærkveldi og í dag. Aunginn, ekki nokkur maður, minnist þess að þetta skrítna fólk hafi talað tungumál af svipuðu tagi og nú, þegar keimlíkar valdaránstilraunir fóru fram fyrir ekki svo alls löngu. Þó þetta lið fordæmi inngöngu bandarískra kjósenda í þinghús sitt, þá var nú annað uppi á teningnum þegar galin fasistaviðrini frömdu valdarán í Úkraínu; eða lætin í töpurunum í Hvítarússlandi, það voru góð læti og hægri lýðnum, allraflokka, aldeilis þóknanleg. Og man nú enginn lengur eftir fagnaðarlátum auðvaldssinna þegar auvirðileg handbendi stjórnvalda í Bandaríkjunum reyndu að fremja valdarán í Venesúela? Mikið var það nú gott fólk sem þar fór fram, en mistókst, sem betur fer, ætlunarverk sitt. Og hvar var þá öll lýðræðisástin hjá honum Gölle, Bjarnaben, Katrínu og Samfylkingunni þegar íbúar á Krímskaganum ákvæðu með yfir 90% atkvæða þi þjóðaratkvæðagreiðslu að tilheyra Rússlandi en ekki valdaræningjum í Úkraníu? En kannski munið þið hvað íslensku Hrunvaldarnir kölluð fólkið sem kom niður á Austurvöll að mótmæla, eftir að nýfrjálshyggjan hafði lagt allt á hliðina? Nei, þið munið það eflaust ekki. Það sem hin sérkennilega, hægrisinnaða stjórnmálaelíta allra flokka á Íslandi kallaði ,,skríl" eftir Hrunið á Íslandi og í þinghúsinu í Bandarikjunum í gær, heita í hinni hræsnisfullu og skinhelgu málfarbiflíu þeirra ,,lýðræðishetjur" og ,,mannréttindasinnar" eða eitthvað annað ámóta uppskrúfað og villandi.

Samgönguráðherra Trump segir af sér

Í fyrramálið fer Hálfdán Varðstjóri með hamar og nagla vestur í Landakot

Þá er náttúrulega bara að taka á leiðindum þeirra sem ekki spila með tveimur hrútshornum. Við vitum að Hálfdán Varðstjóri tók kattólska kirkjuhöfðingjann með sér á stöðina og flengdi hann fyrir óþekktina. Næsta skref Varðstjórans er að negla kattólsku kirkjuna aftur, en það mun hann gjöra árla í fyrramálið. Og hinn messuglaði karl í Landakoti gerir ekkert af sér á meðan hann verður að brasa við að draga naglana úr dyraumbúnaðinum. Því miður réðst óbótamaður á höfuðmusteri síra Baldvins í Gemlufallaprófastsdæmi eina nóttina negldi allar þrjár útidyr þess rammlega aftur með sex-, átta-, og tólftommu naglagaurum. Það dró vondan dilk á eftir sér.

Þegar síra Baldvin kom að musteri sínu í þessu ásigkomulagi hugsaði hann sig vel um meðan hann var að rífa naglana í burt. Þegar hann hefði lokið verki sínu gekk hann með óhugnanlega rólegu fasi út í bæ. Og þá fór nú óbótamaðurinn að skjálfa, því hann hafði fylgst með heiman að frá sér hvernig síra Baldvin mundi bregðast við. Nú, síra Baldvin fór beint heim til óbótamannsins og barði hann stórbarningi næstum í hel. Sunnudaginn næstan á eftir bannfærði hann mannræfilinn, sem nú lá fyrir dauðanum vegna barsmíðanna. Nokkrum dögum síðar var maðurinn borinn út í urð og honum komið þar fyrir eins og um hundshræ væri að ræða. Síðan hefir aunginn vogað sér að negla kirkjudyr síra Baldvins aftur.

Í fjölsóttri miðsumarsmessu, sem síra Baldvin söng sjálfur, talaði hann í löngu máli um illræðismenn, sporgöngumenn Júdasar, djöflinum ofurselda aumingja, drykkjurúta og fyllikuntur. Einnig fengu dárar, undirróðurshundar gegn Drotni og sálarlaus og siðvillt hlandsvín sinn skammt af bölbænum. Fyrir framan hinn risavaxna spámann sátu kirkjugestir hnípnir, dauðhræddir um að næst kæmi röðin að sér. Öll var þess framganga síra Baldvins rómuð og guðhræðsla sóknarbarna hans vék fyrir fullkominni prestshræðslu, enda sía Baldvin aunginn veifiskati við að eiga.  

