Þáttur vatns í kristnum dómi

Í hinum kristna dómi kemur vatn mikið við sögu. Þetta röru lærisveinarnir til fiskjar útá Genesaretvatn, sem er mikill sjór og gjöfull. Það var líka einmitt á Genesaretvatni sem Frelsarinn hastaði á útsynninginn og brælan koðnaði niður og hann datt á með dúnalogn svo að lærisveinarnir gátu haldið áfram að draga netin sín. Og á sama vatni spásséraði Kristur eins og hann hefði fast land undir fótum, en Pétur kapteinn sökk á augabragði uppfyrir haus þegar hann ætlaði að leika vatnsgöngu meistara síns eftir.

Það er því sannarlega mikill búhnykkur fyrir þá í Neskirkju að fá vatnsleka í musteri sitt á sjálft aðfangadagskvöld; eru þeir sannarlega öfundsverðir af slíku Drottins tákni. Og vonandi hafa kennimenn Neskirkju getað gengið á vatninu sem heiðraði gólf þeirra í kvöld og ennfremur að þeim hafi tekist að hasta svo kröfuglega á lekann að hann hafi stöðvast svo syndugur söfnuðurinn færi sér ekki að voða í allri þessari rokna bleytu þegar hann mætti til aftansöngs.

Vatnsleki í Neskirkju

Athugasemdir

[Níels A. Ársælsson., 24.12.2010 kl. 22:35]

Halelúla .....

Ætli síra Baldvinn hafi verið á staðnum ?

[Jóhannes Ragnarsson, 24.12.2010 kl. 22:43]

Hann ku hafa þjónað til altaris við hátíðarmessuna eftir að hafa kveðið lekann niður af harðsnúinni andagift.