Barátta stjörnusýslumannsins við glæpahneigð Árnesinga.

Mikið ósköp gengur hægt, þrátt fyrir óskaplega elju og dugnað, hjá hinum ástsæla stórstjörnusýslumanni á Selfossi að venja menn af glæpum í Árnessýslu. Það liggur næst að halda að glæpahneigð sé mun ríkari í Árnesingum en fólki annarsstaðar á landinu að Akureyri meðtaldri. Getur verið að umrædd glæpahneigð hafi smitast útí jarðveginn og vatnið í þessari voluðu sýslu út frá glæpamannasetrinu að Litla-Hrauni? Ef svo er, er ekki nema von að stjörnusýslumanninum gangi illa að hemja alla bófana og stigamennina sem sífellt eru á rápi í umdæmi hans. Ég legg til að Árnessýsla verði einangruð frá öðrum landshlutum með tíu metra háum múr með gaddavírsflækju ofaná og stjörnusýslumanninum Stones verð fengin þau meðul sem duga til kveða glæpaartina niður í Árnesingum í eitt skipti fyrir öll.

Sviptur ökuréttindum eftir ölvunarakstur

Athugasemdir

[Ingvar Jónsson, 15.8.2010 kl. 10:44]

Þegar frétt berst frá Lögregluembættinu í Árnessýslu koma alltaf niðrandi athugasemdir frá Ólafsvík um okkar ágæta sýslumann og Árnesinga yfirleitt. Það eru margir á ferð um Árnessýslu og þarna gæti alveg eins verið um Ólsara að ræða. Býrðu ekki nærri Kvíabryggju?

Ingvar Jónsson Selfossi

[Jóhannes Ragnarsson, 15.8.2010 kl. 13:05]

Ja, niðrandi og niðrandi ekki. Svona þér að segja, Ingvar, þá er yfirvald ykkar Árnesinga í töluverðu uppáhaldi hjá mér.

Dylgjum þess efnis að Ólsarar vaði um Árnessýslu eins og glæpafól vísa ég alfarið á bug. Ólsarar eru mjög heiðarlegir og vandir að virðingu sinni, bæði heima og heiman.

Á Kvíabryggju búa ávallt eðal-fyrirmyndarfangar, sem engin smithætta er af.