„Leiðinlegt þegar fólk spilar ekki með“

Og Sathan leiddi þá til messugjörðar í Landakoti

Enn og aftur hefir gamli Sathan leitt og marga kattólikka til messugjörðar í Landakoti þvert ofan í samkomutakmörk sóttvarnaryfirvalda. Þessi lúmsku vélabrögð Sathans geta ekki endað á annan hátt en þann, kattólikkarnir fá allir sem einn kóvíð nítjánda og geispa golunni, Fjandanum til einlægrar ánægju. Og ekki minnka líkurnar á kirkjusókn kattólikkanna á næstunni þegar haft er í huga að næsta sunnudag er síra Baldvin, prestur og prófastur til Gemlufallaþinga, bókaður til leiða hámessu í Landakoti með bænalestri, messusöng og vakningarpredikun. Þá má búast við kirkjufylli og kjöraðstæðum til veldisvaxtarsmitunum í kóvíði.

Það þykir sumum meir en kynlegt, að þjóðkirkjulaunaður prófastur utan af landi sé kallaður til að syngja messu yfir kattólikkum í Reykjavík. Ástæðan fyrir því er samt einföld. Síra Baldvin hefir dregið prófastsdæmi sitt burt frá þjóðkirkjunni út af ýmsu sem honum þykir í hæsta máta bjánalega óguðlegt í þjóðkirkjunni. Þar eru kattólsku kirkjuhöfðingjarnir sammála síra Baldvini og hefir nú frægð og staðfesta hans borist alla leið í páfagarð. Mun páfi hafa í hyggja að bjóða síra Baldvini að heimsækja Vatíkanið og syngja þar messu að sínum hætti.

En í dag börðust kattólikkar í Landakoti við sveit Hálfdáns Varðstjóra sem gjörði snarpa innrás í musteri þeirra. Þetta urðu skemmtilega blóðug slagsmál, þar sem Hálfdán Varðstjóri þreif í bringu kirkjuhöfðingjans sem vara að messa, hóf hann í loft og hljóp með kauða út guðshúsinu og járnaði hann fyrir aftan lögreglubifreið, en aðvífandi garpar í heilsubótargöngu aðstoðuðu Varðstjórann við kasta klerki inn í fangabúr lögreglubifreiðarinnar. Á meðan þessu fór fram, ráku sveinar Hálfdáns Varðstjóra, messugesti út eins og kýr úr fjósi, og héldu áfram að dangla í þá undir beru lofti á Landakotstúni. En Hálfdán Varðstjóri ók glaður í bragði á brott með herfang sitt og þókti honum vel hafa tekist til við sóttvarnarstörf lögreglunnar í dag. En mest hefir þó Sathan haft gaman að tildragelsi dagsins í dag í Landakoti.

Aftur of margir í Landakotskirkju

Ok þá orkti þjóðskáldið og hlaut verðskulduð kvæðislaun fyrir

"Ein er úti að skíta,
öllum köllum fjær,
blessuð dúfan hvíta,
glöð með loppnar tær.
Gæðakonan góða
gekk út um morgunstund;
lík mest þeim svæsna sóða,
sem hefir illa lund.
Af þjófseðli vondu þagði
þreif upp hnífinn um leið;
á snöggu augabragði
af hausinn dúfu sneið. 
Svo plokkar hún og pils upp brýtur
og pottinn á eldavél setur.
Segir ,,happ þeim hlýtur"
og horaða dúfu etur.

Ofangreint ljóðmæli orkti þjóskáldið þegar það gekk um fjallið Skjaldbreiður. Honum hafði verið hugsað til einnar vondrar kérlínganornar, sem sálgaði unglingstelpu til frálags. Norn þessi hafði óorð á sér eins og aðrar kveldriður og grunur lék á að hún færi sumar hvert suður á Blokksfjall til að sitja nornaþing með sjálfum Erki-Djöflinum úr Helvíti.

Þegar farið var að grenslast fyrir hvur unglingurinn var er nornin hafði slagtað og etið kom einkennileg staða upp. Hvurgi í öllu landinu var saknað stúlku á sama reki og sú etna. Ekki vantaði heldur neina yngri og ekki neina eldri heldur. Niðurstaðan var óumflýjanleg: Þjóðskáldið hafði samið óviðurkvæmilegt kvæði um morð og mannát sem aunginn einasti maður kannaðist við. Í samræmi við alvarleik málsins var þjóðskáldinu varpað í fangelsi þar sem það að lokum dó úr uppgerð eftir að farið var að slá í það. 

„Eins og hann ríkti yfir öllu svæðinu“

Stúlkunum skal klappa lof í lófa hvað svo sem lyga- og rógstungum krata líður

Þessa stundina er ég afar stoltur af stúlkunum Swandeesý og Katrínu fyrir skynsamlega, fumlausa og ábyrga framgöngu í baráttunni við kóvíðinn og innkaup á bóluefni við kóvíðnum og örugga skipulagningu bólusetninganna. Reyndar er ég aðeins stoltur af þeim telpunum í því sem snertir ofangreind atriði í baráttu unni við kóvíð. Að öðru leyti eru þær ómótaðar í poletik og tilsýndar eins og blindar mýs í lokuðum búrskáp, þar sem hugtökin hægri og vinstri, kapítalismi og sosialismi eru á floti og aunginn veit handa skil.

Þó svo ég klappi heilbrigðisráðherra og forsætisráðherra lof í lófa fyrir stillta og vandaða framgöngu gegn kóvíðsfárinu, eru aðrir sem virðast hatast við Swandeesý Sendiherrans og Katrínu litlu, finna þeim allt til foráttu og saka þær um aumingjaskap, heimsku og fordæmalausan slóðaskap í yfirstandandi baráttu og og algert klúður í öflun bóluefna gegn drepsóttinni. Fremstir í svigurmælum og ásökunum í garð stelpugreyjanna eru kratarnir og Píratahænsnin fylgja með, étandi upp hroðann, sem kratarnir láta sér um munn fara, eins og páfagaukar. Hvað kratastóðinu gengur til með árásum sínum, dylgjum og lygimálum er allsendis óljóst og aungin leið fremur en venjulega að skilja rógsbullið í því auma fólki.

En svo ber líka á það að líta, kratar eru veikt fólk, haldið krataeðlinu og hagar sér samkvæmt því ekki eins og venjulegt fólk. Krataeðlið grefur um sig í höfði sjúklinganna eins og mjög bagaleg heilaskemmd; og fólk getur vel dáið úr krataeðlisvírusnum svo sem dæmin sanna. Því gerum vér ráð fyrir, að þegar kratavitfirringarnir arga og garga og öskra eins og blótneyti fyrir utan stjórnarráðið um að Swandeesý hafi klúðrað bóluefnakaupunum, þá eigi þeir við að hún hafi ekki pantað og keypt fyrir hönd ríkisins bóluefni gegn krataeðlisvírusnum en séu ekki að atyrða hana fyrir pantanir á kóvíðsbóluefni. Jú, Gottfreð læknir hefir hannað metalbræðing, sem steindrepur krataeðlið ef því er dælt með sprautu í sjúklinginn. Því miður fylgja meðali Gottfreðs nokkrar aukaverkanir, sem ku fæla krataeðlissjúklingana frá að láta sprauta. Það kom sem sé í ljós að þegar Gottfreð pumpaði krataeitrinu í krataeðlissjúklingana, að annaðhvort urðu þeir sljóir og viðutan eins geltir fresskettir, eða þeir bara hreinlega drápust; sagt var að hlandblaðran hefði sprungið þegar efnið komst í snertingu við hana og sjúklingurinn sálast eftir skamma stund af óvenjulegri bráðalífhimnubólgu. En ef kratar hafa hug á að læknast af krataeðlisheilkennum sínum er ekki um annað að ræða fyrir þá en að fara til Gottfreðs læknis og fá bólusetningu hjá honum. Allt er skárra fyrir þeirra hönd en að vera áfram eins og þeir eru.

Hafa ekki rætt veitingu bráðaleyfis á undan ESB